በእውነት ምስክርነት የተዘበ ነውና በጥሞና አንብባችሁ እራሳችንን ለትግል አናዘጋጅ። ቢያንስ እንኳ እግዚአብሔር ይህን ድብቅ ያጋልጥ ብላቹህ ፀልዩ።

በጥይት ማምረቻው ውስጥ እውነት እላቹሃለሁ አንድ አንኳ የትግራይ ሰው በዕለት የማምረት ተግባሩ ውስጥ የሉበትም፡፡ ነገር ግን በሰው ኃይል ምደባ ተቆጣጣሪነት ..ወዘተ ድርሻ እነሱ እና እነሱ ብቻ ናቸው፡፡ ለምን ጥይት በማምረቱ ስራ ትግሬዎቹ የሉም? ለምትሉ መልሱ እና እውነታው ይኸውላችሁ፡-

The post በአምቦ የጥይት ማምረቻ ፋብሪካ ውስጥ የሚፈፀም በደል፡-– አስናቀው አበበ appeared first on ሳተናው: Ethiopian Amharic News 24/7- Your right to know!.

የማይቀርበት ታላቅ አማራ አቀፍ ጉባኤ በኮሎምቦስ ኦህዮ ቅዳሜ ማርች 25 2017

ቅዳሜ ማርች 25 2017 ወይም መጋቢት 16 2009 ዓ.ም በሚከናውወነው በዚህ ታላቅ ጉባኤ በአማራ አቀፍ ሁለንተናዊ እጣ ፈንታ እንዲሁም ወገናችን እያደረገ ያለው ተጋድሎ ለማገዝ እየተደረገ ባለው ርብርብ ዙሪያ ሰፋ ያለ ውይይት ይካሄዳል።

በጉባኤው ላይ ታውቂ ግለሰቦች፣ አክቲቪስቶች፣ ሙህራንና የፓርቲ መሪዎች ተገኝተው ስለ አማራ ህዝብ ተጋድሎ ገለጻ ያደርጋሉ። ከህዝብ ለሚነሱ ጥያቄዎችም መልስ ይሰጣሉ።

እርሰዎም በዚህ ታልቅ አማራ አቅቀፍ ስብሰባ ላይ በመገኝተው የበኩልዎትን አስተዋጾ ያበርክቱ።

አዘጋጅ በኮሎምቦስ ኦህዮ የአማራ ማህበረሰብ አባላት።

እንግዶች፤
∘ አቶ ተክሌ የሻው
∘ ዶ/ር አክሎግ ቢራራ
∘ አቶ ሲሳይ መርሻ
∘ ዶ/ር አበበ ካሳሁን
∘ አክቲቪስት እርስቴ ተስፋዬ
∘ አክቲቪስትና ገጣሚ ሄኖክ የሺጥላ

አድራሻ፡- ሳንታና ፓርቲ ሀውስ ሪፉጅ ሮድ ኮሎምቦስ ኦሃዮ
የስብሰባ ቦታ፡ Santana Party House 3569 Refugee RD Columbus, Ohio 43262
ቀን፡ Saterday 25th March 2017
ሰዓት፡ 12 – 10 PM

ለጨማሪ መረጃ በሚከተሉት ስልክ ቁጥሮች ይደውሉ።
6142665935   6149894777    614893 41 67

በአሜሪካ ኮሎምቦስ ኦሃዮ ግዛት የአማራ ማህበርሰብ አባላት

The post የማይቀርበት ታላቅ አማራ አቀፍ ጉባኤ በኮሎምቦስ ኦህዮ ቅዳሜ ማርች 25 2017 appeared first on ሳተናው: Ethiopian Amharic News 24/7- Your right to know!.

“የውኃ ጠብታ – እያደር – ድንጋይ ይሰብራል” መባሉ አለብልኃት አይደለም፡፡ ሕወሓት ወደኢትዮጰያ ፖለቲካ ዘው ብሎ እንደገባ ዘው ብሎ መውጣት እንዳልቻለና እንደማይችልም አሁን አሁን ቁልጭ ብሎ እየታዬ ነው፡፡ ያገሬ እረኛ “ስወጣ እንደጦጣ ስወርድ ምንትሴ መጣ” ይላል፡፡ ሁሉ ነገር ሲጀምሩት ቀልድና ቧልት ይመስላል፡፡ የተቃናና ያማረ መስሎም ሲታይ እስከወዲያኛው እንደዚሁ እንደሆነ የሚዘልቅ መስሎ ይታይና ራስን እስከማነሁለል ለሚያደርስ ዕብሪት ሊዳርግ ይችላል፡፡ አስተዋይ ግን ግልባጩንም አሰብ ያደርግና ጥንቃቄ ያደርጋል፡፡ ለዱባ ጥጋብ አይንበረከክም፡፡

አንድ ባላገር ሀብታም ነበሩ አሉ፡፡ ቆዳ ለባሽና ለዓለማዊ መብለጭለጭ ብዙም ደንታ ያልነበራቸው ሽማግሌ ነበሩ፡፡ ብዙ የቀንድና የጋማ ከብት፣ ብዙ የጎተራና የጉድጓድ እህል ከሚርመሰመስ የቤት አገልጋይና ወፍ ከሰማይ የሚለቅሙ አንጋቾች ነበሯቸው፡፡ አንድ ቀን አንዱ ከብት ጠባቂ በደስታ እየተፍነከነከ ሲሮጥ ይመጣና “አብዬ! የምሥራች! ዛሬ ሌሊት ብቻ 50 ላሞች ወልደው አደሩ!” ይላቸዋል፡፡ እስከዚያን ጊዜ ድረስ ያን ያህል ጥገት በአንድ አዳር ታይቶ አይታወቅምና ሰውዬው በደስታ እንደሚፈነጥዙ አምኖ ነበር እረኛው እንዲያ ያለው – የዘንድሮን ሀብታም መስለውት፡፡ እርሳቸው ግን ተከዝ አሉና “አይይ… አዱኛን ‹ሂጂና ሌላሽን ብይ በላት” ነው ያሉት፡፡ ጳውሎስ ኞኞም በሩሕ መጽሔት ብዙ ገንዘብ ወደኮሮጆው ሲገባለት ጊዜ “ለጤና ያድርገው እንጂ ዘንድሮስ ገንዘቡ ታፈሰ” ብሎ ቀልዶ ነበር አሉ – አልሆነለትም፡፡ “የፈሩት ይደርሳል፤ የጠሉት ይወርሳል” ይባል የለም?

ሕወሓት በለስ ቀንቶት ከ1983 ዓ.ም ወዲህ ኢትዮጵያን በብቸኝነት ተቆጣጥሮ ያሻውን ሲያደርግ ቆይቷል፤ አሁንም እንደዚያው ነው፡፡ ነገር ግን ነገሮች በከፍተኛ ፍጥነት እየተለዋወጡ የሚገኙበት ሁኔታ ላይ መድረሳችንን በተለይ ከየጉራንጉሩ አንዳንድ ወሬ የመስማት ዕድል ያለን ዜጎች እየተረዳን መጥተናል፡፡ መቼም አፍ አይሞትም ወያኔ “አለሁ” ይላል እንጂ ጌታውን ከሎሌው፣ አዛዡን ከታዛዡ መለየት የማንችልበት የጨረባ ተዝካር ዓይነት ሀገራዊ ትርዒት እያየን ነው፡፡ ቀበሌም ግባ፣ ወረዳም ግባ፣ ክፍለ ከተማም ግባ፣ ማዘጋጃም ግባ፣… የትም ግባ ሁሉም ሰው ውክቢያ ላይ ነው፡፡ ሁሉም ኃላፊና የመንግሥት ሠራተኛ በተቻለው የየድርሻውን ቦጭቆ ዘውር ለማለትና የራሱን ቢዝነስ ከፍቶ እንደጌቶቹ ለመንቀባረር ጥድፊያ ላይ ይገኛል፡፡ (ለትውስታ – ወያኔ አዲስ አበባ ጫፍ ካራአሎና ለገጣፎ ደርሳ መናገሻዋን በአራቱም አቅጣጫ ወጥራ በነበረችበት ግምቦት 18 እና 19/1983 አካባቢ ሚኒስትሮችን ጨምሮ ጥቂት የማይባሉ የደርግ ባለሥልጣናት የጀመሩትን ቤት ለመጨረስ ማርካቶ ውስጥ ቆርቆሮና ምስማር ይገዙ ነበር አሉ – ወይ የታሪክ መመሳሰል!)

ሕወሓት ከገጠመው ታሪካዊ የመበስበስና የመብከት እንዲሁም ከዚህች ምድር የመሰናበት የመጨረሻ ዕጣ ፋንታውን ለማስቀረት ወይም ቢያንስ ዕድሜውን ለማራዘም የከረረ ትግል ከጀመረ አንድ አራት ዓመታትን አስቆጥሯል፡፡ በተለይ ቁንጮዎቹ ሁለቱ ታላላቅ የወያኔ አጋፋሪዎች ከሞቱ ከ2004ዓ.ም ክረምት ወዲህ ቡችሎቻቸው በቤተ መንግሥትና በቤተ አምልኮቱ ይይዙትንና ይጨብጡትን አጥተው እንዳበደ ውሻ ያገኙትን ሁሉ እየነከሱና በመርዛቸው ለክፈው እየገደሉ ይገኛሉ – ይህም መሆን ስላለበት ነውና የማይጠበቅ አልነበረም፡፡ ከድቅድቅ ጨለማ በኋላ ፍንትው ያለች ፀሐይ ትወጣለች፡፡ ከገረረ የተሲያት ፀሐይ በኋላ ጨለማን የተንተራሰ ቀዝቃዛ የምሽት ንፋስ ይነፍሳል፡፡ ለሁሉም ጊዜ አለው፡፡

እነዚህን ያበዱ ውሾች ለመታገል በተለይ በአሁኑ ወቅት ሕዝቡ የማያደርገው ትግል የለም፡፡ ጥቂቶቹን እንይ፡-

በብዙ አካባቢዎች በተለይም በጎጃምና በጎንደር ወጣቱና ጎልማሣው ዱርቤቴ ብሎ በጎበዝ አለቃ እየተመራ የወያኔውን መንግሥት ተብዬ ቡድን ባመቸው ጊዜና አጋጣሚ እንቅልፍ እየነሳ ይገኛል፡፡ ይህም ትግል ተጀመረ እንጂ ገና የመገባደጃ ደረጃ ላይ እንኳን አልደረሰም፡፡ ይህ ትግል እጅግ ፈታኝ እንደሚሆን ከጅምሩ እየታዘብን ነው፡፡ ያኔ ጥንት ባባቶቻችን ዘመን “ጠላትማ ምን ጊዜም ጠላት ነው ፤ አስቀድሞ መምታት አሾክሹዋኪውን ነው” ይባል እንደነበር ዛሬም ከዚያ ዘመን በባሰ ሁኔታ ወንድም ወንድሙን ለገንዘብ ሲል አሣልፎ እየሰጠ – ኤሣው ወንድሙን ያዕቆብን አንጀት ጠብ ለማትል እፍኝ የማትሞላ ምሥር እንደለወጠው – በኛ የጉድ ዘመንም ለሞተ እንጀራ ሲባል የገዛ ወንድምን ለወያኔ መሸጥ እየተለመደ ሀዘናችን ቅጥ ያጣበት ጊዜ ላይ ደርሰናል፡፡ ይህ በዘመነ ክርስቶስ በይሁዳ ጎልቶ የታዬ የሰዎች የክህደት ተግባር ዛሬም ተስፋፍቶና ግዘፍ ነስቶ በታጋይ ጎባው መልኬ የሰማዕትነት ገድል ላይ ጥቁር ጥላውን ሲጥል ተመልክተናል፡፡ ይህን ሰማዕት የገደለም ያስገደለም ዋጋቸው አንድ ነው፡፡ “ደስ” የሚለው ደግሞ ገዳይም አስገዳይም እንደጎባው ሁሉ ጥርኝ አፈር ይናሉ፡፡ ልዩነቱ ጎባው አልሞተም፤የሞተ መስሎ ሞትን አሸነፈ – እኛም ቤተሰቡም ደስ ይበለን! መሞት ማለት ለእዳሪ ለሚውል ትንሽ ነገር ኅሊናን ሸጦ በቁም መሞት ነው፡፡ እናም የገዳዮችና አስገዳዮች ሞት ዘላለማዊ መሆኑን የምገልጽላችሁ በጎባው ሞት በመንፈስ በመቅናትና በሰይጣናቱ ዕኩይ ተግባር ደግሞ ከልብ በማዘን ነው፡፡ ልብ ለሚል ይህ ክስተት ትልቅ አስተምህሮ አለው፡፡ የሰው ባሕርይ እንዲህም የገማና የከረፋ በመሆኑ ፍርዱን ከላይና ከታሪክ ከመጠበቅ ውጪ ለጊዜው ምንም ማድረግ አይቻልም – ቢያንስ እዚህ አዲስ አበባ ውስጥ ያለነው፡፡

