ሉሉ!!!!

ሉሉ የጃንሆይ ድንክ ውሻ ነበረች ፤ ይቺ ድንክ ውሻ አቶ ጀማነህ አላብሰው ተማሪ በነበሩበት ጊዜ በ1942 ዓ.ም ለጃንሆይ ያበረከቷት ነች ።በተበረከተችበት ጊዜ ጃንሆይ ስሟ ማነው ብለው ቢጠይቁ ግለሰቡ ያልተዘጋጁበት ጉዳይ ስለነበር አፋቸው ላይ እንደመጣ ” ሉሉ ነው” ብለው መለሱላቸው ።ከዚህ ወቅት አንስቶ የውሻዋ ስም ሉሉ ሆኖ ቀረ ።

ይህች ድንክ ውሻ የተለየችና አቶ ጀማነህ ከየት አምጥተው እንዳሰደጔት በእርግጥ የሚያውቅ ሰው አልተገኘም ። ይሁንና የነቃችና ብልህ ውሻ ስለነበረች ለብዙ ጊዜ ሉሉን ከውጭ ሀገር ጉብኝታቸው ጭምር ሣያስቀድሙ ንጉሰ ነገስቱ አይሄዱም ነበር ። ጃንሆይ ሉሉን ሳያስከትሉ የሚሄዱበት ቦታ ቤተክርስቲያን ብቻ ነበር ።ጃንሆይ አውስትራሊያን ለመጉብኘት ሲሄዱ የሀገሩ ህግ እንሰሳ እንዲገባ ስለማይፈቅድ ሉሉ ልትገባ ባለመቻልዋ አንድ የቤተመንግስት ባለሥልጣን ሉሉን ይዞ ወደሚቀጥለው የጉብኝት ሀገር ደቡብ ኮሪያ ሄዳ ጃንሆይ እዛ ሲደርሱ አስረክቧል ።

ጃንሆይ ከአውሮፓላን ከመውረዳቸው በፊት ሉሉ ትወርድና የራሷን ጉብኝት ታደርጋለች ።ውድድር ለመመልከት ወደ ስታዲየም ሲመጡ ቀጥ ብላ ኳስ ሜዳ መካከሉ ትሄድና ተመልሣ እስራቸው ትተኛለች ። በተለይ በኢትዮጵያና በግብጽ መካከል በ 1954 ዓ.ም በተደረገው በ3ተኛው የአፍሪካ ዋንጫ የመጨረሻ ግጥሚያ ዕለት ሜዳው ውስጥ ገብታ እንዲያውም ጉል መግቢያው ድረስ መመለሷን እንደ ትልቅ ነገር የሚያወሱ ሰዋች አሉ ፤ይህንን ሁሉ የሚመለከት ሰው ይህች ውሻ ነገር ያላት ናት እያለ ይናገራል ።

Azeb Ataro saved to Ethiopia: Hagere

ሉሉን የሚወዷት ሰዋች የመኖራቸውን ያህል የሚጠሏትም ብዙዋች ነበሩ ፤ በተለይ የዮኒቨርቲቱ ተማሪዎች ጃንሆይ ለምርቃት በዓል ሲመጡ የእሷ አብሮ መምጣት አይጥማቸውም ነበር።እሷም ከመካከላቸው እየገባች ታነፈንፍ ስለነበር አንድ አመት ላይ አንድ ምሩቅ ሰው ረገጣትና ጮህች ፤ በዚህ ጊዜ አጃቢዎች ረጋጩን ተማሪ ለመለየት ብዙ ቢሞክሩም ሌሎች ተማሪዎች ስለሸፈኑለት ተማሪው ሳይለይ ነገሩ እንዲሁ በቅሬታ ታለፈ፤ ” ባለቤቱን ካልናቁ ውሻውን አይነኩም ” እንደሚባለው ጃንሆይን ካልናቁ ወይም ካልጠሉ ውሻውን አይነኩም በሚል ውሻዎን ሁሉ ሰው ያከብር ነበር።

አንድ ጊዜ ኮረኔል ተክሉ ገብሩ ሻምበል በነበሩበት ወቅት ተግባረዕድ ትምህርት ቤት የራዲዮ ኮሙኒኬሽን ትምህርት ሲማሩ ጃንሄይ ትምህርት ቤቱን ለመጉብኘት ሲመጡ መኮንኑ እግር ስር ሉሉ መጥታ ስላስቸገረቻቸውና ጃንሆይም በቅርቡ ስለነበር ውሻዋን ” ወይጅ ” ማለት ስለፈሩ “ወይዱ” ስላሉ ጔደኛቻቸው ” ወይዱ ” የሚል ቅፅል ስም ሰጥተዋቸው ነበር ።
ሉሉ የወር ደሞዝ ተቆርጦላት በወር የአንድ ሻምበል ደምወዝ ብር 175 ታገኝ እንደነበር የታወቀው ጀነራል መንግስቱ ነዋይ ለገሃር በነበረው የጦር ካምፕ እስር ላይ በነበሩበት ወቅት ለአንድ ሻንበል ” እኔ እዚህ ችግር ላይ የገባሁት ያንተን ደምወዝ ከአንድ የውሻ ደሞዝ እንዲሻል ለማረግ ብዬ ነበር ” ብለው በመናገራቸው ነበር ።

ሞት አይቀርምና ሉሉ ስትሞት ቤተመንግስት ውስጥ ተቀብራ መቃብሯም በእብነበረድ ስለተሰራ ጃንሆይ ከተወቀሱበት ነገር አንዱ ሆኗል ።

ምንጭ ፦ የአቶ ጥላሁን ብርሃነስላሴ ” የ20ኛው ክፍለዘመን ኢትዮጲያ ” የተሰኘው መጽሀፍ

፩ኛ/  መንደርደሪያ፤

የአድዋ ጦርነት ድላችን ከፍተኛ ክብርና ኩራት ያጎናፀፈን ከመሆኑም በላይ ለዓለም ጭቁኖች በሙሉ የነፃነት ትግሎች ከፍተኛ ምሣሌ ጥሎ ያለፈ ተዓምራዊ ክንዋኔ ነበር። የማይጨዉም እልህ አስጨራሽ ትግልና ነፃነት እንደዚሁ። ጣሊያ እኮ በሁለቱም ጦርነቶች ወደአገራችን የዘመተችዉ የራሷን ጥቅም ለማስፋፋት ነበር። ይሄን ደግሞ የተማረችዉ ከርሷ በፊት የአፍሪቃን፤ የኢስያን፣  የፓሲፊክንና የአሜሪካን አገሮች ከተቀራመቱት እንግሊዞች፤ ጀርመኖች፤ እስፓኛዎችና ፖርቹጋሎች በመማር ነበር። የቤርሊን ጉባኤ በመባል በሚታወቀዉ ሴይጣናዊ ስምምነት ላይ የተደረሰ ዉሳኔ በመሆኑ ጣሊያም እንዳበደች ዉሻ እያለከለከች ወደ እኛ አገር ያቀናችዉ ድርሻዋን ልትቀራምት ነበር። በዓለም ላይ ይሄን ቅርምት ያልፈቀደች፤ ያልተበገረችና ነፃነቷን ጠብቃ እስካሁን የቆየችዋ አገር ኢትዮጵያ ብቻ ናት።

የአድዋ ድል ለኢትዮጵያ ነፃነትና ኩራት ብቻ ሳይሆን ሌሎቹም የሦስተኛዉ ዓለም አገሮች የኢትዮጵያን ፈለግ በመከተል ለነፃነታቸዉ እንዲታገሉ ሞራል በመስጠት ሕያዉ ምሣሌ ሆኖ ለዘለዓለም የሚኖር ብቸኛ ታሪክ ነዉ። ኢትዮጵያ በነዚያ ጀግኖች አያቶቻችን ስትኮራ ለዘለዓለም ትኖራለች።

ዛሬ አልሞትንም እያልን እራሳችንን እያታለልን በደመ ነፍስ የምንንቀሳቀስ የቁም ማዉታን ግን በነዚያ አርበኞች አያቶቻችንና ቅድመ አያቶቻችን ጀግንነት ደምና አጥንት በተገኙት ድሎች ከመኩራራት ባሻገር ዛሬ በአብዛኛዉ ተመሳሳይ አስተዋጽኦ ስናደርግ አንታይም። የቀደሙት አያቶቻችን በዘር፤ በጎሣ፤ በዕድሜና በጾታ ሳይከፋፈሉ በዐራቱም ማዕዘኖች በተባበረና በተቀናጀ መልክ የአገራቸዉን ነፃነትና የህዝባቸዉን ደህንነት ያስከብሩ ነበር፤ የአሁኖቹ ደግሞ የዉጪ ጠላቶቻችንን እየጋበዙ ድምበሮቻችንና መሬቶቻችንን ይቸበችቡላቸዋል፤ ይሰጧቸዋል። ህዝባችን ግን ዛሬ በገዛ አገሩም ሆነ በስደት ላይ እንደሁለተኛ ዜጋ እየተቆጠረ በምን ዓይነት ባርነት፤ መከራና ሰቆቃ ላይ እንደሚገኝ የማያዉቅ ዜጋ ይኖራል ብዬ አልገምትም። ዛሬ ካለፉት ታሪኮች መማር የሚፈልጉ ዜጎች ቁጥር እጅግ በጣም አነስተኛ ነዉ፤ በጣም ያሳዝናል። ካለፉት ጠንካራና ደካማ ጎኖቻችን መማር ካልቻልን ወይም ካልፈለግን ሰዎች አይደለንም፤ ከእንስሳትም በታች እንሆናለን። እንስሳት እንኳን ተመክሮአቸዉንና አካባቢያቸዉን ደህና አድርገዉ ይጠቀሙበታል፤ ለመኖር ያህል።

፪ኛ/ ከዐድዋ ጦርነትና ድል ምን እንማራለን?

ጣሊያን በፈረንጆች አቆጣጠር በ1885 ዓ/ም አካባቢ በምፅዋ ላይ መደራጀት ጀመረች። ከዚያም ቀስ በቀስ ወደ ምዕራብ እየገፋች ባህር ነጋሲ በመባል የሚታወቀዉን ሰሜኑን የኢትዮጵያ ክፍል ይዛ ‘ኤርትራ’ የሚል ስም በመስጠት ሰፈረችበት። በዚያን ጊዜ የትግራይ ገዥ ራስ መንገሻ ነበሩ። ዐፄ ዮሃንስ በመተማ ጦርነት ላይ ከተገደሉ በኋላ የመንገሥ ፍላጎት ስለነበራቸዉና ለዚህም የጣሊያኖችን ድጋፍ ይሹ ስለነበር በመጀመሪያ ከዐፄ ምኒልክ ጋር ተባብረዉ ጣሊያንን ከሰሜኑ ክፍል ለማባረር ፍላጎት እንዳልነበራቸዉ ታሪክ ይናገራል። ደጃዝማች ባህታ ሃጎስ ከአከለጉዛይ ተነስተዉ ጣሊያኖችን ለመዉጋት ገጥመመዉ ሲገደሉ ከራስ መንገሻ በኩል ምንም ድጋፍ እንዳልነበራቸዉ ይነገራል። ከመጀመሪያዉ ተደጋግፈዉ  አብረዉ ቢሰለፉ ኖሮ ጣሊያ በይበልጥ ተደራጅታ ወደ ደቡብ በቀላሉ ለመዝለቅ ባልቻለች ነበር።

ዳሩ ግን ጣሊያ በትግራይ በኩል እየገፋች ወደደቡብ የመጣችበቱ ዓላማ ኢትዮጵያን በቅኝ አገዛዝ ለመያዝ እንደሆነ ሲረዱ ራስ መንገሻ ገስግሰዉ ሄደዉ ድንጋይ ተሸክመዉ ዐፄ መኒልክ ፊት በመቅረብ ይቅርታ ጠይቀዉ እጎናቸዉ ተሰለፍ።

በዐፄ መኒልክና በጣሊያ ምንግሥት መካከል ዉጫሌ በመባል የሚታወቀዉ ‘የወዳጅነት’ ስምምነት በፈረንጆች አቆጣጠር በ1889 ዓ/ም ተፈርሞ ነበር። የዚህ ስምምነት አንቀጽ 17 እንነደሚለዉ ንጉሠ ነገሥቱ (ማለት ዐፄ መኒልክ) ከፈለጉ ከዉጪ አገሮች ጋር ስለሚኖራቸዉ ግንኙነት  በጣሊያን መሥሪያ ቤቶች ሊጠቀሙ እንደሚችሉ ነበር። ጣሊያኖቹ ግን ሁን ብለዉ ይሄን ስምምነት በማጣመም ኢትዮጵያ የዉጪ ግንኙነቶችን በሙሉ በጣሊያ ባለሥልጣኖች በኩል እንድታደረግ ትገደዳለች ብለዉ ቁጭ አሉ። በዚህ መልክ ነበር እንግዲህ የአድዋ ጦርነት የተጀመረዉ።

የዐፄ ምኒልክ አዋጅ ተነገረ፤ ልብ የሚነካ ነበር። መልእክታቸዉ አጭር ነበር፤ አገር የሚያጠፋና ሃይማኖት የሚለዉጥ ጠላት ስለመምጣቱና በእግዚአብሔር ረዳትነት አገራቸዉን አሳልፈዉ እንደማይሰጡ በመግለፅ ጉልበት ያለዉ በጉልበቱ፤ ጉልበት የሌለዉ ደግሞ በሃዘንና በፀሎት እንዲረዳቸዉ ተማፀኑ።

በዚህም ጥሪ መሠረት የኢትዮጵያ ሕዝብ ከዐራቱም ማዕዘናት ተንቀሳቀሰ። የመሃል አገሩ ሕዝብ በርሳቸዉ ሥር ተሰለፈ። የስሜን ጦር በእቴጌ ጣይቱ ሥር፤ የጎጃም ጦር በንጉሥ ተክለ ኃይማኖት ሥር፤ የሃረር ጦር በራስ መኮንን ወ/ሚካዔል ጉዲሣ (የ/ቀ/ ኃይለ ሥላሴ አባት) ሥር፤ የትግራይና የሃማሴን ጦር በራስ መንገሻና (የዐፄ ዮሃንስ ወንድም ልጅ) በራስ አሉላ ሥር ሲሰለፍ የወሎ ጦር በራስ ሚካኤል ሥር ነበር። ጣሊያን ዘመናዊ መሣሪያ ይዛ ስትመጣ የእኛዎቹ ግን ታቦት ይዘዉ በፊሉቤር፤ በጥቂት ጠብመንጃዎች፤ በእጅ ጦርና ጋሻ ብቻ ነበር የገጠሙት። ፈረስ የነበረዉ በፈረሱ፤ የሌለዉ ደግሞ በእግሩ ነበር የዘመተዉ።

ቸሩ እግዚአብሔር ይመስገን ድሉ ለአርበኞቻችን ሆነ። ሶላቶዎች ቅስማቸዉ ተሰበረ። የነጫጭባዉ ዓለም በሙሉ በከባድ ትካዜ ዉስጥ ወደቀ። በአዎሮፓና በአሜሪካ የሚኖሩት ነጮች የጣሊያንን ክፉኛ መቸነፍ ማመንም ሲያቅታቸዉ ጊዜ ኢትዮጵያኖች እኮ ጥቁሮች አይደሉም፤ ከኛ ርቀዉ የሚኖሩ ነጮች ናቸዉ እስከማለት ደርሰዉ ነበር። ጣሊያን በአፍሪቃ ጥቁር አገር መቸነፏን ላለመቀበል።

፫ና/  ከማይጨዉ ጦርነትና ድል ምን እንማራለን?