ብሎም ቢሆን የሕዝብ ትግል በየአቅጣጫው ቀጥሏል፡፡ የዚህን ጀግና መስዋዕትነት በመዘከር ወያኔን ሳይፈሩ ጎንደር ውስጥ ሰሞኑን ወጣቶች ስፖርት ሜዳ ውስጥ ያደረጉት ትግል ታሪክ የሚዘነጋው አይደለም፡፡

በጎንደርና በጎጃም ሕዝቡ ዳሸን ቢራን ጨምሮ የወያኔ ድርጅቶች ምርቶችን ገዝቶ ላለመጠቀም የወሰደው ቆራጥ እርምጃ ፍሬ ማፍራቱን እየሰማን ነው፡፡ ይህ ሕዝብ በርግጥም ከቆረጠ ያኮራል፡፡ ዳሸንን በየቡና ቤቱ መደርደሪያ ሲያሞቅ ይገኛል እንጂ ማንም እየጠጣው እንዳልሆነ ከሥፍራው የሚደርሱን መረጃዎች ይጠቁማሉ፡፡ ሰው ሲጠጣ ቢታይ እንኳ ባካባቢው የሚገኝ ታዛቢ “ውይ ወንድማለም፣ የወንድሞችህን ደም ትጠጣለህ?” እያለ ያሳፍራቸዋል፡፡ በዚህ መልክም ቢራው እየከሰረ በዚያ አካባቢ ከሞላ ጎደል ከገበያ እየወጣ ነው፡፡ ይህ አኩሪ ድርጊት በሁሉም ሥፍራዎች መለመድ አለበት፡፡

በዚህና በሌሎች ተዛማጅ እርምጃዎች የወያኔው ካዝና እየሳሳ መጥቶ ምናልባት ከጥቂት ጊዜ በኋላ ደሞዝ የሚከፍሉትም ሊያጡ እንደሚችሉ ትንበያዎች አሉ፡፡ ከጂቡቲ በኩል እንደምንሰማው ከሆነ ዕቃ ከውጭ ሀገራት መግባቱን አቁሟል ወይም ቢያንስ እጅግ ቀንሷል፡፡ ምክንያቱም ሀገሪቱ በቂ የውጭ ምንዛሬ የላትም፡፡ መድኃኒትንና የውኃ ማጥሪያ ኬሚካሎችን የመሳሰሉትን ጨምሮ ለመሠረታዊ ፍጆታዎች መግዢያ የሚሆን እንኳን እያጣች በማስመሰል እንጂ በእውነት እየኖረች ያይደለች ሀገር ሆናለች – ኢትዮጵያ፡፡ ያለች እየመሰለች ግን ነፍሷ ሊወጣ በጣዕረ ሞት አፋፍ ላይ የምትገኝ አሳዛኝ ሀገር ነች – ሀገራችን ኢትዮጵያ፡፡ ለውጪ ታዛቢ በአስፋልታችንና በሕንጻዎቻችን ሳቢያ ያለን ሊመስለው ይችላል – ግን ውሸት ነው፤ የለንም፡፡ ይህች ታሪካዊ ሀገር ጸጉራም ውሻ ከሆነች ዋል አደር አለች – አለ ሲሉት እንደሚሞተው፡፡ አጭበርባሪና ሌባ፣ ማይምና ዘረኛ ፖለቲከኛ ብቻ እየገነነ ትሁትና የተማረው ጨዋ የማኅበረሰብ ክፍል እየኮሰመነና እየወደቀ የሚገኝባት ብቸኛዋ የዓለማችን መንደር – ኢትዮጵያ፡፡

…. የሚቀረው የከፈን ጨርቁን መግዛት እንጂ ወያኔ አለ ማለት የማይቻልበት ሁኔታ ተፈጥሯል፡፡ ግን የነጋበት ጅብ መጥፎ ነውና ወያኔ ሞተ ስል ይበልጥ ምናባዊ እንጂ እውናዊ ሊሆን እንደማይገባ ማሳሰብ እፈልጋለሁ፤ አንድን ነግር ብዙ ማጋነን ያሳንፋልና ብዙ መሥራት ይጠበቅብናል፡፡ በሌላም በኩል “የምትስቅ ሴትና የሚነቃነቅ እንጨት…” የሚለውን ነባር ብሂል መርሣት አይኖርብንም፡፡

አንድ ኢኮኖሚ ከተንታኮተ ግለሰብም ይሁን መንግሥት ኃይሉ ይሟሽሻል፤ ጉልበቱ ይዝላል፤ ተሰሚነቱ ይቀንሳል፤ የተፈሪነት ግርማ ሞገሱም ይበናል፡፡ ማዘዝ መናዘዝ የሚቻለው የኢኮኖሚ ክንድ ሲፈረጥም ነው፡፡ ወያኔ ሁሉንም ምናልባትም ብዙ ነገሩን አጥቶ ቆሌው የተገፈፈና በደመነፍስ የሚንጠራወዝ ግን ግን በኃያላኑ የምርኩዝ ድጋፍ ብቻ የሚኖር የአጋንንት ውላጅ ነው፡፡ ዕድሜ ለኦርቶዶክስና ለአማራ እነዚህ ነጫጭባዎች ለታሪካዊ የበቀል ቁርሾኣቸው እርካታ ሲሉ ኢትዮጵያን በቀላሉ አይተዋትም፤ እናም ወያኔን እስከመጨራሻ ይፈልጉታል – እንደሚፈልጉትም ወያኔ ያውቃል – የክፉዎች መንፈስ አንድ ነውና ይፈላለጋሉ፤ ለፕሮፓጋንዳ ፍጆታ ሲባል የሚነዛውን የዚያ ማዶና የዚህ ማዶ የወሬ ቋትና የዲፕማሲ ልቃቂት ተውት፡፡ ዞሮ ዞሮ ደስ የሚለው ግን ፈጣሪዋ አይረሳትም፡፡ ከበቂ በላይ ተፈትናለች፡፡

ገንዘብን በሚመለከት  … እርግጥ ነው – ከሕዝቡ በተለያዬ ህገ ወጥና ህግ መሰል የጫካ ህጎች ከሕዝብ እየዘረፈ ብዙ ብር ሊኖረው ይችላል፡፡ በመዝረፍ የታወቀ ቡድን ገንዘብ ቀርቶ ነፍስን ሲዘርፍ ቅር አይለውምና ይህን ግፋፎ ብር በማምረትም በመቀማትም ሊሰበስብ ይችላል፡፡ ዋናው ግን ብሩ አይደለም፡፡ የውጭ ምንዛሬ ነው፡፡ ወንዝ የማያሻግር ብር ግፋ ቢል የጎጃምን ጤፍና የከፋን ቡና ያጋብስበት እንደሆነ እንጂ እንደቀድሞ ጀትና ታንክ የሚገዛበት ዶላር እንደልቡ ሊያገኝ አይችልም – ዲያስፖራዎችም በዚህ ረገድ – ማለትም ወያኔን ከዶላር በማራቁ በኩል – እያደረጉት ያሉት ነገር ሊዘነጋ አይገባውም በርትተው ይቀጥሉበት – ጅምራቸው ፍሬ እያፈራ ነው፡፡ ወያኔን መታገል በሚያውቅበት በመሣሪያ ብቻ ሣይሆን በማያውቅበት በዚህን መሰሉ የኢኮኖሚ ጦርነትም አስጨንቆ በመያዝ ነው፡፡ ይህን እያየን ስለሆነ እንመሰክራለን፡፡ ወያኔዎች የማያውቁበት ጦርነት ውስጥ ገብተው እየዳከሩ ናቸው፡፡ መግደሉም፣ ማሰሩም፣ ደብዛን ማጥፋቱም፣ ማሰቃየቱም…. የሰለቻቸው ይመስላል – ግን ይሰለቻቸዋል ተብሎ ሊታመን በፍጹ አይገባም – ለአባባል ያህል ነው፡፡ የአራት ኪሎን ቤተ መንግሥት “አጉራህ ጠናን” ሊሉ የተቃረቡ ይመስላል፡፡ ፈጣሪ ኢትዮጵያን እንዲያስባት ሁላችን ከልብ እንጸልይ፡፡ እኛ ራሳችንም ከክፋትና ከተንኮል፣ ከቂመኝነትና ከበቀለኝነት እንራቅ፡፡ ነገር ሲያጥር ጥሩ ነውና ቻው፡፡

The post የወያኔ ክንዶች እየዛሉ ነው! – ተሻለ መንግሥቱ appeared first on ሳተናው: Ethiopian Amharic News 24/7- Your right to know!.

ቆሸ እንደ ወያኔ / ቆሸ ኮማንድ

Download (PDF, 300KB)

The post ቆሸ እንደ ወያኔ / ቆሸ ኮማንድ appeared first on ሳተናው: Ethiopian Amharic News 24/7- Your right to know!.

የጀግናው አርበኛ ጎቤ ጦር በሰሜን ጎንደር ዞን ዛሬ መጋቢት 5 ቀን 2009 ዓ.ም. ረፋድ 3.30 ተኩል ጀምሮ ከወያኔ ትግሬ መከላከያ ጋር ባደረገው እልህ አስጨራሽ ውጊያ ድል ቀንቶታል፡፡ እስከ እኩለ ቀን ድረስ በቆየው ጠንካራ ውጊያ የጀግናው አርበኛ ጎቤ ጦር 13 የወያኔ መከላከያ ሠራዊት አባላትን የገደለ ሲሆን አንድ የወያኔን ጦር ደግሞ አቁስሎ ማርኳል፡፡

በአርበኛ ጎቤ እግር ተተክቶ ጦሩን ሲመራ የነበረው አርበኛ ሻንቆ ‹‹የመሪያችን ሞት በሚገባ ተበቅለናል፤ ተጋድሎአችን እስከ ያለምንም ጥርጥር ያሸንፋል›› ሲል አስተያየቱን ሰጥቷል፡፡ የዐማራው ጦር የተማረከውን ወታደር ጨምሮ የ14 ወታደሮችን ሙሉ ትጥቅ የማረከ ሲሆን ከባለፈው ወር ወዲህ የተገኘ ታላቅ ወታደራዊ ድል እንደሆነ ተገልጧል፡፡
የዐማራ አርበኞችን ለማጥቃት የመጣው ጦር መሣሪያውን በዱር እየጣለ ወደ አቅራቢያ ከተማ የሸሸ ሲሆን የአካባቢው ገበሬዎች በዱር የወዳደቀ ብዙ መሣሪያ እየያዙ እንደሄዱም ለማወቅ ተችሏል፡፡
(ማሳሰቢያ፤ በአርበኞቹ ጥያቄ መሠረት ጦርነቱ የተካሔደበትን ቦታ ከመግለጽ ተቆጥበናል)
የዐማራ ተጋድሎ ያሸንፋል//

The post ሰበር ዜና….በሰሜን ጎንደር የወያኔ ጦር ሽንፈት ገጠመው፤ 13 ወታደሮች ተገድለዋል – ሙሉቀን ተስፋው appeared first on ሳተናው: Ethiopian Amharic News 24/7- Your right to know!.

በአሁኑ ወቅት የኢትዮጵያ የፖለቲካ ሁኔታና የፓርቲዎች የሃይል አሰላለፍ ግራ የሚያጋባ ሆኗል ። በአለፉት 25 አመታት ህውሃቶች በመከላከያና በደህንነት ተቋማት ውስጥ ይዞታውን ያረጋገጠ ሌላ ድርጅት ህውሃትን ፂሟን ይዞ ጎትቶ መጣል እንደሚችል በመረዳቷ እነዚህን ተቋሞች ላለፉት 25 አመታት በሞኖፖል ተቆጣጥረው ይዘውታል ።
ህውሃቶች ለአመታት በፖለቲካውና በኢኮኖሚው ያለቸውን የበላይነት ለማረጋገጥ ሌላም ዋስትናም ነበራቸው ። ይሄ ዋስትና በህውሃት አምሳል ተጠፍጥፈው የተፈጠሩት እህት ድርጅት የሚሏቸው ብአዴን ፣ ኦህዴድ እና ደኢህደን የተባሉት ድርጅቶች ናቸው።
…
ይሄ የምትመለከቱት ሃውልት የመለስ ዜናዊ የትውልድ ቦታ የተተከለ የቀድሞው ጠቅላይ ሚኒስትር ሃውልት ነው። ሃውልቱ እየፈራረሰ ስለሆነ ከውድቀት ለመከላከል ሶስት እንጨቶች ባላ ሆነው ደግፈውት ይገኛል። የመለስ ሃውልት ህውሃትን ሲወክል ሶስቱ ደግፈው የቆሙት እንጨቶች ብአዴንን ፣ኦህዴንንና ደኢህዴንን ይወክላሉ ።
…
አድዋ የሚገኘው የመለስ ሃውልት ለመውደቅ ማዝመም እና የደገፉት ሶስት እንጨቶች ማሸብረክ ህውሃት እና ሎሌዎቹ ድርጅቶች የተጋረጠባቸውን የጊዜውን የፖለቲካ ሁኔታ አመላካች ሆኖ ይታያል ።
ህውሃት መለስ ዜናዊ ከሞተ በኋላ የርእዮተ አለም ድርቀትና የድርጅቱን የበላይነት ለዘለቄታው የሚያስጠብቅ የሃይል ሚዛን ምክነት ገጥሞታል ።
…
የኢጣሊያው ወራሪ ሃይል በባንዳነት በማገልገል በኢጣሊያን የኢትዮጵያ ተወካይ የወረዳ አስተዳዳሪ የተሾሙት የግራዝማች አስረስ የልጅ ልጅ መለስ ዜናዊ ተንኮለኛ ቢሆንም ከአያቱ የኢጣሊያን የሮማውያን ዘመን የከፋፍለህ ግዛ ” Devide et Impera “ስልት በደንብ ያጠና እና ኢትዮጵያ ውስጥ በደንብ ተግብሮ ውጤታማ የሆነ ሰው ነበር ።
መለስ ዜናዊ በዚህ ፖሊሲው የህውሃትን የበላይነት ካረጋገጠ በኋላ በ1992 የራሱን ጓደኞች ከህውሃት በመጠራረግ የበላይነቱን አረጋገጠ ። ችግሩ የመጣው መለስ ዜናዊ በድንገት ከሞተ በኋላ ነው ። ህውሃት ውስጥ የመለስን ያክል ተንኮል እያፈለቀ ሎሌ የሚጠፈጥፍ ሰው ባለመገኘቱ ፓርቲው መወዛወዝ ጀመረ ። ይሄን የተመለከቱት ፓርቲዎች አይናቸውን መግለጥ ጀመሩ ። ነገር ግን ህውሃት መፍረክረክ ቢጀምርም ደህንነቱንና መከላከያውን ይዞ ስለነበር ለማገገም ቻለ ። ብዙም ሳይቆይ በመላው አገሪቱ ድብልቅልቅ ያለ አመፅ ተከተለ ።
…
በኦሮሚያና በአማራ ክልሎች አመፅ መቀስቀሱን ተከትሎ ብአዴንና ኦህዴድ እንደከዱት በመገንዘብ ቀልጠፍ ብሎ ህውሃት እርምጃ መውሰድ ጀመረ ። በሲቪል አስተዳደሩ ያልተማመነው ህውሃት በአስቸኳይ ጊዜ አዋጅ ምክንያት አደርጎ ለክፉ ቀን ያዘጋጀውን መከላከያ ሰራዊት አገሪቱን እንድመራ አደረገ ። የሃይል ሚዛኑን እንዳጣ የተረዳው ህውሃት የበፊት ታማኝ አሽከሮቹን አንበርክኮ ይቅርታ የሚያስጠይቅ ሌላ አጋር ፍለጋ መራወጥ ጀመረ።
…
በምስራቅ ኢትዮጵያ የሚገኘውና ሰፊ ስትራቴጅክ ቦታ የያየዘው የሱማሌ ክልል በህውሃት የቀረበውን የፖለቲካ ጨረታውን አሸነፈ ።
የ 8ኛ ክፍል ተማሪ የነበረውና የቀድሞው የመብራት ሃይል ቆጣሪ አንባቢ የነበረው የሱማሌው ክልል ፕሬዚደን አብድ ኢሌ ለህውሃት እጅግ ተመራጭና ያዘዙትን ለመፈፀም አይኑን እንደማያሽ የተረጋገጠ ነው ።
በዚህም መሰረት ህውሃት ለአብድ ኢሌ የማስጀመሪያ ፊሽካዋን ስትነፋ የአብዲ ኢሌ በጥብቅ የሰለጠኑ ጨካኝ ልዩ ሃይሎች ከሱማሌ ክልል ጋር የሚጎራበቱ የኦሮሚያ ወረዳወችን በአጭር ጊዜ በመውረር በመቶዎች የሚቆጠሩ ንፁሃንን በመግደል የሱማሌክ ክልል ባንድራን ሰቀሉ።
…
የህውሃት የበቀል ብትር ያሳመመው ኦህዴድ ከህውሃት የተሰነዘረበትን በትር መቋቋም አልቻለም ። አይኑ እያየ ህዝቡ በጠራራ ፀሃይ ማለቁን የተዳው ኦህዴድ አቅሙን ገምቶ ህውሃትን ይቅርታ ጠየቀ ።
ህውሃት በኦህደድ ላይ የሰራውን የፖለቲካ ጨዋታ ቶሎ ብሎ የተረዳው ብአዴን በራሱ ላይ የታቀደው ሴራ ከመፈፀሙ በፊት ማእከላዊ ኮሚቴውን ጠርቶ ከተወያየ በኋላ በይፋ በአሳፋሪ ሁኔታ ይቅርታ ጠየቀ ። ለጊዜው አስቀያሚው የፖለቲካ ድራማው በዚሁ ተዘጋ ።
…
መፃኢ ሁኔታዎች
ህውሃት ለጊዜው በፓርቲዎች መካከል የነበረውን የፖለቲካ turmoile ንጠቱን በበላይነት የተቆጣጠረው ይመስላል። 95 በመቶ የሆነው የኢትዮጵያ ህዝብ ግን ህውሃት የሚመራውን ኢህአድግ የተባለ መንግስት አንቅሮ ከተፋው ቆይቷል ። ህውሃት የአናሳ (minority) መንግስት በመሆኑ ህዝቡን ሊገዛ የሚችለው በጠመንጃ አፈሙዝ ብቻ ነው ። አፈሙዝና አናሳ የሚመራው መንግስት ደሞ ለጊዜው ያለ ይመስላል እንጅ ዘላቂ አይደለም ። ይሄ አጠቃላይ መርህ ነው። ህውሃት ከዚህ መርህ ውጭ የሚሆንበት እድል አይኖረውም ።

The post ካዘመመው ሀውልት በስተጀርባ (ቬሮኒካ መላኩ) appeared first on ሳተናው: Ethiopian Amharic News 24/7- Your right to know!.

መጋቢት 4፣ 2009 (ማርች 13፣ 2017)

በትላንትናው እለት በሀገራችን ኢትዮጵያ ዋና ከተማ  በአዲስ አባባ  እጅግ ዘግናኝ እልቂት ተፈጽሟል።

 የሚላስ የሚቀመስ የሌላቸው ፣ በከፍተኛ ስቃይ ውስጥ የሚኖሩ ኢትዮጵያውያን ይኖሩበት የነበረው የቆሻሻ ክምር ተደርምሶ ከስልሳ በላይ ወገኖቻችን በህይወት ተቀብረዋል።  የስርአቱ ባለስልጣኖች ያመኑት  60 ግለሰቦች እንደሞቱ ይሁን እንጂ እውነተኛው ቁጥር ግን ከተባለው በላይ እጅግ ብዙ እንደሚሆን ይጠበቃል።

የኢትዮጵያ ህዝብ የጋራ ትግል ሽንጎ በትላንትናው እለት ህይወታቸው በጠፋው ወገኞቻችን መክንያት  የተሰማውን ሀዘን እየገለጸ ለሟቾች ወዳጅና ዘመዶችም  ጽናቱን ይመኛል።

ከአንድ መንግሰት መሰረታዊ ተግባሮች ውስጥ የመጀመሪያው የሚሆነው  የሚያሰተዳድረውን ህዝብ በህይወት ለመኖር አሰፈላጊና መሰረታዊ  የሆኑትን  ማለትም ምግብ መጠለያ የመሳሰሉትን  እንደሟሉ ማድረግ ነው። ይህ ደግሞ ችሮታና የበጎ አድራጎት ስራ ሳይሆን የመንግስት ግዴታ ነው። የሰው ልጆችም፣ ሰው በመሆናቸው ብቻ ሊከበሩላቸው የሚገባው  መሰረታዊ ሰብአዊ መብት ነው።

አንድ መንግስተ ለህዝቡ እነዚህን መሰረታዊ ጉዳዮች  ሳያሟላ መንግስታዊ ሀላፊነቴን ተወጥቻለሁ ማለቱ  አሳፋሪና ባዶ ጩኸት ነው።

ህወሀት/ ኢህአዴግ የሀገሪቱን መንግስታዊ ስልጣን ከተቆጣጠረ እነሆ 26 አመት ሆኖታል። ታዲያ በዚህ ጊዜ ሁሉ የሀገሪቱን ኢኮኖሚ በ10 እና በ12 ፐርሰንት አሳደግኩ ይበል እንጂ የሀገራችን ህዝብ ድሀው ይበልጥ ድሀ እየሆነ ነው የመጣው። በትላንትናው  እለት በቆሻሳሻ ታፍነውና በእሳት ተቃጥለው ለሞቱት ወገኖቻችን ግን ያተረፈው አንዳችም ጥቅም የለም። ይህ የሚያሳየው ኢኮኖሚው አድጓል ቢባል እንኳ፣ ተጠቃሚ የሆኑት የህወሀት/ ኢእአዴግ ባለስልጣኖችና ሽሪኮቻቸው እንጂ ብዙሀኑ የኢትዮጵያ ህዝብ በተለይም ድሀው እንዳልሆነ ነው።  ማንም የማይክደው ሀቅ ዛሬ የህወሀት/ ኢህአዴግ ባለስልጣኖች ድንገት ባለ ሚሊዮን ዶላር ባለሀብት  የብዙ ህንጻና ፋብሪካወች  ባለንብረት  ሆነዋል። ይህ ሁሉ የሚሆነው ከሌላው ኢትዮጵያዊ  በሚዘረፍ ሀብትና ንብረት ከድሀው ህዝብ አፍ በሚነጠቅ ንብረት ነው። ብዙዎቹም ለዚህ ዓይነት ኑሮ የዳረጋቸው መንግስት ራሱ መሬታቸውን ነጥቆ ያለ ተገቢ ካሳ ስላባረራቸው ነው።

በትላንትናው እለት ህይወታቸው የጠፋው ወገኖቻችን እጅግ አደገናኛና  ጤናማ ባልሆነ ሁኔታ ውስጥ እንደሚኖሩ ወይም በዚህ ቦታ ምግብና መጠለያ  ይፈልጉ እንደነበር ይህ መንግሰት ለ26 አመታት ያውቃል። በዚህ ጊዜ ሁሉ የነዚህን ወገኖቻንንን  ኑሮ ለማሻሻል፤ በዚህ አደገኛ ቦታም ሊደርስባቸው የሚችለውን አደጋ ገምቶ ካደጋ ለመከላከል መንግስት የወሰደው አንዳችም እርምጃ አልነበረም። ይሀ ደግሞ  የህወሓት/ኢህአዴግ መንግሰት ለህዝበ ስቃይ፣ ለህዝብ ደህንነት ግድ የሌሽነቱን ቁልጭ አድርጎ  ያመለካታል።

በዚህ የመንግሰት ግድየለሽነት ለደረሰው ጥፋት በሀላፊነት ተጠያቂ አድርገን የምንይዘው በስልጣን ላይ ያለውን መንግስት እንደሆነ ማሳወቅ እንወዳለን። ለእኛ  የሁሉም ኢትዮጵያዊ ህይወት እኩል ዋጋ አለው። የሁሉንም ህይወትና ደህንነት መጠበቅ ከሁሉም በላይ ቅድሚያ የሚሰጠው ተግባር ነው።

ይህ ስርአት ከ26 አመት መንግስታዊ ስልጣን በኋላ ዛሬም ለህይወት መሰረታዊ የሆኑ ጉዳዮችን ለህዝብ ማቅረብ አልቻለም። ባላፈው አመት 10 ሚሊዮን ኢትዮጵያዊያን በርሀብ ሲገረፉ ነበር ። አሁን ደግሞ ስድስት ሚሊዮን ኢትዮጵያውያን በተመሳሳይ ረሀብ እየተሰቃዩ ይገኛሉ። ኢትዮጵያውያን ከምን ግዜውም በላይ በተደጋጋሚ በረሀብ የተሰቃዩት በዚህ ስርአት ውስጥ ነው።  ባጠቃላይ ስርአቱ መሰረታዊ ሀላፊነቱን  መወጣት አቅቶታል።

የዜጎቹን ህይወት መታደግ የማይችል መንግስት በስልጣን ለመቆየትም የሞራል ብቃት የለውም።

ድል ለኢትዮጵያ ህዝብ

የኢትዮጵያ ሕዝብ የጋራ ትግል ሸንጎ(ሸንጎ)

The post የህዝብ እልቂት መሰረታዊ ምክንያት የመንግስት ግፍና ግድየሌሽነት ነው appeared first on ሳተናው: Ethiopian Amharic News 24/7- Your right to know!.