የላይኛዉን ጦርነት ታሪኮች የሰማሁት ከትምህርት ቤቶችና ከጽሑፎች ሲሆን ስለማይጨዉ ጦርነት ግን ከአርበኛዉ አባቴ አፍ ጭምር ነበር፤ በወጣትነቱ ጦርነቱ ዉስጥ የገባ አርበኛና  የዐይን ምስክር ነበርና።

ጣሊያ በአድዋ ከተቸነፈች ቀን ጀምሮ አርፋ አልተኛችም፤ ወራሪ ጓደኞችዋም ጭምር። ስለዚህ ለ40 ዓመታት ሙሉ ዝግጅት አድርጋ ልትወርረንና ቂሟን ልትበቀል ተመልሳ መጣች። ወገኖቻችን እንደገና በተለመደዉ ህብረታቸዉ ዘመቱ። ጀግናዉና አርበኛዉ አባቴ እንዳስተማረኝ፤ አሁንስ ዓላማቸዉ አቸንፈዉ ከአገር ማባረር ብቻ ሳይሆን እስከ ሮማ ድረስ ተከትሎ በመሄድ ጥሩ ትምህርት ለመስጠት ጭምር እንደነበረ ነዉ። በእዉነትም ወደ መጀመሪያዉ ላይ  ጥልቅ ጉዳት አድርሰን ነበር። የአድዋ ሽንፈቷ እንዳይደገም  ክፉኛ ተጨነቀች። የደረሰባትን ከባድ ጉዳት ለፋሺስቱ መሪ ለሙሶሎኒ አስታወቀች። ከቫቲካን ጭምር የሮማ ሕዝብ በነቂስ ወጥቶ የገንዘብ መዋጮ አደረገ፤ ሴቶቹ እስከጋብቻ ቀለበታቸዉ ድረስ።

ከአንደኛዉ የዓለም ጦርነት በኋላ የተከለከለዉን የመርዝ ጪስ ከጦር አይሮፕላኖች ላይ ረጨችብን። ቤቶች ተቃጠሉ፤ ከብቶች አለቁ፤ የአርበኞቻችን ዐይኖች ተቃጠሉ። ጉዳዩን ለማመንም አስቸጋሪ ነበር። ለጊዜዉ ማፈግፈጉ የግድ ሆነ።

ታሪኩ ረዥምና እልህ አስጨራሽ በመሆኑ አሳጥረዋለሁ። ንጉሣችን (ቀ/ኃ/ሥ)  ለሊግ ኦፍ ኔሽን ሊያመለክቱ ወደ ዠኔቫ ሄዱ። አፍንጫ ሲመታ ዐይን ያለቅሳል እንዲሉ የአዉሮፓ መሪዎች በሙሉ ለጣሊያን አዳሉ፤ በኛ ላይ አፌዙ። ንጉሣችን ተስፋ ቆርጠዉ በዚያዉ ወደ እንግሊዝ አገር አቀኑ። የኢትዮጵያ ሕዝብ ግን እንደገና በጦር መሪዎችና በጎበዝ አለቆች ሥር እተደራጀ ለ5 ዓመታት ያላሰለሰ ትግል በማካሄድ ጣሊያኖችን ዕረፍት አሳጣቸዉ።

አርበኞቻችን ለነፃነታችንና ለክብራችን ደማቸዉን ሲያፈሱና አጥንታቸዉን ሲከሰክሱ ባንዳዎች ግን ለሆዳቸዉ በማደር ጣሊያኖችን እያገለገሉ ከባድ ጉዳት ማድረሳቸዉ የሚረሳ ታሪክ አይደለም። ያ ሁሉ አለፈና ጣሊያም እንደገና ተደመሰሰች፤ አገራችንን በቅኝ ሳትይዝ እንደባነነች መጥታ እንደባነነች በሃፍረትና በቅሌት ወደ አገሯ ተመለሰች። እግዚአብሔር ይመስገን።

፬ኛ/ ጥፋቶቻችንን አምነን ንሥሐ ገብተን ወደፊት ልንራመድ እንችላለን?

ሁል ጊዜ ዉድ አገራችንን በይበልጥ የሚያሰቃዩት የዉጪ ጠላቶች ሳይሆኑ የዉስጥ ባንዳዎች ናቸዉ። ይሄም በጣሊያን ወረራዎች ዘመናት ታይተዋል፤ በደርግ አስተዳደር ዘመን ዐይተናል፤ ዛሬም በወያኔ/ኢሕአደግ ሥር እየተመለከትን ነዉ። ‘ኢትዮጵያ አገሬ ሞኝ ነሽ ተላላ፤ የሞተልሽ ቀርቶ የገደለሽ በላ’ የተባለዉ ለዚህ ነበር።

ሞት ላይቀር ነገር ብኩኖች ይስገበገባሉ። በልተዉ የሚጠግቡ አይመስላቸዉም፤ ለሺህ ዓመታት የሚኖሩ ይመስላቸዋል፤ ግብዞች።

ዛሬ ዉድ አገራችን በከባድ ጣጣ ዉስጥ ትገኛለች። ማንነታቸዉን ያጡ ወገኖች በተለይ በአማራዉ ነገድ አካባቢ ይታያሉ። የአማራዉ፡ የኦሮሞዉ፤ የጋምቤላዉ፤ የደቡቡ ሆነ የአፋር ሕዝባችን መሬቱን እየተነጠቀና እተፈናቀለ ይገኛል፡ ይታሰራል፤ ይገደላል፤ በገፍ ይሰደዳል።

የወያኔ/ኢሕአደግ አንቀጽ 39 ሥራዉን እየሠራ ነዉ። በአንድነት ምትክ ክፍፍሉ እየሰፋ ይታያል። ቻርተሩ ሲረቀቅ ሆነ የህገ መንግሥቱ አንቀጽ 39 ሲረቀቅ ከወያኔ ጎን በመሆን ድጋፍ የሰጡ ተለጣፊዎች ነበሩ።

አሥራ አምስት ተቃዋሚ ድርጅቶችን ያቀፈዉን ታላቁን ህብረት አፈረሱ። ድርጅቶች ፈለፈሉ። ገለልተኛ ታዛቢዎችና ነፃ የምርጫ ቦርድ ሳይኖር ምርጫ ዉስጥ መግባቱን እንዳታስቡት እያለ ሕዝቡ በነቂስ እያስጠነቀቃቸዉ ዘልለዉ ምርጫ ዉስጥ ገቡ። ከዚያ ምን ሆነ? ሁሉም የሚያቀዉ መሳቂያ ሆነዉ ቀሩ። ዛሬ በፓርላማ ተብዬዉ ዉስጥ አንድም ተቃዋሚ ድርጅት የለም። ይሄ ነዉ ዲሞክራሲ? ይሄ ነዉ ሰላም? ይሄ ነዉ እድገት?

ካለፉት ጠንካራና ደካማ ጎኖቻችን መማር ከፈለግን አሁንም የዉድ አገራችንን ህልዉናና የመላዉን ሕዝባችንን ደህንነት ልናስጠብቅ እንችላለን። ዛሬም እንደገና አዳዲስ ፋሺስቶች እያንጃበቡብን ናቸዉ፤ አንዳንዶቹም ጠልቀዉ ገብተዋል፤ መሪታችንን ሊቀራመቱ፤ ህዝባችንን ሊከፋፍሉ፤ ኦርቶዶክስን ሊሰብሩ፤ ሙስሊሞችን ሊረግጡና ዉድ አገራችንን ሊያፈርሱ። የኢትዮጵያ መሬት የኢትዮጵያዉያን እንጂ የሱዳንም፤ የግብፅም፤ የቻይናም፤ የህንድም፤ የፓኪስታንም፤ የሳዑዲም ሆነ የቱርክ አይደለም፤ መሆንም የለበትም።

መፍትሔዉ ቀላል ነዉ። ከቀደሙት ጀግኖች፤ ቅዱሳንና ሰማዕታት እንማር። ፈሪሃ እግዚአብሔር እንዲያድርብን እንሞክር። ራስ ወዳድነትንና ሆድ አደርነትን እንቀንስ። ለአገር አንድነትና ነፃነት በህብረት እንፀለይ፤  እንታገል፤ ለልጆቻችንና ለልጅ ልጆቻችን ያቺን የተረከብናትን ቆንጆ አገር እናዉርስ። አንዳንድ የዉስጥ ልዩነቶች እንኳን ቢኖሩን መጀመሪያ አገራችንን ከዉድቀት ካወጣናት በኋላ ዲሞክራሲያዊና ስልጡን በሆነ መልክ ተወያይተን መፍትሔ ልናገኝ የማንችልበት ምክንያት አይኖርም። በተለይ ባለፉት 40 ዓመታት ብዙ መቶ ሺህ ሕዝባችን (በተለይ ለጋ ወጣቶች) ለዲሞክራሲና ለእኩልነት ሲሉ ተቀጥቅጠዋል፤ ተሰቃይተዋል፤ ተገድለዋል፤ ተሰደናል። እስቲ አሁንም ለዲሞክራሲ ግንባታ አንድ ላይ ሆነን እንታገል። በዲሞክራሲ ጎዳና የሕዝባችን እኩልነት ከተጠበቀ፤ ሰላምና እርጋታ ከሰፈነ፤ የኢኮኖሚ እድገት ከታየና የአገሪቷ መዋዕለ ንዋይ ፍትሃዊና ሚዛናዊ በሆነ መንገድ ከተከፋፈለ ዋናዉ ችግራችን ተወገደ ማለት ነዉ። ከዚያ በላይ ያለዉ ቅንጦት ወይም ህልም ይመስለኛል።

ስማኝ ተዉ ስማኝ ሀገሬ፤ አንድነት ይበጀናል ዛሬ

ቸሩ ፈጣሪያችን የአገራችንን አንድነትና የሕዝባችንን ደህንነት ለዘለዓለሙ ይጠብቅልን፤ አሜን።

ሕወሃቶች

ገዢው ፓርቲ ከተቃዋሚዎች ጋር ለመደራደር ዝግጅት ላይ እንዳለ ይታወቃል። ወደ 21 የሚሆኑ ተቃዋሚዎች ናቸው ቢባል አብዛኞቹ ፣ መሪዎቻቸው የምርጫ ቦርድ ስርተፊኬት በኪሳቸው ይዘው የሚዞሩ ናቸው። ግብስብስ ድርጅቶች። እንደ አየለ ጫሚሶ፣ ትግስቱ አወሉ የመሳሰሉ።

ሆኖም በአንጻራዊነት በአገሪቷ ተቀባይነት ያላቸው ወይም ጠንካራ የሆኑ እንደ መኢአድ፣ ሰማያዊ፣ መድረክ፣ ኢዴፓ ያሉ ድርጅቶችም አሉ። (ስለዚህ ተቃዋሚዎች በምልበት ዝም ብለው በተቃዋሚ ስም የተቀመጡ ግብስብሶችን ሳይሆን እንደነ ሰማያዊ፣ መኢአድ አይነቶቹን ነው)

የቀድሞ አንድነት ፓርቲ የሥራ አስፈፃሚ ኮሚቴ አባል እንዲሁም የሰማያዊ ፓርቲ ምክትል ሊቀመንበር በመሆን ሲያገለግሉ የነበሩ፤ አሁን ደግሞ የሰማያዊ ፓርቲ ብሔራዊ ምክር ቤት አባል የሆኑት ፤ አቶ ነገሠ ተፋረደኝ በማዕከላዊ ታስረው እንደሚገኙ ለማወቅ ተችሏል ።
–
አቶ ነገሠ በትላንትናው ዕለት ፣ አራዳ ጊዬርጊስ ቤተ የክርስቲያን፣ እብስተ መና ካፊ ውስጥ በደህንነቶች ክትትል ይደረግባቸው እንደነበር አብሯቸው የነበረ የዓይን ምስክር የገለፀ ሲሆን፤ ደህንነቶቹ በተንቀሳቃሽ የእጅ ስልካቸው ፎቶ ግራፍ ካነሳቸው በኋል ፤ ከካፊው ወጥተው ወደ ቤታቸው ሲሄዱ፣ መንገድ ላይ አስቁመው ይዞቸዋል ። አቶ ነገሠ የታሰሩበት ምክንያት እስካሁን ያልተገለጸ ሲሆን ፣ይህ መረጃ ይፋ እስከ ሆነበት ሰዓት ድረስ በማዕከላዊ ታስረው ይገኛሉ።

የሚፈግ እሳት፤ የማይጠፋ ፋና! አርበኛ ሰማዕት ጎቤ መልኬ (ከ1958 – 2009 ዓ/ም)

ምን ብየ እንደምጀምር አላውቅም፤ ግን እኛ ‹‹ዋዋ›› እያልን ለምንጠራው አባታችን ቤተሰቦቹ ደግሞ ‹ጃውይ› እያሉ በፍቅር ለሚጠሩት የዘመናችን ታላቅ ሰማዕት የ51 ዓመቱ ጎቤ መልኬ መናገር አለበኝ፡፡ አዎ! ማክሰኞ የካቲት 21 ቀን 2009 ዓ.ም ከሕይወቴ እኩይ ቀኖች በቅድሚያ እመድባታለሁ፤ ተደጋግሞ የተደወለ የስልክ ጥሪ ከእንቅልፌ ቀሰቀሰኝ፤ ከስልኩ የሰማሁት ነገር መንቃቴን መልሼ እንድጠራጠር አደረገኝ፤ ምናለ በሕልሜ በሆነ አልኩ!