እ.አ.አ. ከጥቅምት 2015 ጀምሮ በሀገሪቷ ውስጥ በሰላማዊ መንገድ የተጀመረውን ተቃውሞ እና የመብት ጥያቄ በአግባቡ ከመመለስ ይልቅ፤ መንግስት የሀይል እርምጃ መውሰዱን በመምረጥ የገደላቸው እና ያሰራቸው ዜጎች በርካቶች ናቸው፡፡ ከህግ ውጭ እየወሰደ ያለውን የሀይል እርምጃ እና የመብት ጥሰት ሀጋዊ ለማድረግ፤ ከኦክቶበር 2016 ጀምሮ ለ6 ወራት የሚቆይ ያስቸኳይ ጊዜ ዓዋጅ በማወጅ እና ኮማንድ ፖስት በማቋቋም በሕግ እውቅና የተሰጣቸውን እና የተረጋገጡትን የዜጎች ሰብአዊና ዴሞክራሲየዊ መብቶች አግዷል፡፡

ትክክለኛው ቁጥር መንግስት ከገለፀው በላይ ቢሆንም መንግስት ራሱ 24,000 ሰዎችን ማሰሩን እና ከነዚህም ውስጥ በተለያዩ ጊዜያት ተሀድሶ ተሰጥቷቸው ወደ 21,000 የሚሆኑት ከእስር መልቀቁን፤ ቀሪዎቹ ደግሞ እንደፈፀሙት ጥፋት ጉዳያቸው በፍ/ቤት እንደሚታይ የኮማንድ ፖስቱ ሲክሬታሪያት ገልፀዋል፡፡

በሌላም በኩል ጠ/ሚኒስትሩ አደጋ ላይ ወድቆ የነበረው የሀገሪቱ እና የህዝቡ ሰላም የተመለሰ መሆኑን ገልፀዎል፡፡ እየገለፁም ነው፡፡ ባለስልጣናቱም ሰላምና መረጋጋት የሰፈነ መሆኑን ለማብሰር በየክልሉ ሽር ጉድ ሲሉ ይታያሉ፡፡

የአስቸኳይ ጊዜ አዋጅ በማወጅ የዜጎችን መብት አግዶ፤ በሽዎች የሚቆጠሩ ዜጎችን በእስር ቤት አጉሮና፤ የሚፈልገውን ገድሎ ህዝቡን በፍርሀት ካሸማቀቀ በኋላ፤ ለይስሙላ የካቢኔ ለውጥ አድርጓል፡፡ በየክልሉ በተለይም በኦሮሚያ ክልል ብዙ ባለስልጣናትን ከስራ አሰናብቷል፡፡ በረቀቀ መንገድ የተቃዋሚ ፓርቲ አባላትን በመከፋፈል ከሚፈልጋቸው ጋር የይስሙላ ድርድር ጀምሯል፡፡ ነገር ግን ይህ ሁሉ እኩይ እርምጃ የህዝቡን ተቃውሞ አላቆመም፡፡ ጥያቄውንም አልመለሰም፡፡ ምክንያቱም የሚያስፈልገው እውነተኛ የሆነ የሰርዓት ለውጥ ስለሆነ ነው፡፡

እንግዲህ መንግስት ይህንን ሁሉ የሚያደርገው የህዝቡን ጥያቄ ለመመለስና፤ በፀረ ሰላም የውጭ ሀይሎች ተቀስቅሷል ያለውን የሀገሪቷን እና የህዝቡን ሰላም ለመመለስና ለማረጋገጥ ከሆነ፤ የአስቸኳይ ጊዜ አወጁ ዓላማ ግቡን መትቷል ማለት ስለሆነ፤ በስራ ላይ መቆየቱ አስፈላጊ አይደለም፡፡ የአስቸኳይ ጊዜ አዋጁ ሁኔታዎች እየታዩ የቆይታው ጊዜ እንደሚራዘም ሁሉ፤ ሁኔታዎች እየታዩ ከጊዜ ገደቡ ወዲህ ሊነሳ እንሚችል ይታወቃል፡፡

ይሁን እንጂ የኢሕአዴግ መንግስት ትልቅ ራስ ምታት የሆነበት፤ የህዝቡ ተቃውሞና አመፅ አሁንም የቀጠለ እና፤ እንዲያውም ወደ መሳሪያ ትግል እየተለወጠ መሆኑ ነው፡፡

ለፕሮፓጋንዳ ያህል የህዝቡ ጥያቄ ተመልሷል፣ ሰላም ሰፍኗል ይበል እንጂ፤ የህዝብ መሰረታዊ ጥያቄ አልተመለሰም፡፡ ጥያቄው ሀገሪቷን እና ዜጎቿን በእኩልነት እና በነፃነት የሚያስተዳድር፣ በህግ የበላይነት የሚያምን እውነተኛ ዲሞክራሲያዊ መንግስት እንዲመሰረት ነው፡፡

በኢትዮጵያ ውስጥ ዲሞክራሲያዊ መንግስት እንደሌለ እና የዜጎች ሰብአዊና ዲሞክራሲያዊ መብቶች እየተጣሱ ለመሆኑ ዓለም ያወቀው ሀቅ ነው፡፡ እያንዳንዱ ዜጋም የሚያውቀው ነው፡፡ ለህዝቡ መብት የሚታገሉና፤ መብቱ እንዲከበር በሰላማዊ መንገድ ተቃውሞ ያቀረቡ ፓርቲዎችን በማፍረስ፣ በማዳከም፤ ብሎም መሪዎቻቸውን እና አባሎቻቸውን ያለፍትህ በማሰርና በተንዛዛ የፍርድ ሂደት በማንገላታት፤ መንግስት መልሻለሁ የሚለው የህዝብ ጥያቄ አስቂኝ ስለሆነ፤ የአስቸኳይ ጊዜ ዓዋጁ ተነሳም አልተነሳም ህዝቡ ለመብቱ የሚያደርገው ትግል ይቀጥላል፡፡

በቸር ይግጠመን

ከ. ሀ. ህሩይ፤ መጋቢት፡ 2017፡ ቶሮንቶ፡ ካናዳ

The post የአስቸኳይ ጊዜ አወጁ እስከመቼ? – ከ.ሀ. ህሩይ appeared first on ሳተናው: Ethiopian Amharic News 24/7- Your right to know!.

የሕወሓትን ስስ የፖለቲካ ብልቶች ለማጋለጥ | ከሳዲቅ አህመድ

The post የሕወሓትን ስስ የፖለቲካ ብልቶች ለማጋለጥ | ከሳዲቅ አህመድ appeared first on ሳተናው: Ethiopian Amharic News 24/7- Your right to know!.

ጉልቻ ቢለዋወጥ ወጥ አያጣፍጥም

የወያኔ አሻንጉሊት የሆነው ብአዴን በነገው እለት ደጉ አንዳርጋቸውን ከስልጣን አንስቶ በምትኩ አማራን በአደባባይ የሰደበውን አለምነህን እንደሚያስቀምጥ ዛሬ ኢሳት በሰበር ዜናው አስታወቀ ።

The post ሰበር ዜና … ገዱ አንዳርጋቸውን ከስልጣን አንስቶ በምትኩ አማራን በአደባባይ የሰደበውን አለምነህን እንደሚያስቀምጥ ዛሬ ኢሳት በሰበር ዜናው አስታወቀ – ዘነበ ዘ ቂርቆስ appeared first on ሳተናው: Ethiopian Amharic News 24/7- Your right to know!.

The post የሰማያዊ ፓርቲ በቆሼ በደረሰው የመደርመስ አደጋ ላይ የሰጠው መግለጫ appeared first on ሳተናው: Ethiopian Amharic News 24/7- Your right to know!.

የ10ኛ ክፍል ትምህርታቸውን የጨረሱ የወልቃይት ወጣቶችን አሰልጥኜ ሥራ አስይዛችኋለሁ በማለት ነበር ሕወሓት ወደ አድዋ የወሰዳቸው፡፡ ከወልቃይትና ጠገዴ አካባቢዎች ተመልምለው የተወሰዱ ወጣቶች አድዋ ሲደርሱ ግን የጠበቁትን ሥልጠና አላገኙም፡፡

አብረዋቸው በሚማሩ የትግራይ ተማሪዎችና አስተማሪዎች ‹‹ስለምን ዐማራ ነን አላችሁ፤ ትግሬ የተጠላው በእናንተ ምክንያት ነው!›› የሚል ወከባና ጥያቄ ይደርስባቸዋል፡፡ ከዚያ ወጣቶቹ ‹‹ታዲያ ምን ልንል ነው፤ እኛ እኮ ዐማራ ነን›› የሚል የማያወላዳ ምላሽ ይሰጣሉ፡፡
ትናንት መጋቢት 5 ቀን 2009 ዓ.ም ለሥልጠና የሔዱት ሁሉም ወጣቶች ያለምንም ረዳት በሰው አገር የተደበደቡ ሲሆን ሐጂ የተባለ ወጣት ከፍተኛ የአከርካሪ ጉዳት ደርሶበታል ተብሏል፡፡ በድብደባው ጉዳት የደረሰባቸው ዐማሮች እስካሁን ምንም ዓይነት ሕክምና ካለማግኘታቸውም በተጨማሪ ወደ ወልቃይት እንዳይመለሱ ከፍተኛ ጥበቃ እየተደረገባቸው ነው ተብሏል፡፡ ወደ ወልቃይት ከተመለሱ ለበለጠ አደጋ እንደሚጋለጡና እንደሚታሰሩም ማስጠንቀቂያ ተሰጥቷቸዋል፡፡

The post ሰበር ዜና …ለሥልጠና ወደ አድዋ የተወሰዱ የወልቃይት ዐማሮች በድብደባ ጉዳት ደረሰባቸው፤ – ሙሉቀን ተስፋው appeared first on ሳተናው: Ethiopian Amharic News 24/7- Your right to know!.

ተማሪ ተስፋዬ ገመዳ

ተማሪ ተስፋዬ ገመዳ በጅማ መምህራን ማሠልጠኛ ኮሌጅ በሀይማኖቱ ምክንያት በደረሰበት በደል እራሱን ማጥፋቱን ጉዳይ ቀርብ ብሎ ለመረመረ ሰዉ ብዙ እዉነታዎችን ማስተዋል ይችላል:: ይሄ ተማሪ ተስፋዬ ላይ የደረሰዉ በደል እና ግፍ ግን ተስፋዬ ገመዳ ላይ ብቻ የደረሰ የሚመስለዉ ሰዉ ሊኖር ይችላል::እዉነታዉ ግን ከዚህ የሰፋ ነዉ::

እርኩስ መንፈስ እንዴት ግቡን ይመታል ብትል ህዝብን በጎሳ: በሀይማኖት እና በመደብ በመከፋፈል ነዉ::ክፍፍሉ እንዲህ በብዕር እንደሚከተበዉ ዝም ብሎ ክፍፍል አይደለም::ብዙ ዉሸት እና ሀሰት ብሎም ብዙ ጥላቻ በዉስጡ አዝሎ የሚዘራ ነዉ:: ለእግዚአብሄርስ የአንድ ክርስቲያን ወይም የአንድ ሙስሊም አለዚያም የአንድ ኢ-አማኝ ነብስና ህልዉና አንድ ነዉ::ግን ዲያቢሎስ እንዲህ አይደልም::ዲያቢሎስ የህዝብ መከፋፈያ መንገዱ ላይ ድርድር አያዉቅም::ጨካኝ ነዉ::

ወያኔ ላይ ያደረዉ የዲያቢሎስ መንፈስ ከፋፋይ እና ህዝብን ለማጫረስ የተዘጋጀ ነዉ ሲባል ምን ማለት ነዉ? አንደኛ የኢትዮጵያ ህዝብ አንድ አይደለም ሲል ስብከቱን ዘራ::አስከትሎም ኢትዮጵያዉያን የሚከተሉት እምነት አንድ ሊሆን አይገባም::ምክንያቱም አማራ የሚባለዉ ጨቋኝ መደብ ኦርቶዶክስ የሚባል እምነት ፈጥሮ እሌሎች ማህበረሰቦች ላይ የጫነባቸዉ ሆን ብሎ ህዝቡን ለመግዛት እንዲያመቸዉ በማሰብ ለጭቆና መሳሪያነት ነዉ ሲል አወጀ:: ወያኔ በዚህ አልበቃዉም:: አማራ የሚባለዉ ህዝብ ክርስትናና የፈጠረዉ አስመስሎ ሌሎቹን የኢትዮጵያ ማህበረሰቦች በተለይም የኦሮሞን ህዝብ ለአንዴ እና ለመጨረሻ ጊዜ ከተዋህዶ እምነት ለማስወጣት አይኑን በጨዉ ታጥቦ በተዋህዶ እምንተ ላይ ጦር መስበቅ እና ማሰበቁን ቀጠለ::

ወያኔ ኢትዮጵያን ለማጥፋት እንዲሁም አማራን ማህበረሰብ ላይ ካለዉ መራራ ጥላቻ በመነሳት አማራዉን የጎዳዉ መስሎት በተዋህዶ እምንት ላይ ያልሰበቀዉ ጦር የለም:: ከዚህ ጋርም ተያይዞ በመላ ሀገሪቱ ዉስጥ የተዋህዶን እምነት ለማዳከም ሁሉንም ተንኮሎች አከናዉኗል:: በተለይም በኦሮሞ ኦርቶዶክስ ተዋህዶ ክርስቲያን ተከታዮች ላይ ለሃያ አምስት አመታት እንደደረሰዉ ያለ ግፍ ግን በማንም ላይ አልደረሰም::የኦሮሞ ክርስቲያኖች ላይ የደረሰዉ የስነልቦና ጫና እና የዘር ማጥፋት ስራ የሚጀምረዉ በምስራቅ ሀረርጌ እና በአርሲ በአማራ ማህበረሰብ ላይ የዘር ማጥፋት በታወጀበት ወቅት ነዉ::

በገሃድ እንደሚታወቀዉ በኢትዮጵያ ዉስጥ ለረዥም አመታታ ክርስትና የሚከተል ሁሉ አማራ እየተባለ አማራነት የክርስትና መገለጫ ተደርጎ ሲወሰድ ነበር::በተለይም በምስራቅ ኢትዮጵያ ይሄ እዉነት አሁን ድረስ እንደ እሴት ይዘወተራል:: እናም በሀረርጌ እና በአርሲ የአማራ ማህበረሰብ ላይ የተመዘዘዉ የዘር ማጥፋት ወንጀል በሁሉም ኢትዮጵያዊ ክርስቲያኖች ላይ የተመዘዘ ነበር:: እናም የኦሮሞ ክርስቲያን ወንድሞቻችንም በወያኔ ፊታዉራሪነት እና በኦነግ ጋሻ ዣግሬነት በተከናወነ የወንጀል ማጥፋት ስራ ሰለባ ሆነዋል:: አብረዉም ተሰዉተዋል:: ይሄን ግን ማንም ደፍሮ ሲናገር አላስተዋልንም::

ከዚያ ብኋላ በመላዉ ኦሮሚያ በእነ አሰቦት ገዳማት: በጅማ ዞን እና በልዩ ልዩ ቦታዎች የቤተክርስቲያናት ቃጠሎ: እንዲሁም በምስራቅ ኢትዮጵያ እና በልዩ ልዩ ቦታዎች ተዋህዶ እምነት ላይ የተሰነዘረዉ ቤተክርስቲያኖችን የማዉደም ስራ የተቀነባበረዉ በራሱ በወያኔ ነዉ::ወያኔ የዲያቢሎስ መንፈስ የሰፈረበት ሀይል ነዉና እራሱ አቃጥሎ ሌላዉን ሀይል ይወንጅልበታል::በዚህም ሁለት ግብ በአንዴ ይመታል::በዋናናት የተዋህዶን መሰረት ይነቅላል::በሁለተኛነትም አክራሪዎቹን የኦሮሞ ቡድኖች እየከሰሰ ያስርበታል ወይም ደግሞ በሌላዉ ኢትዮጵያዊ እንዲተፉ ያደርግበታል::እነሱም እየዘለሉ እወያኔ ወጥመድ ዉስጥ ይገቡለታል::

በኦሮሞ የተዋህዶ እምነት ተከታዮች ላይ የደረሰዉ በደል ታዲያ በገሃድ ከሚታዬዉ የተዋህዶ እምነትን ከማጥፋትም የከፋ ነዉ:: በገሃድ እና በአደባባይ ኦሮሞ ከመቼ ወዲህ ነዉ የተዋህዶ እምነት የሚከተለዉ የሚል የስነ ልቦና ዘመቻ በዩኒቨርስቲዎች: በስራ ቦታዎች: በሚዲያዎች እና በቀበሌዎች ተከፍቶባቸዋል::ሌላዉ ቀርቶ እንዳይጾሙ እና የእግዚአብሄርን የመታሰቢያ በዓላት እንዳያስቡ ብዙ ፕሮፖጋንዳ በኦሮሞ ተዋህዶ ክርስቲያኖች ላይ ይሰራባቸዋል:: ከዚህ ሁሉ ደባ ጀርባ ደግሞ የወያኔ እርኩሳን ሀይላት ቆመዋል::ወያኔ የሚፈልገዉን በማን እንደሚያሰራዉ ያዉቃል::ተዋህዶን በማን እንደሚያስጠቃት እና እንደሚያጠፋት ከፍተኛ ጥናት አድርጎ የመጣዉ ወያኔ ተዋህዶን የሚያጠፉለትን ሀይሎች በሚገባ አዘጋጅቷል::

የተዋህዶ ቤተክርስቲያናት በሳምንታት ዉስጥ በአንዳንድ የኦሮሚያ ወረዳዎች ዉስጥ ወደ አመድነት ተለዉጠዋል::አንዳንዶቹ ወረዳዎችም ዉስጥ ቤተክርስቲያኖቹ እንዲዘጉ ተደርጓል:: የኦሮሞ ክርስቲያን ከተዋህዶ እምነት እንዲወጣ በጅምላ እወጃ የታወጀባቸዉ ወረዳዎች አሉ::ይሄም ሁሉ ሆኖ ግን የተዋህዶ እምነት ተከታይ የኦሮሞ ማህበረሰብ ክፍል በጽናት እስካሁን ብዙ መስዋዕትነት ከሌላዉ የተዋህዶ ወንድሞቹ ጋር እየከፈለ ነዉ ::

ሆኖም ቀሪዉ ኢትዮጵያዊ የተዋህዶ እምነት ተከታይ በኦሮሞ ክርስቲያኖች ላይ እየተከናወነ ያለዉን በደል በደንብ አያዉቅለትም::ዉስጥ ዉስጡን እንደ ተማሪ ተስፋዬ ገመዳ ስንት መስዋዕተነት የከፈለ ክርስቲያን እንዳለ በመላዉ ኦሮሚያ በወያኔ ካድሬዎች የሚቀነባበረዉን ደባ የሚያዉቅ ወገን ብቻ ያዉቀዋል:: ሌላዉ ቀርቶ የተዋህዶ እምነት ተከታዮችን ቁጥር በህዝብ ቆጠራ ወቅት የማሳነስ እና የማንኳሰስ ስራ በወያኔ ወኪሎች በኩል እየተከናወነ ይሄዉ ሀያ አምስት አመታት አለፈ::

መምህራኖች ያለ እፍረት እና ያለ ይሉኝታ የኦሮሞ ተማሪዎች ላይ ምን አይነት ጫና እንደሚያደርጉባቸዉ አለማያ ዩኒቨርስቲ: ጀማ ዩኒቨርስቲ እና ልዩ ልዩ ኦሮሚያ ዉስጥ የሚገኙ ዩኒቨርስቲዎች ዉስጥ የተማረ ሰዉ ያዉቀዋል:: አንድ የኦሮሞ ኦርቶዶክስ ክርስትና ተከታይ ተማሪ በጠራራ ጸሀይ ተጠርቶ ከተዋህዶ እምነት እንዲወጣ ይመከራል::እንደ ተስፋዬ ገመዳ እንቢ ያሉት የክርስቶስ ልጆች ደግሞ እንዲገለሉ እና ልዩ ልዩ ጫና እንዲደርስባቸዉ ይደረጋል::ተማርን የሚሉ የወያኔን የጥላቻ ስብከት አዝለዉ የሚዞሩት ሀይላት አርሶ አደሮችን ሰብስበዉ ተዋህዶ ሰዉ ድሃ ታደርጋለች ሲሉ አርሶ አደሩን ይሰብካሉ::

የጎሳ ፖለቲካ አንዱ መገለጫዉ ሰዉን እንደ እንሰሳ በወገዝነት የመያዝ አባዜ ነዉ::ይሄም ማለት አንድ የኦሮሞ ተዋህዶ እምነት ተማሪን የሚያይ የኦሮሞ መምህር ያለምንም ይሉኝታ በልጁ ላይ ሙሉ የባለቤትነት መብት ያለዉ ይመስለዋል:: ምክንያቱም ኦሮሞ ተማሪ ስለሆነ ልጁን በሚፈልገዉ መልክ የመቅረጽ ስልጣን ያለዉ ይመስለዋል:: ትግሬዉም እንዲሁ በትግሬ ብሄር ላይ ሁሉ የባለቤትነት መብት ያለዉ ይመስለዋል:: አማራዉም ቢሆን ጉራጌም ቢሆን: ሶማሌም ቢሆን: ሲዳማም ቢሆን: አፋርም ቢሆን: ወላይታም ቢሆን እንዲሁ የጎሳ ፖለቲካን ለማራመድ ከተነሳ በሁሉም የራሱ ጎሳዎች ላይ የባለቤትነት መብት ያለዉ ይመስለዋል::በዚህም የሰዉነት ደረጃዋ ትጠፋና ሰዉነት ወደ እንሰሳነት ይወርዳል::

እናም እያንዳንዱ የብሄር ፖለቲካ አራማጅ የራሱን ጎሳ እንደ እንሰሳ በመዉስድ እንደ ወገዝ ከብት የራሱ ንብረት ያደርጋቸዋል:: እናም ኦሮሞ ክርስቲያን ተማሪዎች ላይ በኦሮሞ መምህራኖች የተከፈተባቸዉ ሀይማኖትህን ለዉጥ የሚለዉ ፕሮፖጋንዳ ወደ መሬት እየወረደ ያለዉ በዚሁ ስነልቦና ነዉ::ለምሳሌ ሌላ ሰዉ ከሌላ ብሄር ወገን ተነስቶ ስለ ሌላዉ ብሄር ሰዉ መበደል ከተናገር ብሄረተኞች ይጮሃሉ::ይንጫጫሉ::አጋንንት እንዳያዘዉ አሳማ ያናፋሉ::ስለ እኛ ብሄር የሌላ ብሄር ሰዉ ምን አገባዉ ሲሉ ይደነፋሉ::የእንሰሳነት እና የወገዝነት ባህሪ የሚያጠቃቸዉ የብሄር ፖለቲከኞች ልዩ መገለጫቸዉ የራሳቸዉን ብሄር ሰዉ እንደ ንብረት እቃቸዉ የመቁጠር እና የመቆጣጠር አባዜአቸዉ ሲሆን ትልቁ ጥፋታቸዉ ደግሞ የሰዉን ልጅ ክቡርነት አለመቀበላቸዉ ነዉ::

አርሲ ዉስጥ በአንዱ ወረዳ አንዴ እንዲህ ሆነ::አንዱ የወያኔ ካድሬ አርሶ አደር ሰብስቦ ተዋህዶ የድህነት ምንጭ ናት እና ሀይማኖታችሁን ለዉጡ ሲል ይሰብካቸዋል:: አርሶ አደሮቹም ጥያቄ ያቀርባሉ::”እኛ ወረዳ ዉስጥ ግን ያሉት ሀብታሞች በሙሉ የተዋህዶ እምነት ተከታይ ክርስቲያኖች ናቸዉ::አንተ በምን መስፈርት ነዉ ኦርቶዶክስ የድህነት ምንጫ ናት የምትለዉ?” እናም ካድሬዉ መመለስ አልቻለም እና የጀመረዉን ስብከት በዚሁ ገታዉ::እናም እኛ ለምርምር ስራ ወደዚሁ ወረዳ ሄደን ሳለ ይሄዉ ካድሬ ይሄንኑ ሀሳብ በድፍረት እኛ ፊትም አነሳዉ::

እኛም እንደ አርሶ አደሮቹ ተመሳሳይ ሀሳብ ብናነሳበት “እናንተም መንግስት ከሚከተለዉ አቅጣጫ ዉጭ ናችሁ ማለት ነዉ” ሲል እየቀለደ ተናገረ::ግን ልብ ለልብ ተግባብተናል::ተዋህዶን በማስጠፋት ዙሪያ መንግስት የሚባለዉ ወሮ በላ ሀይል ዋናዉ አቀንቃኝ መሆኑን በደንብ እናዉቃለን:: ተዋህዶንም ለማስጠፋት በጎሳ የፖለቲካ ቀመር የመነዳት እና ህዝብን እንደ ወገዝ ከብት በባለቤትነት የመያዝ ስነልቦናን ወያኔ ከጣሊያን እንደተማራት በደንብ እየተገበራት ነዉ::ወያኔ የመዘዛትን የካርታ ጨዋታ እንደ ቀላል የካርታ መጫወቻ የሚመለከት ሰዉ ካለ የጎሳ ፖለቲካ የስነልቦና አጥፊነት እና አሰባሳቢነት ጉልበቱ ያልተገለጠለት ሰዉ ብቻ ነዉ::ወያኔ ላይ የሰፈረዉ ዲያቢሎስ ጨካኝ ነዉና የጨዋታ ካርታዉም ቀላል አይደለም::

መጽሀፍ ቅዱስ በመዝሙር 74 እንዲህ ይላል:-

7 መቅደስህን በእሳት አቃጠሉ፤ የስምህንም ማደሪያ በምድር ውስጥ አረከሱ።
8 አንድ ሆነው በልባቸው በየሕዝባቸው። ኑ፥ የእግዚአብሔርን በዓሎች ከምድር እንሻር አሉ።
9 ምልክታችንን አናይም ከእንግዲህ ወዲህም ነቢይ የለም፤ እስከ መቼ እንዲኖር የሚያውቅ በኛ ዘንድ የለም።
10 አቤቱ፥ ጠላት እስከ መቼ ይሳደባል? ስምህን ጠላት ሁልጊዜ ያቃልላልን?
11 ቀኝህን በብብትህ መካከል፥ እጅህንም ፈጽመህ ለምን ትመልሳለህ?
12 እግዚአብሔር ግን ከዓለም አስቀድሞ ንጉሥ ነው፥ በምድርም መካከል መድኃኒትን አደረገ።
13 አንተ ባሕርን በኃይልህ አጸናሃት፤ አንተ የእባቦችን ራስ በውኃ ውስጥ ሰበርህ።
14 አንተም የዘንዶውን ራሶች ቀጠቀጥህ፤ ለኢትዮጵያ ሰዎችም ምግባቸውን ሰጠሃቸው።