የአንዳንድ ሰዎች የወገን ፍቅር ይገርመኛል! ሀብትና ንብረት ግድ የማይሰጣቸው ጥቂት ሰዎች ሊኖሩ ይችላሉ፤ ሕይወታቸውን ለወገን አሳልፈው የሚሰጡ ሰዎች ግን ጥቂቶች ናቸው፡፡ ለእኔ አርበኛው ጎቤ መልኬ እንደዚያ ነው፡፡

ጃውይ ጎቤ መልኬ! የሚፈግ እሳት የማይጠፋ ፋና!
ትውልዱ እንዲህ ነው፡፡ በጎንደር ጠቅላይ ግዛት በጠገዴ ወረዳ አዴት ቊስቋም ከአባቱ አቶ መልኬ ተገኘ ከናቱ ይሳለም ደምለው በ1958 ዓ.ም ተወለደ፡፡ ለዋዋ ሕይወት አልጋ በአልጋ አልነበረችም፡፡ አባቱን በለጋ እድሜው በሞት ተነጠቀ፤ የቤተሰብ ኃላፊነት ገና በ17 ዓመቱ ተጣለበት፤ ግን ኃላፊነቱን የማይወጣ ዋልጌ አልነበረም፤ በድፍን አርማጭሆና ጠገዴ ስሙ የገነነ ገበሬ ሲሆን ጊዜ አልፈጀበትም፡፡ ጃውይ ፈጣን ንቁ የወገን ያገር መከታ ሁኖ አደገ፡፡ መንጠሩነን መንጥሮ ዳጉሳ ከጅሆላ እያመረተ ከቤተሰብ አልፎ በሰኔ በሐምሌ ድፍን ጠገዴ ከእነርሱ ቤት ሲበላ ሲጠጣ ስሙ ከአጽናፍ አጽፍ ገነነ፡፡

በግብርናው ወደር የሌለው አራሽ አደፋራሽ ሆነ፤ ላሙ ቦራ ቦራ፣ በሬው ዛጎላ፣ እቦሳው ሶራ፣ ፍየሉ ወያይ፣ ማንም ደራሽ የሌለው ስለመሆኑ ዋሕብቴ ጀጀቢት በርሃ ይመስክር! ዋዋ ጎቤ ላገር መከታ ልበሙሉ ዘመን ባመጣው ቴክኖለጅ ቀዳሚ ተራማጅ ብቻም ሳይሆን ተፈላሳሚ ነበር፤ ሳይማር ያወቀ የወንዶች ወንድ፣ ካልነኩት የማይነካ አንበሳ ነበር፡፡ በሌላ በኩል ጃውይ የተጣላ አስታራቂ፣ የተገፋ ጠያቂ፣ የታሰረ አስፈች፣ የተራበ መጋቢ፣ አግዳሚው አላፊው ዘወትር እንደ አብርሃም ቤት ቤቱ ከእግዳ የማይለየው ጃውይ ጎቤ ነበር፡፡ ጃውይ በአገሩ ሰው እጅግ የተወደደ ወደር የሌለውም ጀግና ነበር፤ በሃይማኖቱ እና በአገሩ ቀልድ የማያውቅ ወደፊት እጅ ወደኋላ የማይል ጀግናዎች መካከል ሰው ቢፈለግ ጎቤ መልኬ ቅድሚ ስሙ አለ፡፡

ጃውይ ማለት ልቡ የማይደነግጥ ደፋር ለወዳጁ ማር ለጠላቱ ኮሶ ነው፤ ዋሽ ከሆነ ድፍን አርማጭሆና ወልቃይት ጠገዴ ይመስክር፡፡ ተቆጥቶ ካያችሁት እንደአንበሳ ያስፈራል፤ ሲጫወት ሲስቅ ደግሞ ርግብ የዋኅ ነሰው ነበር፡፡

በንግዱ በኩል የተዋጣለት ነጋዴም ነበር፡፡ አርማጭሆ ሳንጃ ከተማ መካከል አላፊው አግዳሚው ድራፍት ከወይን ከፍየል ቁርጥ ጋር የሚያወራርድበት ሆቴል ነበረው፡፡ አርማጭሆ ጠገዴ የሚገናኝበት መስከረም ሲጠባ የሰባ ሰንጋ አርዶ የሚዘክርበት ጠላው በገምቦ የሚወርድበት ጥሎሹ ተዘርግቶ ቄስ ከመለኩሴ ዲያቆን ተሞሃይ የሚዘምርበት፣ የጃውይ ማጀቱ ወልወሉ የሚትረፈረፍበት አብልቶ አጥቶ ውሎ የሚያድርበት ጃውይ ቤቱ የእነአብርሃም የሳራ ዘመን ያለን የሚመስልበት ነበር፡፡ ይህን ሁሉ ለሰው ሲነግሩት ተረት ይመስል ይሆናል፤ ግን ከአርማጭሆ ሰው በላይ ምስክር የሚሆን የለም፡፡

ዘመናዊ ትምህርት ቤት አልገባም፤ ግን አስተሳሰቡ ዩንቨርሲቲ ገብተው ዲግሪ በጥሰው ከወጡ ሰዎች በላይ ነው፤ ከማንም በፊት መኪና ገዝቶ ራሱ ያሽከረክርም ነበር፡፡ የነበረው የፍየል ቁጥር በትክክል አይታወቅም፤ ሦስት ያክል መኪናዎችና የባለብዙ ሚሊዮን ብር ባለንብረትም ነበር፡፡ ግን ይህ ሁሉ ለዋዋ ከወገን ፍቅር በላይ አልበለጠበትም፡፡
አርበኛ ጎቤ እንዴት የወያኔ መንግሥት ላይ ነፍጥ ሊያነሳ ቻለ?

የዋዋ እና የወያኔ ጠብ አሁን የተጀመረ አይደለም፤ ከ1983 ዓ.ም በፊትም ይቀድማል፡፡ ወያኔዎች ገና ሥልጣን ሳይዙ በወልቃይትና በጠገዴ አካባቢ በዐማሮች ላይ የሚያደርሱት ጥፋት ያሳስበው ነበር፡፡ አስቦም ዝም አላለም፡፡ ከ1983 ዓ.ም ጀምሮ የወያኔ መንግሥት ክልሎችን ሲያዋቅር የወልቃይት ጠገዴ ጠለምት ወደ ትግራይ መከለልን ተቃውሞ ከወንድሞቹ ጋር ነፍጥ አንስቶ ነበር፡፡ በጊዜው በመረጃ እጥረት ሌላው የዐማራ ሕዝብ በአካባቢው የሚሆነውን ባለመዋቁ ምክንያት እንቅስቃሴው ያን ያክል ለውጥ ሊያመጣ አልቻለም፡፡

ጃውይ ጎቤ መልኬ ከወያኔ ጋር እርቅ ሰላም የሚባል ነገር ኖሮት አያውቅም፤ በ2006/7 በወያኔዎች የማስፋት እቅድ ግጨው አካባቢን አልፈው ለመያዝ ባደረጉት ጦርነት እነ ጎቤ መልኬ ተሳታፊ ብቻም ሳይሆን የጦርነቱ መሪዎች ነበሩ፡፡ አቶ ዓባይ ወልዱ የክልላቸውን የፖሊስ አባላት እስካ አፍንጫቸው አስታጥቀው ሲቪል አልብሰው ነበር ወደ ግጨው የላኳቸው፡፡ የወንዶች ቁና ጎቤ መልኬ ከአርማጭሆና ከጠገዴ ወጣቶች ጋር በመሆን ነበር ከነትጥቃቸው በጫካዎች ውስጥ አመድ ያደረጋቸው፡፡ ወያኔዎች ቀንዳቸውን ተብለው ፖሊሶቹም በጫካዎች ውስጥ ረግፈው ነው እቅዳቸው የተኮላሸው፡፡

የወልቃይት ጠገዴ የዐማራ ብሔርተኛነት የማንነጥ ጥያቄ እዚህ እንዲደርስ ከታገሉት ሰዎች መካከልም ቅድሚያ ከሚጠቀሱት ሰዎች መካከል ጎቤ አለ፡፡ በሕግ አግባብ እንዲያልቅ የሚችለውን አደረገ፤ ወያኔ ግን በኃይል ሊደፍቀው ፈለገ፡፡

ሐምሌ 5 ቀን 2008 ዓ/ም ኮሎኔል ደመቀ ዘውዱን ጨምሮ እነ አታላይን፣ እነ ጌታቸው አደመን እና ሌሎች የኮሚቴ አባላት ወያኔ ሲያፍን ጎንደር ከተማን ያጨናነቀው የጎቤ ጦር ነበር፡፡ ከብልኮ እስከ አውቶ ፓርኮ ድረስ እስከ አፍንጫው የታጠቀው የጎቤ ጦር ተሰልፎ ሲመለከቱት አጼ ኃይለ ሥላሴ ከስደት መልስ ቤተ መንግሥት ሲገቡ የነበረውን ግርማ ሞገስ የተላበሰ ትርኢት ይመስል ነበር፡፡ በዚህ ቀን ጎቤ አንድ ትልቅ ንግግር አደረገ፡፡ ‹‹ብአዴን የሕወሓትን የበላይነት ጥሎ ለሕዝብ ከቆመ መልካም፤ ካልሆነ ግን እኛ የምናደርገውን እናውቃለን›› አለ ጎቤ፡፡
ለቃሉ ሟቹ ጎቤ የተናገረውን በተግባር ነው ያሳየው፡፡ ጎቤ ከዚያን ቀን በኋላ በአርማጭሆና በቆላ ወገራ ያደረጋቸው የጦር ሜዳ ውሎዎች በሌላ ክፍል እመለስባቸዋለሁ፡፡
እንግዲህ የካቲት 21 ቀን 2009 ዓ.ም በጠዋት የዚህ ጀግና መስዋት መሆን ነበር የሰማሁት፡፡ እንደሰማሁ ዝም አላልኩም፤ ደጋግሜ ከወንድሞቼ ጋር ተነጋገርንበት፡፡ ጀግናው ሞቷል፤ ግን ደግሞ ጀግናው አለ፡፡ ማክሰኞ ዕለት ብቻ እስከ አንድ ሺህ የሚደርስ ጎቤን በተመለከተ በሕይወት ስለመኖሩ እንደነግራቸው ጠየቁኝ፡፡ ምን ብየ ልመልስላቸው? ወንዱ ሞተ ልበል?
ዋዋ እኮ በአካሉ የሞተው ገና ያን ሁሉ ሀብት ንብረት ጥሎ ጫካ የገባ ዕለት ነው፤ ግን ጀግንነቱ እንደ ዓድዋ ጀግኖች በዘመን ሁሉ ሲታወስ እንደሚኖር ግልጽ ነው፡፡ አንዳንዶች ስለሞቱ ብዙ ጻፉ፤ ብዙም አለቀሱ፡፡ ዋዋን አሁን አግኝቼ ብጠይቀው ‹‹ስለ እኔ አታልቅሱ›› እንደሚለኝ አልጠራጠርም፡፡ የእርሱ ፍቅር እኮ ሕይወትን አሳልፎ እስከ መስጠት ነው፡፡
የጎቤ ታላቅነት በጀግንነቱ ብቻ የተገደበ አልነበረም፡፡ የአንድ መሪ ታላቅነት የሚለካው ተተኪ መፍጠር ሲችል ነው፡፡ በዚህ ጎቤ የሚታማ አይደለም፡፡ አንድ ሰው ብቻ አይደለም፤ ብዙ ጎቤዎች ተፈጥረዋል፡፡
በመጨረሻም በጎቤ የቅርብ ዘመድ ናትናኤል ሞላ የተገጠመ የሚከተለውን ግጥም በማስከተል ለጊዜው ጽሑፌን ልጨርስ፡፡
ወልቃይት ጠገዴ የሚወለደው፡
ጪልቋና አርማጪሆ የሚወለደው
ያባ ደፋር ልጅ አገር ያወቀው!
ያባደፋር ልጅ ጃዊ ሚሉት!
ባለ መኪና ባለ ጥገት፡
ትውልዱ አመራ ትውልዱ አዴት፡፡
አረ ዋዋየን የነካው ማነው?
ያገሬ ኩራት መመኪያችን ነው!
ታንክ መትረጊሥ የማይበግረው፡
ባንዳ ወያኔ ፈርቶት ሚኖረው፡
ላገር ነፃነት ጫካ የሄደው!
ያለ ነፃነት ሀብት ምን አለው?
ቆራጡ ጀግና ዋዋ ነው ያለው!
ምኑን አውርቸ ምኑን ልተወው፡
ድንበር ጠባቂ ያገር ኩራት ነው!
የከብቱን ብዛት ያየ ይናገር!
የበጉን ብዛት ያየ ይናገር!
የመኪናውን ያየ ይናገር!
የጠገዴው ወንድ የናጅሬ ዘር
ይቅርብኝ ብሎ ገባ ወደዱር፡፡
ሊሠርቅ አይደለም ሊቀማ አይደለም!
የነ ሥጦታው የናይቶ ወንድም!
መልመጥመጥና መፍራት አይወድም!