እና ይሄ ሁሉ የወያኔ ደባ ምንድን ነዉ? እዚህ መዝሙርስ ውስጥ ኢትዮጵያን የእግዚአብሄር መንፈስ ለምን አጣቅሶ አመጣት? የእግዚአብሄር በአላት: የእግዚአብሄር ምልክት: የእግዚአብሄር መቅደስ የተባለዉ ነገር እና የዘንዶ እራስ መቀጥትቀጡ ከኢትዮጵያ ጋር ምን ያገናኛቸዋል? ከኢትዮጵያ ሰዉስ ጋር ይሄ የዘንዶ እራስ መቀጥቀጡ ግንኙነቱ ምንድን ነዉ? ይሄን ነገር ለማወቅ መዝሙረ ዳዊቱን እና የዳዊት አንደምታዉን ሰፋ አድርጋችሁ አንብቡት::

ዋናዉ ቁምነገር ግን በኢትዮጵያ ላይ ወያኔ ላይ የሰፈረዉ መንፈስ የሰበቀዉ የልዩነት እና ኢትዮጵያን የማጥፋት ተልዕኮ እዚህ ከተረክነዉ ትርክት ጋር መስተጋብር እንዳለዉ ማስተዋል በቂ ነዉ::በኢትዮጵያ እግዚአብሄር እንዳይታሰብ: በዓላቱ እንዲጠፉ: ምልክቱ እንዲሻሩ የኢትዮጵያ ሰዉም ከእግዚአብሄር እንዲቆራረጥ ወያኔ ላይ ያደረ ዲያቢሎስ እየሰራ መሆኑን ማስተዋል ብቻ በቂ ነዉ::

ሃያ አምስት አመታት ሙሉ ሰዉ በሀገሩ እግዚአብሄርን የማምለክ ነጻነቱን ተነጥቆ እየኖረ መሆኑን እንዴት ማንም ሰዉ አይናገርለትም? በራሱ ሀገር ላይ ስለ እምነቱ ተሸማቆ የሚኖረዉ የኦርቶዶክስ ተዋህዶ እምነት ተከታይ የሆነዉ የኦሮሞ ማህበረሰብ ክፍል አንድም በደል እንዳልደረሰበት እና መከራ እንዳልተቀበለ በዝምታ እግዚአብሄርን ብቻ ተስፋ አድርጎ ይኖራል:: ሆኖም እንዲህ እንደ ተስፋዬ ገመዳ ብሶት እየፈነቀላቸዉ ብዙ መስዋዕተነት በየቤቱ የሚወስዱ እና ስለ ኢየሱስ ክርስቶስ ሲሉ የተመዘዘባቸዉን ሰይፍ ያለምንም ፍርሃት የሚጋፈጡ ሚሊዮኖች ናቸዉ::

እዚህ ጋ አንድ ጥያቄ መጠዬቅ አለበት::በአጠቃላይ በኦሮሚያ ዉስጥ ከሚኖረዉ ማህበረሰብ ዉስጥ 31 % ኦርቶዶክስ ሆኖ ሳለ እና ሌሎች ብሄሮችም አብረዉ የተዋህዶ እምነት ተከታይ ሆነዉ ሳለ በኦሮሚያ የተለዬ በደል በእምነታቸዉ ምክንያት የሚደርስባቸዉ የተዋህዶ እምነት ተከታይ የሆኑት ኦሮሞዎች ናቸዉ ማለት ይቻላል ወይ? የሚል ጥያቄ መነሳቱ ግድ ነዉ::መልሱ አዎን በኦሮሞ የተዋህዶ እምነት ተከታዎች ላይ የተለዬ በደል እየደረሰ ነዉ የሚል ነዉ::የዚህም ምክንያቱ ዋናዉ ማጠንጠኛ የኦሮሞ ኦርቶዶክስ የለም የሚል ነዉ::ኦሮሞ ኦርቶዶክስ ሀይማኖትን ሊከተል አይገባዉም የሚል የተሰናከለ እና ዲያቢሎሳዊ መመሪያ ነዉ:: በዚህም ሳቢያም ኦሮሞዉን ለአንዴ እና ለመጨረሻ ጊዜ ከኢትዮጵያዉያን ጋር የሚያስተሳስሩትን መሰረታዊ እሴቶች ሁሉ መበጣጠስ ነዉ:: የዲያቢሎስም ዋና ግቡ አንድን ህዝብ እና ማህበረሰብ በልዩ ልዩ ዘዴ መበታተን እና መለያዬት ነዉ::ወያኔ ደግሞ ዋናዉ የዲያቢሎስ ፈረስ ሆኖ ተገልጧል::

ሆኖም እግዚአብሄር እንዲህ እንደሚል ማንም እንዳይረሳዉ:-

12 እግዚአብሔር ግን ከዓለም አስቀድሞ ንጉሥ ነው፥ በምድርም መካከል መድኃኒትን አደረገ።
13 አንተ ባሕርን በኃይልህ አጸናሃት፤ አንተ የእባቦችን ራስ በውኃ ውስጥ ሰበርህ።
14 አንተም የዘንዶውን ራሶች ቀጠቀጥህ፤ ለኢትዮጵያ ሰዎችም ምግባቸውን ሰጠሃቸው።

ኢትዮጵያን ከእግዚአብሄር አምልኮት ህዝቧንም ከእግዚአብሄር ልጅነት ማንም ሀይል እንደማይለዬዉ ይወቅ:: በትንቢተ አሞጽ 9፥7 የእስራኤል ልጆች ሆይ፥ እናንተ ለእኔ እንደ ኢትዮጵያ ልጆች አይደላችሁምን? ይላል እግዚአብሔር እንደተባለ::

እናም ኢትዮጵያንስ ማንም አያጠፋትም:: ሆኖም ለሁሉ ኢትዮጵያዊ እፎይታ እና እረፍት የሚሆን ሀገር መመስረት ብሎም የበለጸገች እና ዜጎቿ በምልዓት ደስተኛ የሚሆኑባትን ዲሞክራሲያዊት ሀገርን መመስረቱ ብቻ መልካሙ አማራጭ መሆኑን ባለ አዕምሮዎች ሁሉ ቢያዉቁ መልካም ነዉ:: መልካም ብቻ ሳይሆን ግዴታም ነዉ:: በዚህ ሂደትም ዉስጥ ኢትዮጵያዉያን ሁሉ (ክርስቲያን : እስላም እና ኢ-አማኝ ሳይል) አንዲት ዲሞክራሲያዊት ኢትዮጵያን በመሰራት ላይ ብታተኩሩ ይሻላችኋል::እያንዳንዳችሁ ለሌላዉ ስትሉ ሳይሆን ለራሳችሁ እና ለትዉልዳችሁ ስትሉ:: ይሻላችኋል ሳይሆን ብቸናዉ አማራጭም ይሄዉ ነዉ::

የተዋህዶ እምነት ተከታዮችም ወያኔ የነሰነሰዉን የዘር እና የጎሳ መከፋፈል ያመጣባችሁን መከራ ላንዴ እና ለመጨረሻ ጊዜ በጣጥሳችሁ በአንድ መንፈስ እና በአዲስ ሀይል ኢየሱስ ክርስቶስን ለማምልከ በጋራ እና በህብረት ወደ ክርስቶስ ማምለኪያ ተራራ ላይ ዉጡ:: በሁለት ልባችሁ እስከ መቼ ታነክሳላችሁ? በጎሳችሁ ስም ወንጀል በሚሰሩ ጠንቀኛ የጎሳ ፖለቲከኞቻችሁ እና በእግዚአብሄር መንግስት መሃከል መምረጥ ግዴታችሁ ነዉ:: ተስፋዬ ገመዳ የወስደዉ የመስዋዕትነት እርምጃ እጅግ በጣም ብዙ ነገሮችን ይነግረናል እና ክርስቲያኖች ብትነቁ መልካም ነዉ::

ማጠቃለያ:-

የኢትዮጵያ ህዝብ በአጠቃላይ ኦሮሞ: አማራ: ትግሬ ወይም ደቡብም ወይም ምስራቅ ክርስቲያን ወይም ሙስሊም ሳይል በሁሉ ነገር ተከባብሮ እና ተቻችሎ መኖር የሚያዉቅበት ህዝብ ነዉ::የኢትዮጵያ ህዝብ ስነልቦና የተረጋጋ ነዉ::የበታችነትም ወይም የበላይነትም የስነልቦና ጠንቅና ጣጣ የለበትም::የኢትዮጵያ ህዝብ እንደ ህዝብ የነጻነት መንፈስ ያለዉ ታላቅ ህዝብ ነዉ::አለ መታደል ሆኖ ግን እንደ ወያኔ አይነት እርኩስ ሀይል በህዝቡ ላይ ሲጫንበት በኢትዮጵያ ህዝብ መካከል ያለዉን እያንዳንዱን ልዩነት እየፈለቀቀ ተቻችሎ የመኖር እና የመከባበር ሀጋራዊ እሴቱን አፈር እንዲግጥ ወያኔ ያልፈነቀለዉ ነገር የለም::

በብሄሮች መሃከል በርካታ የሀሰት ታሪኮችን ነዝቶ የኢትዮጵያ ህዝብ እንዳይተማመን የሚችለዉን ሰርቷል::በክርስትና እና በእስልምና መሃከል ወያኔ ብዙ ሀሰተኛ ወሬዎችን እና ፕሮፖጋንዳዎችን አሰራጭቷል::ይባስ ብሎም በአንድ ብሄረሰብ ዉስጥ ያሉ የሀይማኖት ልዩነቶችን በመጠቀም ወያኔ አንዱን ወገን የደገፈ በመምሰል ሌላዉን ወገን እያጠቃ ዘልቋል::በዚህ ሁሉ ስራዉ ዉስጥ አባሪ እና ተባባሪ ግለሰቦች እና ቡድኖች አላጣም::በዚህ አካሂያዱም በኦሮሞ ህዝብ ዉስጥ በመግባት የተዋህዶ እምነት ተከታዮችን ሀያ አምስት አመታታ ሙሉ እንዲሸማቀቁ እና በርካታ መከራ እንዲደርስባቸዉ እያደረገ ነዉ::ይሄን ግፍና መከራ የሚያዉቁት ሰዎች አይናገሩትም::

ሆኖም አሁን ተማሪ ተስፋዬ ገመዳ ላይ እንደተከሰተዉ አይነት ክስተት ሲከሰት ይመለከተናል የሚሉ ወገኖች አንድ ሰሞን እሮጥ እሮጥ ይሉና ነገሩ ይረሳል:: በመሰረቱ ወያኔ ያልከፋፈለዉ እና ያልለያዬዉ ወገን እና ማህበረሰብ የለም::በዚህም በአጠቃላይ የኢትዮጵያ ህዝብ በወያኔ ግፍና ደባ ተጎጅ የሆነ ህዝብ ነዉ::

ለዚህ ሁሉ አጠቃላይ መፍትሄዉ አንድ ብቻ ነዉ::መጀመሪያ አንዲት ዲሞክራሲያዊት ኢትዮጵያን በመፍጠር ዘር ሃይማኖት እና ወገን ሳይለያይ በህግ የበላይነት ጥላ ስር የሚኖር ማህበረሰብን መመስረት ሲሆን በመቀጠልም በሁል አቀፍ ዘርፍ የበለጸገች ሀገር ትሆን ዘንድ በጋራ መስራት ብቸኛዉ አማራጭ ነዉ::አማራጭ ብቻም ሳይሆን የሁሉም ወገን ግዴታ ነዉ::መታወቅ ያለበትም ይሄ ነገር እዉን የሚሆነዉ በሁሉም ኢትዮጵያዉያን ሩቅ አሳቢነት እና የጋራ ራዕይ ብቻ መሆኑ ነዉ::

ይሄን ነገር እዉን ለማድረግ የፓርቲ አንድነት: የፖለቲካ አመለካከት አንድነት: ወይም የዘርና የሀይማኖት አንድነት አያስፈልግም::የሚያስፈልገዉ አንድ ነገር ብቻ ነዉ::ሁሉም ሀይል በዲሞክራሲ በማመን ዲሞክራሲያዊት ሀገርን ለማቆም በአንድ ጥልቅ እና ሰፊ ሀገራዊ የዲሞክራሲ ምሰሶ ላይ ብቻ መስማማት ነዉ::ለመማር የሚፈልግም ከአሜሪካኖቹም ሆነ ከህንዶቹ ወይም ከሌሎች ልዩነትን አቻችለዉ ከሚኖሩ ሀገራት የዲሞክራሲያዊ ስርዓት አሰራር እና ግንባታ የተወሰነ ነገር በመቅሰም የተከበረ እና የሚያግባባ ኢትዮጵያዉያን በአማካይ የሚስማሙበት ዲሞክራሲያዊ ጽንሰ ሀሳብን መዘርጋት ይቻላል:: አዎን ዲሞክራሲያዊት ኢትዮጵያን እዉን ማድረግ ይቻላል !

ኢትዮጵያን እግዚአብሄር ይጠብቃት !

The post የተዋህዶ እምነት ተከታይ የሆኑ ኦሮሞዎች ላይ እየደረሰ ያለ እና ያልተነገረዉ መገፋት :- ተማሪ ተስፋዬ ገመዳ ላይ የደረሰዉን ግፍ እንደማሳያ appeared first on ሳተናው: Ethiopian Amharic News 24/7- Your right to know!.

ይህ መፅሀፍ ለፊዚክስ ሂሳባዊ ዝግጅት በሚል በኣዲስ ኣበባ ዩኒቨርስቲ ፕረስ የታተመው የጥራዝ ፩ ተከታይ በመሆን፣ ለሳይንስ እና ምህንድስና ትምህርት ኣገልግሎት ተጨማሪ ሂሳባዊ ፅንስ-ሃሳቦችን ይሰጣል። ስለሆነም፣ በቅድሚያ ኣጭር ኣልጀብራዊ (Algebraic) እና ስነ-ዘዌያዊ (Trigonometric) ክለሳ ከሰጠ በሁዋላ፣ ስለ”ተግባር” (Function) በሰፊው ያብራራል። ቀጥሎም፣ ዋና የስነ-ስሌት መሰረት በሆነው ለከት (Limit)፣ ስነ-ቅርፅ (Geometry) እና የቀጥተኛ መስመር ዝንባሌ (Slope) በመጠቀም የ”ለውጥ ቅልጥፍና” (Rate of Change) እና ለማንኛውም የተግባር ዝብ (Curve) ዝንባሌ የሚያገለግለውን በስነ-ስሌት ድናን (Derivative) በመባል የሚታወቀውን ያብራራል። የድናን ኣጠቃቀም እና ፋይዳን በተለያዩ የትምህርት ቅርንጫፎች ያሳያል። ለዚህም፣ ከሁለት መቶ ሃምሳ በላይ የሆኑ ምሳሌዎች ከጥቅል ፍቺዎቻችው ጋር በፅሁፉ ተካተዋል።
መፅሃፉን ለመፃፍ ብዙ ቃላትን መተርጎም ኣስፈልጓል። በተቻለን መጠን ከቋንቋው በሚገኙ ቃላት ተጠቅመናል። እርግጥ ከተፀውኦ ስም የተገኙ (ለምሳሌ ኣልጀብራ) ወይም በኣማርኛ ስር የሰደዱ (ለምሳሌ ዜሮ) የመሳሰሉትን ቃላት ኣልተረጎምንም። የፅሁፉ ኣላማዎች (፩) ትምህርትን እና ተደራሽነቱን ለማስፋፋት፣ (፪) ባህልን እና ቋንቋውን ለማዳበር (፫) በሃገሪቱ የነበሩ ሳይንሳዊ እና ምህንድስና ክህለቶች እንዳይጠፉ ለማድረግ፣ (፬) ኣማርኛ ሂሳባዊም ሆነ ሳይንሳዊ ክህሎት የለውም የሚለውን የተሳሳተ ከፈን ለመግፈፍ እና (፭) ሌሎች ሂሳባዊም ሆነ ሳይንሳዊ ደራሲያንን በኣማርኛ እንዲፅፉ ለማበራታት ነው። ይህ ፅሁፍ በሚዘጋጅበት ጊዜ ብዙ ሂሳባዊ እና ሳይንሳዊ ቃላት ከጥንት ጀምሮ በኢትዮጵያ ከነበሩ ጥበቦች፣ ለምሳሌ፣ ከሸክላ፣ ከቀንድ፣ ከብር እና ወርቅ ኣንጥሮሽ፣ ከጦር (መከላከያ) ስልት፣ ከሃይማኖት ፅሁፍ፣ ከግብይይት፣ ከህፃናት ጨዋታ፣ ከኮከብ ቆጠራ፣ ከጥንቆላ እና ከስድብም ሳይቀር ተገኝተዋል። ለትርጉምም ኣገልግለዋል። “ከኣንጀት ካለቀሱ እንባ እይገድም” እንደሚባለው፣ ከተፈለገ ሳይንሳዊ ፅሁፍ በኣማርኛ መፃፍ ይቻላል። የሚያግደን የራሳችን ስንፈት ብቻ ነው!

As a follow up, this book builds upon the mathematical-conceptual foundations for science and engineering laid down by “Mathematical Preparations for Physics”, published by Addis Ababa University Press. To this end, after brief reviews of Algebra and Trigonometry, it expands on the concept of functions. It then introduces the limit, the foundation of differential calculus. It introduces the concept of rate of change with the aid of limits, the slope of a straight line and simple geometry, from which it transitions to the slope of a generalized curve and introduces and expounds the major concept of the derivative. It demonstrates the application of the derivative in various disciplines by providing over two-hundred and fifty fully solved examples.

Writing this book required the translation of several words. The authors have tried, to extent possible, to draw from the Amharic language.  They have, however, preserved words derived from proper noun (such as Algebra) or words like “zero” that are already assimilated in Amharic.  Some of the objectives of the book are: (1) to expand education and its accessibility, (2) to nurture cultural and linguistic growth, (3) to preserve Ethiopia’s long existing scientific and engineering skills, (4) to dispel the erroneous belief that Amharic lacks both mathematical and scientific capabilities, and (5) to encourage other authors to write Amharic textbooks.  In the preparation of this textbook, the authors have drawn from the rich and ancient technologies in existence since time immemorial. They have drawn from ancient Ethiopian crafts such as ceramics, horn lathing, silver and gold smith works, weaving, defense strategies, religious texts, business, children’s games, astrology and numerology, magic art, and even insults for possible source of technical and mathematical terms. As the Amharic saying goes “if genuinely sad, tears flow naturally”; if so desired, one can write mathematical and scientific books in Amharic. The only thing stopping us is our own weakness!

ዶክተር ባሕሩ ካሣሁን የቀዳማዊ ኃይለሥላሴ (ኣዲስ ኣበባ) ዩኒቨርሲቲ፣ ስቴት ዩኒቨርስቲ ኦፍ ኒው ዮርክ እና የኣሪዞና ስቴት ዩኒቨርሲቲ ምሩቅ ነው። በሐረር ራስ መኮንን ትምህርት ቤት፣ በኣዳማ (ናዝሬት) ኣፄ ገላውዲዮስ ትምህርት ቤት፣ በኣሜሪካ ኣሪዞና ስቴት ዩኒቨርሲቲ፣ ኬን ዩኒቨርሲቲ እና በቻይና ኬን ዌንጆ ዩኒቭርሲቲ ሂሳብ፣ ፊዚክስ እና የ”ምህንድስና ጥይቦ” (Engineering Mechanics) ኣስተምሯል። ከሃያ ኣመት በላይ “ቁጥራዊ ትንተና እና ስሌት ዘዴ” (Numerical Analysis and Computational Methods) በፍብረካ (Manufacturing) ስለሚሰጠው ፋይዳ እና ኣገልግሎት በተመራማሪነት በቤል ላቦራቶሪ ሰርቷል። ከምርመራውም ውጤት የሁለት “መብተ-ፈጠራ” (Patent) ባለቤት ሆኗል። በተጨማሪም፣ የ”መገናኛ ጭፍራ ግለታዊ ብገራ እና ቁጥጥር” (Communication Satellite Thermal Design and Control) ተቆጣጣሪ በመሆን ለኣራት ኣመት ኣገልግሏል። ከኣስራሶስት ኣመት በላይ በመምህርነት እና ከሃያ ኣመት በላይ በምህንድስና ተመራማሪነት ያካበተውን ክህሎት እና እውቀት በኣማርኛ ሊፅፍ እየተጋ ነው። ከትጋቱ ውጤቶች ኣንዱ በኣዲስ ኣበባ ዩኒቨርሲቲ (፪ሺህ፬) የታተመው ለፊዚክስ ሂሳባዊ ዝግጅት ሲሆን፣ ይህ መፅሀፍ ደግሞ ሁለተኛው (ተከታዩ) ነው።

ዶክተር ወልደአረጋይ ውብነህ በኬን ዩኒቨርሲቲ የሂሳብ ፕሮፌሰር በመሆን ከ፲፱፻፹፭ ጀምሮ እስከ አሁን ሂሳብ በማስተማር፣ የሂሳብ ምርመራ በማድረግ፣ እና የኮሌጅ ተማሪዎችን ምርመራ ማስተማር እና በመምራት ላይ ይገኛሉ። በ፲፱፻፷፱ የመጀመሪያ ዲግሬ በሂሳብ የቀድሞው ኃይለ ሥላሴ ዩኒቨርሲቲ (ኣሁን አዲስ አባባ ዩኒቨርሲቲ)፣ በ፲፱፻፸፪ ኤም ኤስ ዲግሪ ኤመሪ ዩኒቨርሲቲ በስታቲስቲክስ አና (ባዮሜትሪ)፣ ዶክተር ኦፍ ኤዱኬሽን ፲፱፻፺ ረትገርስ ዩኒቨርሲቲ በትምሀርት ስታቲስቲክስ እና ልክና አግኝተዋል። ከ፲፱፻፸፰ እስከ ፲፱፻፹፭ ቨርጂኒያ ቴክ ኢንስቲቲዩት እና ስቴት ዩኒቨርሲቲ ሂሳብ በማስተማር አገልግለዋል። ከ፲፱፻፸፪ እስከ ፲፱፻፸፬ ቨርጂኒያ ስቴት ዩኒቨርሲቲ በፒትስበርግ የሂሳብ ፕሮፌሰር ነበሩ። ወደ ኣሜሪካ ኣገር ከመምጣታቸው በፊት (፲፱፻፸) ለኣንድ ኣመት ዓፄ ገላውዲዎስ ከፍተኛ ሁለተኛ ደረጃ ት/ቤት (ናዝሬት ከተማ) ሂሳብ ኣስተምረዋል።

Mathematics/AMHARIC

Trim size: 8.5 X 11 inches

Page count: 602

ISBN: 978-1-56902-527-7

Publisher: The Red Sea Press.

The post ነጠላ ተባራይ ንፍቅ ስነ-ስሌት – ፕሮፌሰር ባሕሩ ካሣሁን እና ፕሮፌሰር ወልደ-አረጋይ ውብነህ appeared first on ሳተናው: Ethiopian Amharic News 24/7- Your right to know!.

The post የአስቸኳይ ጊዜ ዓዋጅ ኮማንድ ፖስት የተወሰኑ ክልከላዎችን አነሳ appeared first on ሳተናው: Ethiopian Amharic News 24/7- Your right to know!.

The post የስብሰባ ጥሩ በጀረመን ፍራንክፈርት፤ ለመላው ዐማራ ተወላጆችና ደጋፊ ወገኖች በሙሉ appeared first on ሳተናው: Ethiopian Amharic News 24/7- Your right to know!.