(ይህ ጽሑፍ የተዘጋጀው የአርበኛ ሰማዕት ጎቤ መልኬ የቅርብ ዘመድ ናትናኤል ሞላ በሰጠን መረጃ መሠረት ነው፤ እናመሰግናለ፡፡ የጎቤን የጦር ሜዳ ጀብዱዎች በቀጣይ እናቀርባለን)፡፡

በዐድዋ ጦርነት ጊዜ በአገሩ ላይ የደረሰውን ሽንፈት ለመበቀል ሲል የኢጣልያ ፋሽስት መንግሥት በ፲፱፻፳፰ ዓ.ም ኢትዮጵያን በወረረበት ወቅት በኢትዮጵያ ኦርቶዶክስ ተዋሕዶ ቤተ ክርስቲያን ገዳማትና አድባራት ላይ ላደረሰው ቃጠሎ፤ በብፁዓን አበው ሊቃነ ጳጳሳት፣ በአባቶች ቀሳውስት፣ ዲያቆናትና መነኮሳት እንደዚሁም በምእመናን ላይ በግፍ ላደረሰው ጭፍጨፋ የጣልያን መንግሥት እና የሮማ ካቶሊክ ቤተ ክርስቲያን ኢትዮጵያን ይቅርታ መጠየቅ፤ የኢጣልያ ፋሽስት መንግሥት ከየገዳማቱና አድባራቱ የዘረፋቸውን ንዋያተ ቅድሳት፣ ጥንታውያን የብራና መጻሕፍትን እና አገራዊ ቅርሶቻችንንም ለኢትዮጵያ መመለስ እንደሚገባቸው ተገለጸ፡፡

ይህ ሐሳብ የተገለጸው በማኅበረ ቅዱሳን ጥናትና ምርምር ማእከል አዘጋጅነት የማኅበሩ አባላት፣ የከፍተኛ ትምህርት ተቋማት መምህራንና ተማሪዎች፣ ጥሪ የተደረገላቸው እንግዶች በአጠቃላይ በርከት ያሉ ምእመናንና ምእመናት በታደሙበት በማኅበረ ቅዱሳን ዋናው ማእከል አዳራሽ የካቲት ፳፫ ቀን ፳፻፱ ዓ.ም በተካሔደው የጥናት መርሐ ግብር ላይ ሲኾን፣ በዕለቱ ‹‹በኢትዮጵያ ላይ የፋሽስት ኢጣልያ ወረራ እና የሮሙ ፖፕ ፒዮስ ፲፩ኛ አቋም›› እና ‹‹ቅኔ ዘዝክረ ዐድዋ›› በሚሉ አርእስት ጥናታዊ ጽሑፎች ቀርበዋል፤ በጥናቶቹ ዙሪያ ከታዳሚዎች ለተነሡ ጥያቄዎችም በጥናት አቅራቢዎቹ ምላሽ ተሰጥቷል፡፡

‹‹በኢትዮጵያ ላይ የፋሽስት ኢጣልያ ወረራ እና የሮሙ ፖፕ ፒዮስ ፲፩ኛ አቋም›› የሚለው ርእሰ ጉዳይ አቅራቢ ቀሲስ ዶ/ር ምክረ ሥላሴ ገብረ አማኑኤል ፋሽስት ኢጣልያ አገራችን ኢትዮጵያን በ፲፱፻፳፰ ዓ.ም በወረረበት ወቅት የጊዜው የሮማ ካቶሊክ ቤተ ክርስቲያን ፖፕ ወረራውን እና በኢትዮጵያ ላይ የተፈጸመውን ግፍ በዝምታ መመልከታቸው ተገቢ አለመኾኑን አስታውሰው ፖፑ ወረራውን ሊያወግዙ ያልቻሉበት ምክንያትም፡- በካቶሊክ ቤተ ክርስቲያን እና በኢጣልያ መንግሥት መካከል ጥላቻ እንዳይፈጠር በመስጋታቸው፤ በዘመኑ በካቶሊክ ቤተ ክርስቲያን እና በካህናቱ መካከል ከባድ ተቃውሞ ስለነበር በመካከላቸው ግጭት እንዳይፈጠር በማሰባቸው እንደኾነና ዋነኛው ምክንያት ግን የኢጣልያ ኢትዮጵያን መውረር የካቶሊክ ሃይማኖትን በኢትዮጵያ ለማስፋፋት መልካም ዕድል ይፈጥራል ብለው በማመናቸው እንደኾነ በጥናታቸው አትተዋል፡፡

ቀሲስ ዶ/ር ምክረ ሥላሴ አያይዘውም ፖፑ የወቅቱ የኢጣልያ ፋሽስት መንግሥት ‹‹በእግዚአብሔር ፈቃድ የተነሣ፣ በሊበራሊዝም አስተሳሰብ ያልተሞኘ መንግሥት ነው›› ብለው ያምኑ እንደነበር፤ በወቅቱ ስለወረራው ሲጠየቁ ለሚድያዎች የሰጡት ምላሽም ፖፑ ለጦርነቱ የነበራቸውን ጥሩ አቋም እንደሚያመለክት፣ ለአብነትም በአንድ ወቅት ‹‹ራስን የመከላከል ጦርነት ነው›› ሲሉ ስለ ወረራው አስፈላጊነት እንደተናገሩ፤ የአገሪቱ መንግሥት ኢትዮጵያን ሊወርር ሲዘጋጅ ሙሶሎኒ በሮም ከተማ ንግግር በሚያደርግበት ጊዜ መላው የሮም ካቶሊክ አብያተ ክርስቲያናት ደወሎች ለረጅም ሰዓት ሲደወሉ እንደነበር፤ ይህም የሮማ ካቶሊክ ቤተ ክርስቲያን ኢትዮጵያ በኢጣልያ እንድትወረር የነበራትን ፍላጎት እንደሚያመለክት ባለጥናቱ ጠቁመዋል፡፡ ከዚሁ ዅሉ ጋርም ወረራውን በገንዘብ ደግፋለች ተብላ ቤተ ክርስቲያኗ ተከሳ እንደነበር ያወሱት ቀሲስ ዶ/ር ምክረ ሥላሴ፣ ፋሽስት ኢጣልያ ከኢትዮጵያ ከወጣ በኋላም ‹‹እጅግ የሚያስደስት ድል›› በማለት ፖፕ ፒዮስ ፲፩ኛ ጦርነቱን ማድነቃቸው ፖፑ የፋሽስት መንግሥት እና የወረራው ደጋፊ እንደነበሩ አንዱ ማሳያ ነው ሲሉ ልዩ ልዩ ምንጮችን ዋቢ አድርገው የፖፑን አቋም ለጉባኤው አስረድተዋል፡፡

የሮማ ካቶሊክ ቤተ ክርስቲያን ለፋሽስቱ ሠራዊት በስውር የሞራል ድጋፍ ከማድረጓ ባሻገር የኢጣልያ ፋሽስት መንግሥት በየጊዜው በኢትዮጵያ ኦርቶዶክስ ተዋሕዶ ቤተ ክርስቲያን አድባራትና ገዳማት ላይ ቃጠሎና የቅርስ ዘረፋ ሲያካሒድ፤ እንደዚሁም ብፁዕ አቡነ ጴጥሮስን እና ብፁዕ አቡነ ሚካኤልን በግፍ ሲረሽን፤ በአባቶች ቀሳውስት፣ ዲያቆናትና ምእመናን ላይ የጅምላ ጭፍጨፋ ሲፈጽም በዝምታ መመልከቷ (ድርጊቱን አለማውገዟ) የሮማ ካቶሊክ ቤተ ክርስቲያን የወረራው ደጋፊ እንደነበረች የሚያስገነዝብ ሌላኛው ነጥብ መኾኑን በመጥቀስ ለዚህ ዅሉ በደልም የጣልያን መንግሥት እና የሮማ ካቶሊክ ቤተ ክርስቲያን የኢትዮጵያ ኦርቶዶክስ ተዋሕዶ ቤተ ክርስቲያንን እና የኢትዮጵያን ሕዝብ ይቅርታ መጠየቅና ለጥፋታቸው ተመጣጣኝ ካሣ መክፈል፤ ከየገዳማቱና አድባራቱ የተዘረፉ ንዋያተ ቅድሳትን፣ ጥንታውያን የብራና መጻሕፍትን እና አገራዊ ቅርሶቻችንንም ለአገራችን መመለስ እንደሚገባቸው ቀሲስ ዶ/ር ምክረ ሥላሴ ገልጸዋል፡፡ ለዚህ ሐሳብ መሳካትም የኢትዮጵያ መንግሥት፣ የቤተ ክርስቲያን አባቶች እና መላው ሕዝበ ክርስቲያን ድጋፍ እንዲያደርጉ በማሳሰብ ቀሲስ ዶ/ር ምክረ ሥላሴ ጥናታዊ ጽሑፋቸውን አጠቃለዋል፡፡

‹‹ቅኔ ዘዝክረ ዐድዋ›› የሚለው ጥናታዊ ጽሑፍ አቅራቢ ቀሲስ ኃይለ ኢየሱስ አለባቸው ደግሞ ከአድዋ ጦርነት በፊት፣ በጦርነቱ ወቅት እና ከድሉ በኋላ የተደረጉ አንዳንድ የግእዝ ቅኔያትን ትርጕምና ምሥጢር ከታሪክ መጻሕፍት ጋር አነጻጽረው በማቅረብ በቅኔአቸው ንጉሡንና ሠራዊቱን በማበረታታት ለአገራችን ድል ማግኘት ሊቃውንተ ቤተ ክርስቲያን ያበረከቱትን ከፍተኛ አስተዋጽዖ በጥናታቸው አመላክተዋል፡፡

በመጨረሻም በጥናታዊ ጽሑፎቹ ላይ ውይይት ከተደረገ እና ከመርሐ ግብሩ ታዳሚዎች ለተነሡ ጥያቄዎች በጥናት አቅራቢዎቹ ምላሽ ከተሰጠ በኋላ መርሐ ግብሩ በአባቶች ጸሎት ተፈጽሟል፡፡

ሰሞኑን የወያኔ ቡድን ኢትዮጵያዊውን እውነተኛ የሕዝብ ልጅ ፕ/ሮ መረራ ጉዲናን ከአክራሪ እስልምና አቀንቃኙ ከጀዋርና (ክርስቲያንን ሁሉ በሜጫ ቢከትፈው የሚመኝ) በሻቢያ በኩል ኢትዮጵያን ነጻ አወጣለሁ እያለ የሚያላግጥብንን ብርሀኑ በአንድ ላይ ከሰሰ በሚል የወያኔ ሚዲያዎች ማናፈሳቸው ሳያንስ ሌሎችም ይህንን ተቀብለው እያዛመቱለት ነው፡፡ እውነታው ግን ከመረራ በቀር ለወያኔ በአሁኑ ወቅት አደገኛ ሆኖ የታያት የለም፡፡ እውነታው ጀዋርና ተከታዮቹ ባይኖሩ ወያኔ አደጋ ላይ በወደቀ ነበር፡፡ ጀዋርና ተከታዮቹ ለወያኔ የጠቀሟትን ያህል አለኝ የምትለው አጋዚም አልጠቀማትም፡፡ ጀዋርና ተከታዮቹ መስለውኝ ሕዝብ ወሳኝ ተጋድሎ ላይ እያለ ኢትዮጵያን ማፍረስ ሚናቸው እንደሆነ ከወያኔ የተሰጣቸውን ሥራ ለንደን ላይ ሲናገሩ የሰማናቸው፡፡ ጀዋርና ተከታዮቹ እኮ መሰሉኝ በወሳኝ የትግል ወቅት የሕዝብን ትኩረት ወደሌላ ለመቀየር አትላንታ ላይ የኦሮሞ ቻርተር በሚል ልዩ ሕዝብን የሚከልስ ሥራ ሲሰሩ የነበሩ፡፡ የለንደኑም ንግግር የአትላንታውም ጉባዔ እኮ እንደተባለውም ከምር አልነበረም፡፡ ሆን ተብሎ ወያኔ የገባችበትን አጣብቂኝ ፋታ እንዲሰጣት ትኩረት ለማስቀየር እንጂ፡፡ ለመሆኑ ጀዋር ከመቼ ወዲህ ነው የወያኔ ጠላት የሆነው፡፡ ከተከሰስ ለምን ድሮ አልተከሰሰም፡፡ ዛሬ ከመረራ ጋር ጀዋርን መክሰስ ለምን ተፈለገ; የወያኔው ቡድን ጀዋር በሕዝብ ዘንድ እንደተጠላ ስለተረዳ እንደገና የወያኔ ጠላት በማስመሰል የሕዝብ ትኩረት እንዲያገኝ ስለሚፈልግ ነው፡፡  ምክነያቱም ገና ብዙ ለወያኔ የሚሰራላት ሥራ አለውና ነው፡፡ ይህ ግለሰብ እያደረገ ያለውን ብዙ የኦሮሞ ልጆች ዛሬ ላይ ነቅተውበታል፡፡ እሱና ቡድኑ ወሳኝ የወያኔ የቁርጥ ቀን  ተዋናይ ናቸው፡፡ እባብ ሞኝን ሁለት ጊዜ ነደፈው ይባላል፡፡ ድሮ የኦነግ ባለስልጣናት ከወያኔ ጋር እየሰሩ የኦሮሞ ልጅ ኦነግ ነህ እየተባለ ሥንቱ የደረሰበት እንኳን ሳይታወቅ ቀርቷል፡፡ አሁን የኦነግ ባለሥልጣናት ብዙም ሚና የላቸውም፡፡ ወያኔ ትብብሯ ትልቅ ሚና አላቸው ከተባሉት ከእነጀዋርና ቡድኑ ጋር ነው፡፡ አስተውሉ ጀዋርና ቡድኑ ምን እያደረጉ እንዳለ፡፡ ዛሬ ጀዋርና ቡድኑ የአረጀውንና ከሕዝብም ትኩረት እየደበዘዘ የመጣውን ኦነግን በአዲስ መልክ እንዲያስቀጥሉት ወያኔ ትፈልጋለች፡፡ ይህ ከአልሆነ የኦሮሞ ሕዝብ ከእጇ መውጣቱ ነው፡፡ የኦሮሞ ሕዝብ አመለጠ ማለት ደግሞ በቃ ሁሉም ነገር አከተመ፡፡ እነ መረራ ዛሬ ላይ እንዲህ ሥጋት የሆኑባት ወያኔ ኦነጋውያን ጥሩ ሥም በነበራቸው ጊዜ እንደምንም አልቆጠረቻቸውም ነበር፡፡ ዛሬ ላይ ከጥቂት የጀዋር ተከታይ የሙስሊም አክራሪ ኦሮሞዎች በቀር የኦሮሞ ሕዝብ ትኩረቱን ወደነመረራ አዙሯል፡፡ ይህ ወያኔን ከአስደነገጣት ነገር አንዱ ነው፡፡ በእርግጥም እነጀዋርንም እጅግ አስደንግጧል፡፡ ዛሬ የኦሮሞ አክቲቪስት ነን የሚሉት እንዲህ አቅላቸውን የጣሉ እስከሚመስል ድረስ የሚያንቀዠቅዣቸው ይሄው የኦሮሞ ሕዝብ ኦነጋውያኑን(የዛሬዎቹ አክቲቪስት ተብዬዎቹ እነጀዋር) ገሸሽ አድርጎ መረራንና ቡድኑ መመልከቱ ነው፡፡ ለዘመናት መረራን ሊያደምጥ የፈለገ አልነበረም፡፡ እንደውም የነፍጠኛ ተላላኪ በሚል ሥም ጭራሽ በሕዝብ ዘንድ ተቀባይነት እንዳይኖረው ተደርጓል፡፡ ሌላ ቀርቶ እነ ተስፋዬ ገብረዓብም እነሱ ከመረራ በላይ ኦሮሞ ሆነው በመረራ ሲያፌዙ ነበር፡፡ በአንድ ፕ/ር ሕዝቅዬል የመድረክ መሪ በሆነበት የኦሮሞ ዲያስፖራ ጉባዔ ላይ ሕዝቅኤልና መሰሎቹ የሰጡትን ኦሮሞነት ተሰፋዬ ሲጠቀምበት መረራን በመንቀፍ አፉን ሲያሟሽ የተደረገለት ጭብጨባ እናስታውሳለን፡፡  ዛሬ ላይ መረራን በኦሮሞ ሕዝብ ፊት አንዳች ክፉ መናገር አይቻልም! ዘግይቶም ቢሆን ሕዝብ አሁን ገብቶታል!

ወያኔ አሁን እያደረገች ያለችው ይህን አፍጥጦ የመጣባትን የመረራና ቡድኑ የኢትዮጵያዊነትና ኦሮሞነት ፍልስፍና እንዲምታታ ሥለፈለገች ነው የኢትዮጵያና ኢትዮጵያዊነት ጠላት የሆኑትን እንደነጀዋር የመሳሰሉትን ከመረራ ጎራ ያደረገቻቸው፡፡ ወያኔን ከኢትዮጵያዊነት በላይ የሚያስፈራት የለም፡፡ ይህ ኢትዮጵያዊነት በሙሉ ወኔ ወደ ኦሮሞ ሕዝብ ገባ ማለት ነገሩ ሁሉ ያበቃል፡፡ እንኳን አዲስ አበባ ወያኔ ተነሳሁበት የምትለው ደደቢትም ከዚያ በኋላ መመሸጊያዋ አይሆንም፡፡ ይህችን አገር የሠሯት ባለቤቶቿ በግዛታቸው የባንዳ ልጆች መጨረሻቸው ነው፡፡ ዛሬ የኦሮሞ ጀግኖች ልዮ ታሪክ የሆነውን የሚኒሊክን ታሪክ ጥላሸት ለመቀባት የሚዘመትበት ቁልፍ ሚስጥሩም ይሄው ነው፡፡ እነ የኦሮሞ አክቲቪስት ነን የሚሉ የወያኔ ቅጥረኞች እድል አግኝተው ያልተፈጠረ ታሪክ እየፈጠሩ የሚያወሩበት ሚስጢር ይሄ ነው፡፡ እምዬ ሚኒሊክ ሲባል ሁሉም ይበረግጋል፡፡ ጀግኖቹ ኦሮሞዎች ሚኒሊክ የልብ ወዳጃቸው ነው፡፡ የሚኒሊክ ታሪክ አደዋ ቢቻም አደለም፡፡ እወነት ነው ሚኒሊክና ኦሮሞዎች ብል ይቀለኛል እሽ ያለውን በውድ እምቢ ያለውን በግድ አስገብረው ኢትዮጵያ የምትባልን አገር ከዘመናት መፍረስ በኋላ መልሰዋታል፡፡ የኦሮሞ አክቲቪስቶችን ይህ ታሪክ የሚያስፈራቸው ከባንዳዎቹ ጋር ባላቸው ወዳጅነት እንጂ አንድም እነሱ የሚሉት ታሪክ በሚኒሊክ ተፈጽሞ አደለም፡፡ እንነጋገር ከተባለ በአፍሪካ አደለም በአለም ላይ ሥኬታማና ልዩ ታሪክ ፈጣሪ የነበረው ኦሮሞዎች በዋናነት የተሳተፉበት የሚኒሊክ ሥርዓት ነው! አገርን አንድ ማድረግ፣ አገርን በእድገት ጎዳና በታላቅ ፍጥነት ማስገስገሰ፣ ዓለም በወቅቱ ያልደፈራቸውን ቅኝ ገዥዎችን ማሸነፍና የአገርን ዳር ድንበር ማስጠበቅ ለየትኛውም የአለም መሪ አልተሳካለትም፡፡ ሊያውም አፍሪካዊነት በራሱ ታላቅ ክብደት በሆነበት ወቅት፡፡

ሰሞኑን የሄው ጀዋር የሚባለው ግለሰብ በሚመራው ሚዲያ የኦሮሞ ምሁር ነን የሚሉት ሶስት ግለሰቦች ፕ/ር ሕዝቅኤል ገቢሳ፣ ዶ/ር አባስና ሀብቴ ኢታና ለሚኒሊክ ኃጥያት የሚሆን የውሸት ታሪክ በመፍጠር እውነተኛውን የማየወዱት ሳይቀሩ እየመረራቸውም ቢሆን የተጎነጩትን የአደዋን ታሪክ በማጥላላትና በማኮሰስ ሊነግሩን ብቅ ብለው ነበር፡፡ ምሁርነት በራሱ ትልቅ ሀላፊነት ነው፣ እድሜ ሌላው ትልቁ ሀላፊነት ነው፣ ከዚያ በተረፈ ግን ማንኛውም ተራ ሕጻን እንኳን  ቢሆን ሕሊናን የሚያጎድፍ ወሸት መናገር ውርደት ነው፡፡ ጥሩነቱ የኦሮሞ አክራሪዎቹ የሚይዙት የሚጨብጡት ስላጡ አሁን አሁን ማንነታቸውን እየገለጡት መሆኑ ነው፡፡ ለበርካታ ጊዜ የኢትዮጵያን ጉዳይ ዋና ተንታኝ የነበረው እሱ ራሱን እንደገለጸው “ዶ/ር” (ይቅርታ የሰውን ማዕረግ ለማሳነስ ሳይሆን ገና የ ዶክተሬት ተማሪ እንጂ ዶ/ር አደለም የሚል መረጃ ስላለ ነው) ጸጋዬ አራርሳ  የማንነት ጭምብሉ ሲወጣ ሲገለጥ ነው ዛሬ የምንሰማውን የጥላቻና የበቀል ንግግሮቹን መንዛት የጀመረው፡፡ እስከ ዛሬ ተደብቆ ነበርና፡፡ ልብ በሉ ጸጋዬ ግን በወያኔ የሲቪል ሰርቪስ ኮሌች የወያኔ ካድሬዎች አሰልጣኝ ነበር፡፡ ጀዋርና መላው የኦሮሞ አክቲቪስት ነኝ የሚለውን ወያኔ ሕዝብ እንዲቀበላቸው ትፈልጋለች፡፡ መረራን ከጀዋር ጋር የከሰሰችበት ዋና ምክነያቷ የመረራን ፍልስፍና ለመበረዝ ነው፡፡ የመረራ ፍልስፍና ከምንም በላይ ለወያኔ አደገኛ ነው፡፡ ኢትዮጵያዊነት፣ ነፍጠኛ ከተባለ የኦሮሞም ነፍጠኛ ነበር ብሎ የሚናገረው ለዘመናት ተቀባይነት ያጣው የመረራ ፍልስፍና፡፡ ኢትዮጵያ ከማንም በላይ በኦሮሞ ልጆች ደም የተገነባች አገር ነች ብሎ የሚናገረው መረራና ጀዋር ናቸው እንግዲህ በአንድ ወንጀል የሚከሰሱት፡፡ ጀዋር ቢከሰስ እንኳን ምን አልባት ወደፊት ክርስቲያንን በሜጫ ጨርሶ እስላማዊ መንግስት ለመመስረት ምኞት እንዳለው ተጠርጥሮ ሊከሰስ ይችላል፡፡ ዛሬ እሱን የሚከሰው የለም፡፡ ዛሬ ግን  ጀዋር  አዲስ አበባ ቢሄድ ሻራተን ሶስት ቀን ቆይቶ ምን አልባት የታሰረ ወገን ካለው አስፈትቶ ሊመለስ ይችላል የቀድሞው የኦነግ መሪዎች እንዲህ እንደነበሩ እናስታውሳለንና፡፡ ሥንቱ የደሀ ልጅ ግን በኦነግ ሥም አልቋል፡፡ በአጭሩ ሌሎቻችሁ ደግሞ አታምታቱ ወይም አትጃጃሉ የተከሰሰው መረራ ብቻ ነው እንጂ ጀዋር እየተደረገለት ያለው ያጣውን የሕዝብ ድጋፍ እንዲያገኝ ፕሮፓጋንዳ ነው፡፡ ባይሆን ጀዋር ትንሽ ቀሪ ደጋፊዎች ካሉት አገር ቤት ለወያኔ ፕሮፓጋንዳ የሚመች ሕዝብ የሚያልቀበትን የጎዳና አመጽ ያውጅ ይሆናል፡፡ ለእሱም ወሬ ያገኛል፡፡ እሱ የሚመራው ሚዲያ ይሄ ዛሬ ላይ በየቦታው የምንሰማው የኦሮሞ ሕዝብ ልጆች ሥቃይ ከአበቃ ወሬም ላይኖረው ነው፡፡ ሰሞኑን በሶማሊ ክልል ታጣቂዎች የሚደርሰው ግፍ ጥሩ ወሬ ሆኖለታል፡፡ እኛን ግን ያመናል፡ ይቆጫል፣ ያንገበግባል! ዛሬ ማንነቱን አጥቶ መክኖ አቅም ያጣው የኦሮሞ ሕዝብ ለጦርነት ለሌሎችም ጦርነትን ያስተማረ ነው፡፡ እድሜ ለወያኔና ኦነጋውያን፡፡ አሁን የነቃው የኦሮሞ ሕዝብ ፊቱን ወደነመረራ ማዘንበሉ ግን ከምንም በላይ ለወያኔና ኦነጋውያን(የዛሬዎቹ አክቲቪስቶች) ስጋት ነው፡፡  ይህ ነው እውነታው! አታምታቱ!

ሌላው በሻቢያ በኩል ኢትዮጵያን ነጻ አወጣለሁ ሲን ስንጃጃልለት የኖርነው ዶ/ር ብርሀኑ ነጋ የተባለው ግለሰብ ነው፡፡ ድርጊቱ ሁሉ አንድም ቦታ ከኢትዮጵያ ሕዝብ የነጻነት ትግል ጋር የሚመስል እንደሌለ ብናይም ብዙ ደጋፊ ስለነበረው ግራ ተጋብተን ቆይተናል፡፡ ለነጻነት እታገላለሁ የሚልን መደገፍ መልካም ሊሆን ይችላል፡፡ ግን አንዳች የሚመስል ነገር የሌለውን መደገፍ በራሱ ሌላ ግራ መጋባት ነው፡፡ ዲያስፖራ ተብዬው በእርግጥ እንደነዱት የሚነዳ እንጂ ማስተዋል ያለው አይመስልም፡፡ ልብ በሉ ለነጻነት እዋጋለሁ የሚለው የብርሀኑ ቡድን የወያኔ የቁርጥ ቀን ወዳጅ በሆነው በሻቢያ በኩል ነው፡፡ ለመሆኑ ይሄ ቡድን አማራጭ አጥቶ ነው ወይ ብለን ስንጠይቅ መልስ የለም፡፡ ዛሬ ኢትዮጵያ ከዳር እዳር ሕዝቧ አፈንግጦ እያለ ሻቢያ ጋር መልከስከስ ምንድነው; ብለን መጠየቅ ፈርተናል ወይም አዚም ተደርጎብናል፡፡ ባይሆን እንኳን ከምንም በላይ ደቡብ ሱዳን ጥሩ አማራጭ ነበር፡፡ ከሕዝብ ወጥተው ዛሬ እየታገሉ ያሉት ወገኖች እኮ ያሉበት እነ አርማጮ መሳሪያ የሚያገኙት ከሱዳን ነው፡፡ ያጠራቸው ገንዘብ እንጂ የተኛውንም አይነት መሣሪያ ሊያስገቡ እንደሚችሉ እናውቃለን፡፡ ማን ከልክሏቸው በገዛ መሬታቸው፡፡ የብርሀኑ ቡድን ግን ስንት አመቱ ነው;   ከባለፈው ዐመት የተሻለስ ትክክለኛ የነጻነት ታጋይ ከሆን ምን እድል ነበረው; ልብ ያለው ልብ ይበል ከማለት ውጭ አሁን ላይ ሰው ሊያምነው የማይቻለውን ነገር ብንናገር ማን ቢሰማ፡፡ ብርሀኑ ከመረራ ጋር የተከሰሰበት ሂደት ግን ጀዋርን ከመረራ ጋር ከተከሰሰበት የተለየ አደለም፡፡ እነ በቀለ ገርባ ከታሰሩ ጀምሮ መረራን የሚያስሩበት ምክነያት እየፈለጉ ነበር፡፡ ከምንም በላይ ሕዝብን ሊያመው የሚገባው መረራ መታሰሩ ብቻም ሳይሆን እንደገና ከሕዝብ ጠላቶች ጋር ተባባሪ እንደሆነ ለማሳየት የተሞከረበት ሂደት ነው፡፡ ወያኔና ወዳጆቹ የመረራን ከእነዚህ ሁለት ግለሰቦች ጋር መከሰሱን አጉልተው ሊያወሩት ይፈልጋሉ ይሄ በትክክልም አጀንዳቸው ነውና፡፡ ሌሎች ግን አይምታታባችሁ፡፡ በዚህ ልዩ ክስ  ወያኔን የከሰሰቸው መረራና መረራ ብቻ ነው፡፡ ጀዋር ብርሀኑ የምትሏቸው ወያኔ ሕዝብ ትኩረት እንዲሰጣቸው ስለፈለገች ነው ከመረራ ጋር የደባለቀቻቸው፡፡ ዲያስፖራ ሆይ ተምታቶብህ ሌሎችን አታምታታ፡፡ ሁሉንም ቆይተህ ታየዋለህ፡፡   ዲያስፖራን ሌላ የታዘብነው አለ መረራ ሲታሰር አንድም እንቅስቃሴ አለማድረጉ የዲያስፖራው ነገር የተያዘው በነጋዴዎች እንጂ በእውነተኛ የሕዝብ አጋሮች እንዳልሆነ ነው፡፡

እግዚአብሔር ማስተዋሉን ይስጠን!

ልዑል እግዚአብሔር ኢትዮጵያንና ሕዝቦቿን ይጠብቅ! አሜን

#MALAAN_JIRA”
“በስህተት ነው ፍ/ቤት ያቀረብንህ” – ወሰንሰገድ ገብረኪዳን
============
“MALAAN JIRA” “ማለን ጅራ” የሀጫሉ ሁንዴሳ Hacaaluu Hundessaa ዘፈን ነው፡፡ ባለፈው ዓመት ነው የተለቀቀው፡፡ ኦሮምኛ አልችልም፡፡ ለምን እንደሆን እንጃ የሀጫሉን “ማለን ጅራ” ግን እወደዋለሁ፡፡ በእኔ ዕይታ የዜማው ፍሰት፣ የክሊፑ ቅንብር … ወዘተ የተዋጣለት ነው፡፡ መልዕክቱ ባይገባኝም ዘፈኑ የሆነ የሚመስጥ፣ የሚወዘውዝ ነገር አለው፡፡ ይሁን እንጂ የዘፈኑን ርዕሱስ እንኳ አላውቅም፡፡ በኋላ ግን ወደ ኢንተርኔት ጎራ ብዬ ርዕሱን አየሁ፡፡ እስረኛውን ጠይቄ ስመለስ ዜማውን ብቻ እያንጎራጎርኩ ነበር፡፡ እናም የዘፈኑን መልዕክት የመረዳት ጉጉት አደረብኝ፡፡ ጥቂት ካሰብኩ በኋላ ከፌስቡክ ጓደኞቼ አንዱን በውስጥ መስመር ጥያቄ ሰደድኩለት፡፡
.
“ከዘፈኑ መሃል አንድ አራት መስመር ተርጉመህ ንገረኝ?” አልኩት፡፡
“ዘፈኑ ቃል በቃል ሲተረጎም ደረቅ ነው ሚሆነው፤ ብዙም አይጥምም” አለና ጥቂት ስንኞችን ተርጉሞ ላከልኝ፡፡
.
“Gasraa abbichu turii
አብቹ ጋራ ቆዪኝ
Galaan Finfinnee marsee
ገላን ፊንፊኔን ከቦ ነው ያለው
Silaa akka jallalaa wal-irraa fadaannu jaratu nu fagaeesse
እንደፍቅራችን መራራቅ የለብንም ነበር ሰዎች ናቸው ያራራቁን
Diiganii gaara sanaa diigamuu hin mallee,
ያ ሊናድ የማይችለው ተራራ አፍርሰው አፈራርሰው
Baasani nu addaan baanee
ለይተው እኛን ለያዩን
nuti addaan bahu hin mallee.
ልንለያይ የማይገባንን
መፍረስ የሌለበት ያንን ጋራ (ተራራ) አፈረሱት ተለያየን ለያዩን እንጂ እኛ መራራቅ አልነበረብንም
Soreetti haadha sooree
ሃብታሟ የሃብታሙ እናት
irbaan irra buusa qaba,
እራት ጭማሪ አለው
seeqanii sesseeqanii
ጋፍተው ገፋፍተው
kan addaan nu baasan jara….
ሰዎቹ ናቸው የለያዩን
.

የዘፈኑን ትርጉም በከፊል በተረዳሁ ጊዜ ከሳምንት በፊት የሴት አያቴ ወንድም መጥቶ ያወጋነው ታወሰኝ፡፡ እህቱን (ሴት አያቴን) ሊጠይቅ መጥቶ ነበር በዚያው ወደእኛ ቤት ጎራ ያለው፡፡ ከፍቼ /ኮማንዶ/ ትንሽ ወጣ ብሎ “ቦሴ” የሚባል መንደር ነው የሚኖረው፡፡ ቆፍጣና ገበሬ ነው፡፡ እስከዚህ ዕድሜዬ ድረስ አንድ ጊዜ ብቻ ነው ቦሴ ሄጄ የጠየቅኩት፡፡ እሱንም የልጁን ሠርግ ተጠርቼ መሰለኝ፡፡ እሱ ግን (የሴት አያቴን ወንድም አንተ የምለው እሱ ራሱ “አንተ” በለኝ ብሎ ነው) በየዓመቱ ወይ በየሁለት ዓመቱ አዲስአበባ መጥቶ ይጠይቀናል፡፡ በመጣ ቁጥር “እናንተማ ዘመድ አትጠይቁም፤ ተለያይተን መቅረታችን ነው” እያለ ይወቅሰናል፡፡ (መቼም የሀጫሉን ዘፈን ሰምቶ አይመስለኝም ሁሌም “ተለያይተን ልንቀር” የሚለው)
የሆነ ሆኖ እንዳየሁት “አረጀህ እኮ” አልኩት፡፡
“ምን እኔን አረጀህ ትለኛለህ? አንተ ራሱ ጨርጭሰህ የለ እንዴ” አለኝ፡፡ ሳቅኩኝ፡፡ እውነቱን ሳይሆን አይቀርም፡፡ እሱ አሁንም ጠንካራ ነው፡፡
“እንደዚህ ያገረጀፈህ የከተማ ኑሮ አስንፎህ ስራ ስለማትሰራ ነው፤ እኔ ጋ ብትመጣ እንደገና ልጅ ትሆናለህ”
“እዛ መጥቼ ምን እሰራለሁ?”
“መቼም እርሻ ማረስ አትችልም፡፡ ሁለት ላም እሰጥሃለሁ፤ ከብት ታረባለህ” አለኝ፡፡
ገበሬ ስሆን ታየኝና ሳቅኩ፡፡
.
እና ….. ይህንን ትውስታዬን እያመነዥግኩ “አሁን ፍቼ/ቦሴ አያቶቼ መንደር ብሄድ ኮማንድ ፖስቱ የሃጫሉን ዘፈን ሰምተህ ነው ሊለኝ ነው?” ብዬ ራሴን ጠየቅኩ፡፡ እዚህ አገር መቼም እፍረት የሚባል የለ፤ እንደዛ ይሉ ይሆናል፡፡
.
ምክንያቱም መዝናኛ ቤት (መጠጥ ቤት) ይህንኑ የሀጫሉን ዘፈን እንዲከፈት ጠይቀሃል ተብሎ ጋዜጠኛ ኢዩኤል ፍሰሃ እስር ቤት ተወርውሯል፡፡ ከወራት በፊት፡፡ ኢዩኤል ከእስር የተፈታ መስሎኝ ነበር፡፡ አንዳንዴ እንዲህ ይሆናል፡፡ የተፈታ የመሰለኝ ነገሩን (የታሰረበትን ምክንያት) አቅልዬው ይሆናል፡፡ እነ አናንያ እና ኤልያስ ናቸው አሁንም በእስር ላይ መሆኑን ነግረው ያስታወሱኝ፡፡ ስለዚህ ልጠይቀው ችሎት ተብሎ ወደሚታወቀው አካባቢ የሚገኝ ፖሊስ ጣቢያ ሄድኩ፡፡
.
ወደፖሊስ ጣቢያው የሚያዘልቀውን ኮረኮንች ይዤ ትንሽ እንደተጓዝኩ ያየሁት ነገር አጠራጥሮኝ ቆም አልኩ፡፡ የተሳሳትኩ መሰለኝ፡፡ በሩ አናት ላይ ትልቁ “የአራዳ ክ/ከተማ ፖሊስ መምሪያ ክሊኒክ” የሚል ፅሁፍ ይታያል፡፡ እንደመጠራጠር አልኩኝና በአጠገቤ የሚያልፉ ሰዎችን “እስረኞች ያሉት እዚህ ነው አይደል?” ስል ጠየቅኩ፡፡ “አዎ” አሉና አረጋጡልኝ፡፡ “ክሊኒክ” የሚለውን እንደገና ፈገግ አልኩ፡፡ ወደው አይስቁ አለ ያገሬ ሰው፡፡
.
ገባሁ፡፡ ኢዩኤልን አስጠራሁት፡፡ መጣ፡፡ የተደነቀ ይመስላል፡፡ በእጁ መፅሐፍ ይዟል፡፡ ተጨባበጥን፡፡
“እዚህ መፅሐፍ ይገባል እንዴ?”
“አዎ፤ ይገባል”
“እኔ ምልህ፤ ከታሰርክ ስንት ጊዜ ሆነህ”
“አራት ወር ከ4 ቀን….ዛሬ 124 ቀኔ እዚህ ከተጣልኩ”
“ፍ/ቤት ቀርበህ…ዋስትና እንደተፈቀደልህ ያነበብኩ መስሎኝ ነበር”
“አዎ እንደታሰርኩ በ48 ሰዓት ውስጥ ፍ/ቤት ቀርቤ የሁለት ሺህ ብር ዋስትና እንዳቀርብ ትዕዛዝ ተሰጥቶ ነበር”
“እና…?”
” ዋስትናውንም አስይዤ መፈቻ መጥቶ ነበር፡፡ እዚህ መፈቻው ላይ አንፈርምም ብለው ይኸው እስካሁን አለሁ”
“ለምን? ለምን እንዳለቀቁህ አልጠየቅክም”
“መጠየቅማ ጠይቄአለሁ፡፡ መጀመሪያውኑ ፍ/ቤት መቀረብ አልነበረብህም፡፡ በስህተት ነው ፍ/ቤት የቀረብከው …አሉኝ”
“ምን ማለት ነው?”
“እኔም ምን ማለት እንደሆነ አልገባኝም….” አለኝ ግራ በተጋባ ስሜት፡፡
.
እነሆ ጥቂት ደቂቃ እንዲህና እንዲያ አውግተን ተለያየን፡፡ እናም ተመለስኩ፡፡ “ማለን ጅራ”ን እያንጎራጎርኩ፡፡ አሁን ማለት የምችለው አንድ ነገር ብቻ ነው፡፡ እሱም ሰሚ ከተገኘ!
.
#ኢዩኤል_ፍሰሃ_ዳምጤን_ፍቱት!

* ” አሰሪዎች በአንድ ወር ጊዜ ፖስፖርትን ለሰራተኞች ያስረክቡ ”
* ማስጠንቀቂያና ጥያቄውን ያቀረበው የሰራተኛ ሚኒስቴር ነው
* ባሳለፍነው ሐምሌ አሰሪዎች የሰራተኞችን ፖስፖርት እንዲያስረክቡ ትዕዛዝ ተሰጥቶ ነበር
* ያላስረከበ 2,000 የሳውዲ ሪያል መቀጫ የተጣለ ቢሆንም የወጣውን ደንብ በርካቶች መተላለፋቸው ተደርሶበታል
* አዲስ በወጣው የአንድ ወር ገደብ ለሰራተኞች ካላስረከቡ “የከበደ ቅጣት ይጠብቃቸዋል ” ይላል የወጣው መረጃ
* የሳውዲ መንግሰት “ከፋላ ” ተብሎ የሚጠራውን የአሰሪ የቆየ አሰራር ለመቀየር ጥናት እያደረግ መሆኑ ተጠቁሟል

ዛሬ ለ 52ኛ ጊዜ ተቀጥሮ የነበረው የዞኝ ዘጠኝ ጦማሪያን በፍቃዱ ኃይሉ፣ ናትናኤል ፈለቀ፣ አቤል ዋበላ፣ አጥናፍ ብርሃኔ እና ሶልያና ሽመልስ (በሌለችበት) የአቃቤ ሕግ ይግባኝ የክስ ሂደት በበፍቃዱ ኃይሉ ላይ የተጠየቀውን ይግባኝ ውድቅ አድርጎታል፣ በፍቃዱ ኃይሉ የሽብርተኝነት ክሱ ወደ አመጽ ማነሳሳት መቀየሩ የሚታወስ ነው በዚህም መሰረት የቀሪዎቹ ጦማሪያን ላይ ውሳኔ ለመስጠት ለ53ኛ ጊዜ ለመጋቢት 11 ቀን 2009 ዓ.ም ቀጠሮ ተሰጥቷል፡፡
የበፍቃዱ ኃይሉ የክስ ሂደት በከፍተኛው ፍርድቤት እንዲከላከል በተወሰነው መሠረት ይቀጥላል። የከፍተኛው ፍርድ ቤት ክስ ሲጠናቀቅ አጠቃላይ ሂደቱ ላይ አቃቢ ሕግ ይግባኝ መጠየቅ እንደሚችል የፌደራሉ ጠቅላይ ፍርድ ቤት ዛሬ በዋለው ችሎት በይኗል።

Zone9

DW – Amharic

የዩናይትድ ስቴትስ ብሔራዊ ደኅንነት ጉባኤ አማካሪ ዴቪድ ሽታይንማን የኢትዮጵያ መንግሥት ሹማምንት ሥልጣን ከተቆጣጠሩበት ጊዜ ጀምሮ 30 ቢሊዮን ዶላር መዝብረዋል ሲሉ ወነጀሉ። ዴቪድ ሽታይንማን ፎርብስ በተሰኘው የቢዝነስ ጋዜጣ በእንግድነት በፃፉት ሰፊ ኃተታ የኢትዮጵያ መንግሥት ወደ ሥልጣን ከመጣ ጀምሮ የተመዘበረውን እኩሌታ 30 ቢሊዮን ዶላር እርዳታ ከዩናይትድ ስቴትስ ተቀብሏል ብለዋል። አሜሪካ እና የተቀረው ዓለም አቀፍ ማኅበረሰብ ጉዳዩን ቸል ብሎታል ያሉት ሽታይንማን ችግሩ ከተጠያቂነት እጦት ይመነጫል ብለዋል። ትናንት አርብ በፎርብስ ጋዜጣ ላይ ለንባብ የበቃው ይኸው ፅሁፍ ፌስቡክ እና ትዊተርን በመሳሰሉ የማኅበራዊ መገናኛ ዘዴዎች በስፋት እየተሰራጨ ነው።

ሕወሃት ሕዝብን የሚያገለግል ሆስፒታ እንዳይሰራ ማገዱን መረጃዎችን እየሰማን ነው። ምክንያት የሆስፒታሉ ባለቤት፣ ዶር ማርቆስ ገሰሰ የህወሓትን ዛቻና ማስፈራርያ ሳይበግራቸው፣ በሕወሃት ለየተበደሉትን የሚደገፍ፣ ሕወሃት ለሕዝብ ተጠያቂ እንዲሆን የሚታገሉትን እድነ አራና ያሉትን የሚደግፉ ኢትዮጵያዊ ናቸው። የአረና ሊቀመነበር አብርሃ ደስታ እንደ ጦንመረው ዶር ማርቆስ “ከተበደለ ህዝብ ጎን የሚቆሙ፣ ለዓረና ፓርቲ ፅህፈት ቤት የሚሆን ክፍል በነፃ የሰጡና ገንዘብ ለሌላቸው ዜጎችም ነፃ ህክምና ያደርጉ የነበሩ ዜጋ ናቸው።

በዉጭ አገር የአረና ደጋፊ የኩኑ መስፍን፣ በዶር ማርቆስ ላይ የተወሰደዉን እርምጃ፣ በአንዲት የቀድሞ የሕወሃት ሴት ላይ የደረሰውን ግፍን እንዳስታወሰው ገለጾ፣ የአሁኑ የሕወሃት ስርዓት ከደርግ የባሰ መሆኑንም ለማሳየት ሞክሯል። የይኩኖን ጽፉ እንደሚከተለው አስፍሪያለሁ

በ15 ዐመት ለ15 ሺሀ መጠጥ ቤቶች፤ ለ3000 በላይ ጫትና ሺሻ ቤቶች ፍቃድ የሰጠች ህ.ወ.ሓ.ት መቐለ ውሽጥ ቀደምት ከሚባሉና በሕዝብ ዘንድ መልካም ስም ካተረፉ የግል ጤና ተቋማት አንድ የሆነውን የድሮ ዶ/ር ማርቆስ ሆስፒታል (የአሁን ማርቆስ የውስጥ ደዌ የሕክምና ማዕከል)ን ዛሬ መዝጋታቸውን ሰማን፡፡ እጅግ አሳፋሪና የስርዐቱ ዐይን ያወጣ ዕብሪት፣ ስሜታዊነት፣ አላዋቂነትና ድድብና ማሳያ ነው፡፡
ደ/ር ማርቆስ የዐረና አመራር አባል ሆኖ የተመረጠው ከጥቂት ሳምንታት በፊት በተደረገው የፓርቲው ጠቅላላ ጉባኤ ነው፡፡ በንዴት የሚይዘው የሚጨብጠው ያጣው ህ.ወ.ሐ.ት የጤና ቢሮ ካድሬዎቹን ልኮ ሆስፒታሉን አዘጋ፡፡ ህ.ወ.ሐ.ት ያደረበትን ከፍተኛ ብስጭት ለመደበቅ እንኳ አልተቻለውም፤ ቢቻለውማ ኖሮ ሁለት ሶስት ወር ቆይቶና አረሳስቶ ይህንን ማድረግ ይችል ነበር፡፡ የህ.ወ.ሐ.ት አመራር ግን በአስተሳሰብ ያበሰሉና መቼም የማይበስሉ፣ ግብዝና ስሜታዊ ህጻናት መሆናቸውን ያሳዩበት ነው፡፡
የጤና ቢሮ ሰዎች ይህንን እርምጃ ለመውሰድ ሆኑን ብለው ያቀረቧቸው 4 ምክንያቶች ከእውነት የራቁ እንደሆኑ ነው ዶ/ር ማርቆስ የሚገልፁት፤

ተቃዋሚዎች ትናንት ተዋቀሩ ሲባል ዛሬ ተበተኑ የሚል ዜና ይመጣል::ከአምሳ እና ስልሳ አመታት በላይ የተመሰረቱትም ዛሬም ፈንግል እንደሚያንገዳግዳት ጫጩት ይወዛወዛሉ::

ትናንት ሽቅብ ስማቸዉ የተተኮሰዉ ተቃዋሚዎች ዛሬ ስማቸዉ ወደ ቆሻሻ መጣያ ውስጥ ተወርዉሮ ማንም ዞር ብሎ እንዳያዬዉ የታደመበት ይመስላል::

መተማመን: መደማመጥ: በአንድ መርህ መመራት: ከግለሰባዊነት ይልቅ ሀገራዊነት ብሎም ከፓርቲያዊነት ይልቅ ህዝባዊነት ከተቃዋሚዎች አንባ ብትፈለግ አልገኝ ስትል ህዝቡ ተቃዋሚዎችን ይወቅሳል::ተቃዋሚዎች ትናንት ተመስርተዉ አምሳ አመት የታገለዉን ፓርቲ ሁሉ በቂጡ ዘጭ ያደርጉና ከኛ በላይ ላሳር ብለዉ ያዙኝ ልቀቁኝ ይላሉ::ግን ላንድ ሰሞን ነዉ:: ከዚያማ ኩምሽሽ ነዉ::

ህዝቡ ተቃዋሚዎችን ይወቅሳል እንጅ እራሱን ወቅሶ አያዉቅም:: ወይም ደግሞ ተቃዋሚዎች እያነገቡት የሚነሱት ጥያቄ የራሱ የህዝብ ጥያቄ መሆኑን አምኖ አያዉቅም:: ዝም ብሎ ግን ከተቃዋሚዎች የሆነ ታምር ይጠብቃል:: ተቃዋሚዎች ለምን መጠንከር አቃታቸዉ? የሚል የለም::ህዝቡ አንድ የሚጠይቃት ጥያቄ አለች:: “ማንኛዉ ተቃዋሚ ነዉ ጠንካራዉ? እንድንደግፈዉ ጠንካራዉን ፓርቲ ማወቅ አለብን::” ይላል:: “የጠነከረዉን መደገፍ ምን ያስፈልጋል?” ብሎ ከህዝቡ መሃል የሚጠይቅ ግን የለም::

ህዝቡ የኢትዮጵያን ፖለቲካ የራሴ ጉዳይ ነዉ ብሎ እስኪቀበል እና በቀጥታ እራሱ መሳተፍ እስኪጀምር ድረስ ዲሞክራሲ በኢትዮጵያ እንደ ተረት ተረት ሆና ትቀራለች እንጅ ከቶም እዉን አትሆንም:: ይሄኛዉ ዘመን ከቀደመዉ ዘመን የተለዬ ነዉ:: ጥቂት አቢዮተኞች ተነስተዉ: ጥቂት ባለ አዕምሮዎች ፊታዉራሪ ሆነዉ: ወይም አንድ ድርጅት ህዝብን በፕሮፖጋንዳ አሳምኖ ለዉጥ የሚመጣበት ወቅት አይደለም:: ወይም ደግሞ የሶሻሊስት አቢዮት ዘመን ሲከተለዉ እንደነበረዉ ስልት ህዝብን በማስገደድ እና በመቀጥቀጥ ብሎም በተራቀቀ ፕሮፖጋንዳ ህዝቡን በአንድ ፓርቲ ስር ማሰባሰብ አይቻልም::

ብዙዉ ነገር ተወሳስቧል:: አለማቀፋዊ ትሥስሩ ጠንክሯል:: የቴክኖሎጅ ምጥቀቱ ለብዙ ቡድኖች እና ፓርቲዎች(ለመልካሞቹም : ለመጥፎዎቹም) እኩል እድል ፈጥሯል:: እንዲህ አይነቱን ዘመን በህዝብ ቁጥጥር ስር ካልገባ ለአጨናባሪዎች እና ሀብት በእጃቸዉ ላይ ለገባ አናሳ ተንኮለኛ ሀይሎች ምቹ ነዉ:: ህዝቡ የሀገሪቱ ፖለቲካ የራሴ ነዉ ካለ ብቻ የዲሞክራሲን ትሩፋት መመገብ ይቻላል:: አለዚያ ግን ዲሞክራሲ ላም አለኝ በሰማይ ወተቷንም አላይ ነዉ::

አሁን ባለዉ ሁኔታ ህዝቡ እንኳን የኢትዮጵያን ፖለቲካ በባለቤትነት ለመያዝ ቀርቶ ፖለቲካ ለማራመድ የሚነሱ ያርቲዎችን በዝምታ ነዉ የሚያስተዉላቸዉ:: ከሁሉም የሚገርመዉ ደግሞ ከላይ እንደተባለዉ በርካታዉ ሰዉ :ማንኛዉ ቡድን ነዉ ጠንካራዉ?” እያለ ጠንካራ ቡድን በማነፍነፍ እራሱን ሲያደክም ይዉላል::

ጠንካራ ቡድን ከዬት ይመጣል? በህዝብ ያልተደገፈ ተቃዋሚ እንዴት ጠንክሮ መቆም ይችላል? ትግሉ የሰዉ ሀይል:የገንዘብ አቅም: የተቋማት ምስረታ: የመረጃ ሀብት እና ሌሎችም ብዙ የሚያስፈልጉት ግብአቶች አሉ:: ተቃዋሚ ፓርቲ የሚመሰርቱ ሀይሎች ጥቂት ወገኖች ተሰባስበዉ ባሊያዙት ግብዓት በጨበጣ ወደ ትግል ሜዳ ይገባሉ:: ሆኖም የሚያርፍባቸዉ ምት ብዙ ነዉ:: ሆኖም የሚረዳቸዉ የለም:: ከዉጭ ሀይላት እስከ አንባገነኑ ወያኔ ድረስ የሚበታትናቸዉ ነገር ብዙ ነዉ:: እርስ በእርሳቸዉ ያለዉን ግንኙነት በተቋማዊ ዲሲፕሊን ለማረቅ የተቋም ግንባታ ሂደቱ በአስፈላጊ ግብዓቶች የታገዘ አይደለም::

ይሄም ሁሉ ሆኖ የፖለቲካዉ ባለቤት የሆነዉ ህዝብ የሀገሪቱ ፖለቲካ እንደማያገባዉ ሁሉ ነገሮችን በዝምታ ይከታተላል:: ብዙሃኑንም የተቃዉሞዉን ፖለቲካ የሚቀላቀሉ ጥቂት ዜጎችን “አይ ! አሁን ይሆናል ብለዉ ነዉ? ” በማለት ያሽሟጥጣል:: እናም በዚህ ሁኔታ ዉስጥ የሚዳክሩ ተቃዋሚዎችን እንዴት መጠንከር አልቻሉም ብሎ ከመጠዬቅ ይልቅ እንዴት ተቃዋሚ ሊኖር ቻለ ብሎ መጠዬቅ ይሻላል:: በደንብ ለሚያስብበት ሰዉ ትክክለኛዉ ጥያቄም “እንዴት ተቃዋሚ ሊኖር ቻለ?” የሚለዉ ነዉ::

አንድ ተቃዋሚ ድርጅትን የተቀላቀለ በእጅጉ የተማረ አንድ ጓደኛዬን አንድ ጥያቄ ጠይቄዉ ነበር:: “ከምታቃቸዉ ጓደኞችህና ግለሰቦች እንዲሁም ከቤተሰብህ ዉስጥ ምን ያህሉ አላማህን ይደግፉልሃል?” ብዬ::

እርሱም ፈገግ ብሎ “እረ ይሄን ጥያቄ እራሴን ጠይቄ አላቅም !” ሲል መለሰልኝ:: እናም ከዚህ ጓደኛዬ ጋር ተነጋግረን በጣም አጭር ቃለ መጠይቅ አዘጋጀን እና ጥያቄዉን ለጓደኞቹ: ለሚያዉቃቸዉ ሰዎች እንዲሁም ለዘመዶቹ እና ለቤተሰቦቹ በተነዉ::

ያገኘዉን መልስ ስንተነትነዉ ዉጤቱ በጣም አስደነገጠዉ:: እርሱ ይገምት የነበረዉ “ለእኛ ይታገልልናል” ብለዉ የሚያዉቃቸዉ ሰዎች : ዘመዶቹ እና ቤተሰቦቹ የሚያስቡ ይመስለዉ ነበር:: ያገኘዉ መልስ ግን አስፈሪ እና አስደንጋጭ ነበር:: 99% ጥያቄዉን የመለሱ ተጠያቂዎች የሰጡት አንድ መልስ ” ዝም ብለህ ጊዜህን ታጠፋለህ::ከፖለቲካ እራቅ!” የሚል ነበር:: ይባስ ብሎም “ትግሉን በምን ማገዝ ትፈልጋለህ ?” ለሚለዉ ጥያቄ ሁሉም ሰዉ የሰጠዉ መልስ “በምንም ማገዝ አልፈልግም” የሚል ነበር::

እናም ህዝባችን ዲሞክራሲ በርግጥ የሚፈልግ ከሆነ ከተቃዋሚ ፓርቲዎች በፊት የሀገሪቱ ፖለቲካ የራሱ ጉዳይ መሆኑን አምኖ መቀበል አለበት:: አለዚያ ግን ተቃዋሚዎች ላይ ትችቱ እና ወቀሳዉ ከቴም ወንዝ አያሻግርም::ትናት ተሰብስበዉ ዛሬ መበተናቸዉ ሳይሆን የሚደንቀዉ የሀገሪቱ ፖለቲካ የራሱ ፖለቲካ መሆኑን አምኖ አልተቀበለ ህዝብ ዉስጥ ቁጭ ብለዉ ትናንት ለመሰብሰብ መድፈራቸዉ ብሎም ያለምንም ግብዓት ወደ ትግል መግባታቸዉ በራሱ ያስመሰግናቸዋል::

<… ስርዓቱ ዛሬም ድረስ ስልጣን ላይ የቆየው ሕዝቡን እርስ በእርሱ በማጋጨት በተለይ የአገሪቱ ምሰሶዎች የሆኑትን የኦሮሞና የአማራ ሕዝብን በማጋጨት ነው ።እነሱ እሳትና ጭድ እንደሚሉት ሳይሆን የኦሮሞና የአማራ ሕዝቦች አንድ ላይ የኖሩ በጋራ የሚያስተሳስራቸው ብዙ ነገር አለ።…በአገር ቤት በሕዝቦች መካከል የሚታየው አንድነት ዛሬም ተጠናክሮ ቀጥሏል በውጭ የሚታዩት እርስ በእርስ የመራራቅ ነገሮችን ለማቀራረብ በዚህ በሰሜን አሜሪካ በአንዳንድ ቦታዎች የጋራ ፎረም በማድረግ አየተንቀሳቀሱ ያሉ አሉ ።እዚህ ያለው ሁኔታ ግን አገር ቤት ባለው ሁኔታ ላይ ተጽዕኖ የለውም። ለወደፊቱም ቢሆን…> ዶ/ር ዲማ ነጎ የኢትዮጵያ አገራዊ ንቅናቄ ሊቀመንበር በወቅታዊ ጉዳዮች ላይ  ከሰጡን ቃለ መጠይቅ  (ክፍል አንድን ያዳምጡት)

<…በምንኖርበት አገር የፖለቲካ ስርዓት ውስጥ መብታችንን ተጠቅመን መሳተፍ የእኛ ፍላጎቶችን የሚወክሉ ስለእኛ የሚናገሩ የሕዝብ ወኪሎችን መምረጥ መሳተፍ አለብን። ቁጥራችን ብዙ ነው የፖለቲካው ተሳትፏችን ስለሌለ እኛ ላይ ተጽዕኖ ሊያመጡ የሚችሉ ጉዳዮችን እንኳ ማስለወጥ አንችልም። አሁንም አሽከርካሪዎችን ሊጠቅም የሚችል የታክሲ ተቆጣጣሪ ባለስልጣንን አደረጃጀት የሚቀይር ህግ ተግባራዊ ሊሆን ነው ።ካልደገፍንና ካልተሳተፍን ግን…> አቶ አሌክሳንደር አሰፋ በቬጋስ በዲሞክራቲክ ፓርቲ ኢትዮጵያውያን ተሳትፏቸውን በማሳደግ ለመብታቸው እንዲቆሙ ስለሚያደርጉት ጥረት ከሰጡን ገለጻ(ቀሪውን ያዳምጡት)

<…አድዋን የሚያጥላሉት ብቅ ብቅ ያሉት እውነተኞቹ የታሪክ ምሁራን ዝምታን መርጠው የፈጠራውን የፖለቲካ ታሪክ  ማጋለጥ ስላልቻሉ ነው… ሻዕቢያና መሰሎቹ  አድዋን የሚያጥላሉት የራሳቸውን አገር ለመመስረት ድሉ የፈጠረው ስሜትና አንድነት እንቅፋት ይሆንብናል ብለው ስለሚፈሩ ነው… ብዙዎቹ አገሮች ወይ ቅኝ ግዛት  ገዝተዋል አሊያም በቅኝ ተገዝተዋል የእኛ አለመገዛት ምልክቱ ታላቁ የአድዋ ድል ነው… >

የአድዋን ድል ማጥላላት ለምን ተፈለገ ልዩ ቃለ መጠይቅ ከአክቲቪስት አቻምየለህ ታምሩና ከዶ/ር ተሾመ ሞገሴ ጋር (አድምጡት)

በኢትዪጵያ የሚገኙ በሺህ የሚቆጠሩ የኤርትራ ስደተኞች እየደረስባቸው ያለው የስራ እድል ተጽእኖ እና ያስከተለው ቀውስ ሲዳስስ (ልዩ ዘገባ)

ሌሎችም አሉን

ዜናዎቻችን

የኢትዮጵያው አገዛዝ  የመከላከያ ሰራዊት በስምንት ተሽከርካሪዎች ታጅቦ ለውጊያ ከጅቡቲ ግዛትሰፈረ

አርበኞች ግንቦት ሰባት ትግሉም ስልጠናውም አገር ቤት ገብቷል ከዚህ በሁዋላ በኤርትራ ስልጠናአይሰጥም አለ

ትግሉን መቀላቀል የፈለገ ወደ ኤርትራ ሳይሆን የአገር ቤቱን ትግል ይቀላቀል ሲል ጥሪ አቀረበ

በኢትዮጵያ ውስጥ በርካታ ስዎች በጭንቀት ህመም እንደሚስቃዩ አለማቀፍ ጥናት ይፋ አደረገ

ዶ/ር ዲማ ነጎ አስቸኳይ ጊዜ አዋጁ ኖረም አልኖረ በአገር ቤት ትግሉ እንደሚቀጥል ገለጹ

በሕዝቦች መካከል የተጀመረው ትብብር ተጠናክሮ እንዲቀጥል ጠይቀዋል

የአሜሪካው ፕ/ት ትራምፕ የቀድሞው ፕ/ት ባራክ ኦባማ ስልኬን ሲጠልፉ ነበር ማለታቸው ታላቅተቃውሞ አስነሳ

በዶላር ዕጥረት ሳቢያ በአዲስ አበባ ሆቴሎች ዋጋ እስከመቀነስ ሄደዋል

የህዳሴው ግድብን ለማጥቃት ኤርትራ ታጣቂዎችን አስታጥቃ ላከችብኝ ለሚለው የኢህአዲግ ስሞነኛውንጀላ የአስመራ መንግስት ምላሽ ስጠ

የኡጋንዳው ፕ/ት ሙሴቭኔ የአባይን ውሃ በጋራ ያለመጠቀሙ እንቆቅልሽ አልገባኝም ሲሉ ጠየቁ

በኢትዮጵያ ሁሉንም ያሳተፈ ከፍርሃት የሚያላቅቅ ቅንጅት ያስፈልጋል ተባለ

የኢትዮጵያ አገራዊ ንቅናቄ ሌሎችንም በንቅናቄው ለማካተት እየሰራ መሆኑን ገለጹ

በኢትዮጵያ የሚገኙ ስድስት የሙስሊም ትምህርት ቤቶች በፓለቲካ ጫና ተሸጡ

በኢህአዲግ ማጎሪያ ቤት ውስጥ ለሚማቅቁት ለግንቦት 7ቱ ለአቶ አንዳርጋቸው ጽጌ የህግ እማካሪማመቻቸት ጠቀሜታ እንደሌለው አንድ ከፍተኛ የእንግሊዝ የህግ ባለሙያ አስጠነቀቁ

“እንግሊዝ በአንዳርጋቸው ዙሪያ ከኢህአዲግ ጋር ፊት ለፊት መነጋገር አለባት”የህግ ባለሙያው ኬንዶምኒክ

ሌሎችም

Hiber radio Las Vegas ይህ ህብር ሬድዮ _የወቅታዊ መረጃ ምንጭ ነው። ህብር ሬድዮ በአቤኔዘር ኮሙኒኬሽንሴንተር እየተዘጋጀ  ከላስ ቬጋስ ከተማ፣ ዘወትር ዕሁድ በአካባቢው ሰዓት አቆጣጠር ከምሽቱ 6፤30 ሰዓት እስከ 8  ሰዓትበህብር ሬዲዮ ድህረ ገጽ ወይም በቀጥታ በስልክ ለማዳመጥ  5639993994 ወይም 563999-3988 ወይም 712-432-8451 በመረጡት ቁጥር መደወል ብቻ በቂ ነው በእንግሊዝ ለምትኖሩ በ01405770140 በስልክ ማዳመጥ ይቻላል።ዘወትር በድህረ ገጻችን፣ ከ googel app store Hiber Radio ወደ ስልክዎ በመጫን ካልሆነም በዘሐበሻ እንዲሁምበተጠቀሱት ስልኮች ማዳመጥ ይቻላል።

ቴድሮስ ኣድሓኖም ለአለም የጤና ድርጅት መመረጥ የለበትም ስንል ሁለት ነገሮችን በመጥቀስ ብቻ ነው፣ አንደኛው የመታከም መብት ያለው ወጣት እንዳይታከም ስላደረጉ፣ ከአገር የመውጣት መብት ያለው ወጣት እንዳይወጣ ስላደረጉ፣ ይህ ወጣት ወጣት ሃብታሙ አያለው ነው። በሁለተኛ ደረጃ እሳቸው የማእከላዊ ኮሚቴ አባል በነበሩባት ክልል የጤና ባለሙያዎች የፖለቲካ አባላት ስለሆኑ ብቻ ንግድ ፍቃዳቸው ከህግ ውጭ ሲነጠቁ እና ሆስፒታላቸው እንዲዘጉ ስለሚገደዱ ብቻ ነው። እኝህ ዶ/ር, ዶ/ር ማርቆስ ይባላሉ።በትግራይ በተደረገው ጥልቅ ታሃድሶ የሸራሮ ነዋሪዎች እስካሁን ድረስ መንገድ ላይ እና ቤታቸው ውስጥ እንደሚወልዱ ተናግረዋል። ለዚህ ነው ዶ/ር ቴድሮስ የአለም ጤና ድርጅት መምራት አይችሉም የምንለው፣ ሌላው የአገሪቱ የጤና ደረጃ ሳንነካካ እና ተደራሽነት ሳንጠቅስ ማለቴ ነው።ዶር ቴድሮስ ከህውሓት ማእከላዊ ኮሚቴ አባልነታቸው የለቀቁት ለአለም ጤና ድርጅት ለመወዳደር እና ከእዳውም ነጻ ለመውጣት(ለማምለጥ) ስለሚፈልጉ ነው ግን አይሆንም።

(ቢቢኤን) የኢህአዴግ ስራ አስፈጻሚ ኮሚቴ በትናንትናው ዕለት መደበኛ ስብሰባውን መጀመሩ ተገለጸ፡፡ የአራት ፓርቲዎች ውህድ የሆነው ፓርቲው በሚኖረው የሶስት ቀናት ስብሰባ በተለያዩ ጉዳዮች ላይ ውሳኔዎችን ያሳልፋል ተብሎ እንደሚጠበቅ ታውቋል፡፡ ፓርቲው ውሳኔ ያሳልፍባቸዋል ተብሎ ከተያዙ ጉዳዮች መካከል አንዱ አስቸኳይ ጊዜ አዋጁ እንደሚሆን ምንጮች ገልጸዋል፡፡

በመጪው መጋቢት 28 ቀን 2009 ስድስተኛ ወሩን የሚይዘው የአስቸኳይ ጊዜ አዋጁ፣ ይነሳ ወይስ ይቀጥል በሚለው ጉዳይ ላይ መንግስት ወጥ አቋም ሳይዝ ቆይቷል፡፡ ለዚህም እንደ ምክንያት የሚጠቀሰው የኢህአዴግ ባለስልጣናት በአስቸኳይ አዋጁ ዙሪያ የተለያየ አቋም መያዛቸው እንደሆነ ለማወቅ ተችሏል፡፡ አብዛኞቹ የህወሓት ባለስልጣናት አዋጁ ከስድስት ወርም በላይ እንዲቆይ ፍላጎት ያላቸው ሲሆን፣ ከፊሎቹ ደግሞ የውጭ ለጋሾችን ተፅዕኖ በመፍራት አዋጁ ከስድስት ወር በላይ ባይቀጥል ፍላጎት እንዳላቸው ምንጮች ይገልጻሉ፡፡

አዋጁ እንደ አጠቃላይ የኢህአዴግ ባለስልጣናት ሲታይ ደግሞ፣ አዋጁ ይፋ ሲደረግ የተቀመጠለት የጊዜ ገደብ ከተጠናቀቀ በኋላ፣ ባይቀጥል የሚል በላጭ አመለካከት እንዳለም መረጃዎች ይጠቁማሉ፡፡ ከአስቸኳይ ጊዜ አዋጁ በኋላ ሀገሪቱ ‹‹መረጋጋቷን›› ሲገልጹ የሚደመጡት የኢህአዴግ ባለስልጣናት፣ ሀገሪቱ መረጋጋቷን ለውጭ ዲፕሎማቶች እና ለጋሽ ሀገራት ለማሳየት አዋጁን የማንሳት ፍላጎታቸው አመዝኗል ተብሏል፡፡ ሆኖም በፓርቲው ውስጥ ያለው ወጥ ያልሆነ አቋም፣ የአስቸኳይ ጊዜ አዋጁን በተመለከተ በቀጣይ የስብሰባ ቀናት ምን ዓይነት ውሳኔ ሊተላለፍ እንደሚችል ከወዲሁ ለመገመት አዳጋች ሆኗል፡፡ የአስቸኳይ ጊዜ አዋጁ ይፋ ከተደረገ በኋላ በመቶዎች የሚቆጠሩ ዜጎች መገደላቸው፣ በሺዎች የሚቆጠሩ መታሰራቸው እና በርካቶችም ሀገር ጥለው መሰደዳቸው ይታወቃል፡፡

ሐሰትን ድምጽን ከፍ አድርጎ በመጮህ ወይም አሳምሮ በመናገር እውነት ማድረግ አይቻልም። ሆኖም ይህ አይነቱ ሙከራ በአትላንታ ሰአሊተ ምህረት ካቴድራል አውደ ምህረት ላይ በቀሲስ አለም እሸት አብርሃ አማካኝነት ተሞክሯል። ቀሲስ አለም እሸት ካቴድሯሏን በወያኔው ጉጀሌ በአባይ ጸሃይ በሚወዘወረው ሲኖዶስ ለመውሰድ የሚደረገውን ዘመቻ ከአባ ኃ/ሚካኤል ፊታውራራነቱን ወስዶ አደራውን ለመወጣት በመፈራገጥ ላይ ይገኛል። ይህ ግለሰብ ማኅበረ ቅዱሳን ከሚባለው የጎበዝ አለቆች ቡድን ፔይሮል ላይ የሚገኝ ሆድ አደር ነው። ልማታዊው ቄስ በከተማችን የወያኔ ባለስልጣኖች ብቅ ሲሉ አልጋ ከሚያነጠፍላቸው አቶ ቴዎድሮስ ጋር በመሆን ዲሲ በሚገኘው የወያኔ ኤምባሲ ውስጥ በተደረገው የሰሜን አሜሪካ ኮማንድ ፖስት ስብሰባ ተካፍሎ ከመጣ ወዲህ የበሬ ወለደ ዘመቻውን አጠናክሮቷል። በዚህ ጥናታዊ ጽሁፍ የሀሰት መረጃን አቅርቦ

[ሙሉውን ለማንበብ እዚህ ይጫኑ]