ብዙ ጊዜ ከምቸገርባቸው ነገሮች አንዱ ፅሁፍ ከፃፍኩ በኋላ ለፅሁፌ ርእስ ማግኘት ነው ። አሁንም ያው ችግር ገጠመኝ ። ይችን አጠር ያለች ፅሁፍ ” አማራዊነት ” ብየ ሰየምኳት ። የዚች ፅሁፍ አላማ ፍሬ እያፈራ የመጣው የአማራ ብሄርተኝነት ይመነደግ ዘንድ መወስወስ ነው ። ብዙ ሰዎች ስለ አማራ እና አማራዊነት ሲነሳ በሆድ ቁርጠት እንደሚሰቃዩ አውቃለሁ። ምክንያቱ ስለሚገባኝ አልፈርድባቸውም።
…
በካራቴ ሜዳ ላይ በቦክስ ጓንት ብቻ መጫወት እፈልጋለሁ ማለት ዘመኑን ያልዋጀ የትግል መንገድ ነው ።በአሁኑ ወቅት ኢትዮጵያ ውስጥ እንኳን ሰው ይቅርና መኪናው ብሄር አለው ። ዘረኝነት የሌለበት ብሔርተኝነት ለአሁኑ የአማራ ትውልድ ያስፈልገዋል፡፡
እርግጥ ብሔርተኛ አመለካከት ሁሌም አግሬሲቭና ተጋፊ ነው፡፡ ወያኔና ኦነግ ተመሳሳይ ባህሪ አላቸው፡፡ ሁለቱም አግሬሲቭና ተጋፊ ናቸው፡፡ ከውጭ የእስራኤል ባህሪም እንደዚሁ ነው፡፡
…
የወያኔ አማራ ጥላቻ ጫፍ የደረሰ ከመሆኑ በላይ፤ የአማራ የጦረኝነት ባህልና ታሪክ ጠንቅቆ ስለሚረዳ ከአሁን በፊት የሌለበትን ብሔርተኝነት እንዲያዳብር ማድረግ የበለጠ ተጋፊ ሃይል ማብቀል ነው ብሎ በማሰብ የአማራ ብሄርተኝነት እንዳያድግ በዙ ስራዎችን ሰርቷል፡ ፡ ወያኔ አማራን መቆጣጠር የሚቻለው በአንድነት ቀመር ብቻ ነው በሚል ስሌት አማራን ለራሱ እንዳያስብ ጠፍንጎ በመያዝ በኩል እስከቅርብ ጊዜ ተሳክቶለት ነበር ፡፡ እርግጥ አንድነት አማራን ባይጠቅምም አይጎዳውም፡፡
…
ሌላው የወያኔ ስጋት የአማራ ህዝብ ረጂም የሲቪላይዜሺን ታሪክ ያለው ከመሆኑ አንፃር፤ አማራ ነኝ ብሎ ማሰብ ሲጀምር ታሪኩን መጎልጎል ይጀምራል፡፡ ታሪኩን ሲጎለጉል ከማንኛውም ህዝብ የተሻለ የኃያልነት ታሪክ ያለው መሆኑን ያውቃል፡፡ ይህን ከተገነዘበ ለገዥዎች አንገዛም የሚል መንፈስ እንደሚፈጥር ስለተገነዘቡ ገዥዎች አማራነት እንዲረሳና ብሎም እንዲካድ አደረጉ፡፡
…
ኢትዮጵያዊ እንጂ አማራ አይደለሁም የሚለው መንፈስ አሁን በብዙዎቹ ሰርጶ የቀረው በውስጠ ታዋቂነት ከጥንት ሲወርድ ሲዋረድ የመጣ ተፅዕኖ ሰለባ የመሆን ውጤት ነው፡፡ ያለ ምክንያት ሁላችንም ውስጣችን እያወቀው አማራ አይደለንም እንል ነበር፡፡ አንዳንዶቻችን ወያኔ በብሔር የከፋፈለውን ልዮነት ላለመቀበል አማራነታችንን እንቃወም ነበር፡፡ አማራነትና አማራ ክልል ፍፁም ይለያያል፡፡ የአማራ ህዝብ እንጂ አማራ የሚባል ክልል አልነበረም፡፡ የአማራ ክልል የሚለውን ጣሊያን ጀመረው ወያኔ ፈፀመው፡፡
…
የአማራ ህዝብ በፊትም አሁንም እያለ የተካደ ህዝብ ነው፡፡ በፊት የተካደው መብቱ ሳይሆን ማንነቱ ብቻ ነበር ፡፡ አሁን ደግሞ የተካደው ማንነቱ ሳይሆን ህልውናው ነው፡፡ በአሁ ወቅት አማራ ህልውናው እንዲጠፋ የተፈረደበት፤ ወደ ቀደመ ሃያልነቱ ይመለሳል ተብሎ ስለታሰበ ነው፡፡ የአሁኖቹ አማራ ሆነው አማራነትን የሚፈሩት ሰዎች ፍርሃት ግን ምን እንደሆነ አላውቅም፤ እነሱም የሚያውቁ አይመስለኝም፡።
…
በዘመነ መሳፍንት ተበታትና የነበረችው ኢትዮጵያ፥ ለመበታተኗ ምክንያት ጎጠኝነት ነበር፡፡ አሁን በተጨባጭ ስለኢትዮጵያ አንድነት አጥብቀው የሚዘምሩ አማሮችና ህዝቦች በጎጠኝነት መንፈስ ተወጥረው የተያዙ ናቸው፡፡ አድስ አበቤ ፣ የጎንደር ህብረት ፣ የጎጃም ህብረት እና የመሳሰሉት ለዚህ ዋና ምሳሌዎች ናቸው። የአማራ ብሄርተኝነት የመጀመሪያው የቤት ስራ ጎጠኝነትን አከርካሪውን ሰብሮ ከቀበሩ በኋላ በመቃብሩ ላይ የአማራ ብሄርተኝነት እንድያብብ መስራት አለበት ። ፡፡ ጎጃሜው ለጎጃም ወሎየው ለወሎ ፣ ጎንደሬው ለጎንደር ፣ ሸወዌው ለሸዋ የሚያደላ ከሆነ ጠላቶቻችን እንደ ገና ቅርጫ ተካፍለው ይውጡናል ፡፡ በጎጠኝነት መቃብር ላይ አማራዊነት መብቀል አለበት ። በአንዲት ኢትዮጵያ አመለካከት ውስጥ የተደበቀው የጎጠኝነት መንፈስ ማብቃት አለበት ፡፡ ጎጥ ማለት ዝቅ ብሎ በመንደር ማሰብና ከፍ ብሎ በኢትዮጵያዊነት መሸፈን ነው፡፡
…
አማራዊነት ይጠቅመናል እንጅ አይጎዳም፡፡ ጎጠኝነት ግን አገርን በትኗል፣ አሁንም እየጎዳን ነው ለወደፊትም ይጎዳናል፡፡ የብሔርተኝነት መንፈስ በኦሮሞ፣ በጉራጌ፣ በአፋር፣ በሲዳማ፣ በኮንሶ ወዘተ.. ህዝብ ውስጥ አለ፡፡ በአማራ ህዝብ ውስጥ ቢኖር ይጠቅማል እንጅ አይጎዳም ። ኦሮሞዎችም ቢሆኑ የኢትዮጵያ አንድነትን እንቀበላለን እያሉ የመጡት የአማራነት ስሜት በጥቂቱ እያቆጠቆጠ መምጣት በመጀመሩ ነው፡፡
ከ5.3 ሚሊዮን ውስጥ ወደ 3 ሚሊየን የሚጠጋ አማራ በአዲስ አበባ ብቻ መኖሩ እየታወቀ ወያኔ አዲስአበባን አሳልፎ የሰጠው የአዲስ አበባ አማራ አማራዊነት መንፈስ ስላላዳበረ የመጣ ጉዳት ነው ፡፡
…
የአማራ ህዝብ በአማራዊነት መንፈስ ቢቃኝ የበለጠ ራሱን ይጠቅማል እንጅ አይጎዳም። ይሄ ህዝብ ተፈጥሮ ሃብትንም ሆነ ጀግንነትን የታደለ ህዝብ ነው ። የአማራ ህዝብ ወገኖቹን አስተባብሮ ከጠላት ተዋግቶ ድንበርና ነፃነትን አስከብሮ፤ ሲኖር “እኔ ጀግና ኀኝ” ብሎ አያውቅም፡፡ ማለት ካስፈለገውም “እኛ ኢትዮጵያውያን ጀግኖች ነን” ይል ነበር፡፡
ብዙዎች ኢትዮጵያ በዚህ ክልል፣ በዚያ ክልል ቡና ነው የቆመችው ሲሉ፤ ወያኔ በጣጥቆ በሰጠው በአሁኑ በአማራ ክልል እንኳን እንዲህ ነው፤ እንዲያ ነው ብሎ አያውቅም፡፡
እውነታው ግን የኢትዮጵያ የሰብል እህል ምርት (ጤፍ፣ ስንዴ፣ በቆሎ፣ ማሽላ፣ ገብስ፣ አጃ…) ወዘተ 52%ቱ የሚመረተው አማራ ክልል ነው፡፡ ጥራጥሬ (ባቄላ፣ አተር፣ ምስር…) 70% የሚመረተው አማራ ክልል ነው፡፡ ቅባት እህል፣ ቀንድ ከብት፣ ከፍተኛ ድርሻ ከሚያበረክቱ ክልሎች አንዱ ነው፡፡ በበግ ሐብት 1ኛ ነው፡፡ በውሃ ሃብት እና ውሃ ተፋሰስ የታደለ ነው። የትኛውም ክልል አይደርስበትም ። የማእድን ሃብቱ የትየለሌ ነው ።
…
አማራ ክልል 60 ሚሊየን ህዝብ መግቦ የሚተርፈው የሰብል ምርት ብቻ (ሌሎችን ሳይጨምር) ወደ ውጭ ቢላክ 3 ቢሊየን የአሜሪካን ዶላር በአመት የውጭ ምንዛሬ ያስገኛል ( አሁን ኢትዮጵያ ከምታገኘው የውጭ ምንዛሬ የበለጠ)፡፡
ይህ ማለት ደቡብና ኦሮሚያ የተወሰነ የቡና ማሳዎችን መንጥረው የሰብል ምርት ተጨማሪ ማምረት ሊኖርባቸው ነው፡፡ ይሄ ሁሉ የአማራ ህዝብ ተዝቆ የማያልቅ ፀጋ ነው ።
ባጠቃላይ የአማራ ህዝብ በአማራዊነት መንፈስ በመሰባሰብ ለአማራ ህዝብ ሰላም፣ ዋስትናና ኢኮኖሚ እድገት ያመጣለት ዘንድ መሰባሰቡ ለነገ የማይባል የዛሬ የቤት ስራችን መሆን አለበት።
አማራዊነት ይለምልም !!

The post አማራዊነት …………… ( ቬሮኒካ መላኩ) appeared first on ሳተናው: Ethiopian Amharic News 24/7- Your right to know!.

የአማራ ክልል ጋዜጦኞች ጥያቄ እና የብአዴን መልስ

The post የአማራ ክልል ጋዜጦኞች ጥያቄ እና የብአዴን መልስ – ኢሳት appeared first on ሳተናው: Ethiopian Amharic News 24/7- Your right to know!.

ባለፈው ቅዳሜ መጋቢት 2, 2009ዓ.ም. ምሽት 2 ሰዓት አካባቢ በተለምዶ ቆሸ ተብሎ በሚጠራው ስፍራ ላይ በደረሰ የመሬት መደርመስ አደጋ 16 የሚሆኑ በሥርዓት የተገነቡና ካርታ (ንድፈ ምድር) ያላቸው መኖሪያ ቤቶች እንዲሁም ቦታ ተረክበው መኖሪያ ቤት የመገንባት አቅም የሌላቸው ወገኖች ለማረፊያ የቀለሱት በርካታ የላስቲክ (የተለጥ) ቤቶች ተደርምሰው በመዋጣቸው እውስጣቸው የነበሩ በርካታ ወገኖች ማለቃቸው ይታወሳል፡፡ እስካሁን ባለው መረጃ 113 ወገኖች እንዳለፉ አገዛዙ አስታውቋል፡፡
ይህ ቁጥር ግን “ከተዳፈኑት ውስት በሕይዎት ያለ ወገን ይኖር እንደሆን፣ ካልሆነም አስከሬን አውጥቶ ለመቅበር!” በሚል አደጋው የደረሰባቸው ቤተሰቦች ቆፋሪ ማሳልጦችን (ኤክስካቫተር ማሽኖችን) በግል ተከራይተው እንዲሁም መንግሥት ላከው በተባለው ተመሳሳይ ማሽን (ማሳልጥ) እየተደረገ ባለው ጥረት የተገኘ አኃዝ ነው፡፡

የዘመናችን ጥጋበኞች የሚያትረፈርፉትን ምግብ በጨዋና ኃላፊነት በሚሰማው ሰው ደንብ ንጽሕናው እንደተጠበቀ ለየኔቢጤ ወይም ለድሀ መስጠት ስለማይወዱና ስለማይፈልጉ ይሄንን እህል አጥቶ ስንት ጦም አዳሪ ድሀ ሕዝብ ባለባት ሀገር የሚተርፋቸውን ምግብ ከቆሻሻ ጋር ስለሚጥሉ ይሄንን ከዕኩይና ግፈኛ የዘመናችን ጥጋበኞች ከቆሻሻ ጋር የሚጣልን ምግብ እየተመገቡ በዚያ ቆሻሻ ስፍራ ላይ በእነኛ የላስቲክ (የተለጥ) ቤቶች ውስጥ ይኖሩ የነበሩትንና ተደርምሶ በተዳፈኑበት አካባቢ ግን እነኝህ ወገኖች አቋጣሪ፣ ተቆርቋሪና አሳቢ አግኝተው “በሕይዎት ያለ ካለ፣ ካልሆነም አስከሬናቸውን አውጥቶ በክብር ለማሳረፍ!” በሚል እስከ ትናንት ድረስ ጥረት እየተደረገ አይደለም፡፡ በመሆኑም በዚህ አደጋ ያለፉ ወገኖቻችን አሁን እየተጠቀሰ ካለው ቁጥርም ከእጥፍ በላይ ሊሆን እንደሚችን መገመት ይቻላል፡፡

ለመሆኑ እነኝህ ወገኖቻችን በቦታው ለመኖር ፈጽሞ በማይመቸውና ለጤና አደገኛ በሆነ ቆሻሻ ሥፍራ ላይ ሔደው ለመስፈር ምን አስገደዳቸው? ብለን መጠየቅ ይኖርብናል፡፡ ዜጎች በሀገራቸው ጤንነታቸውና ደኅንነታቸው ተጠብቆ ሠርቶ የመኖር፣ መጠለያ የማግኘትና የመሳሰሉት መሠረታዊ ፍላጎታቸው ተሟልቶላቸው የመኖር የማይጣስ የማይገሰስ ሙሉ መብት አላቸው፡፡ የየትኛውም ሀገር ሕገመንግሥት ይሄንን ያረጋግጣል፡፡ ይህ መብት በየትኛውም ሁኔታ ሊጣስ ሊገሰስ ሊገፈፍ የማይችል ሰብአዊ መብት ጭምርም ነው፡፡ መንግሥት ነኝ የሚል አካል ይሄንን የማሟላት ግዴት አለበት፡፡ ልብ በሉ መልካም ፈቃድ ሳይሆን ግዴታ ነው ያለበት፡፡ በምንም መልኩ ይሄንን መሠረታዊ የዜጎች መብት ሊገፍ፣ ሊነፍግ አይችልም፡፡ ያለውን መሬት ለዜጎች አብቃቅቶ የማከፋፈሉን ፍትሐዊ ሥራ መሥራትና ዜጎችን የሀገራቸው ተጠቃሚ ማድረግ ነው ግዴታውና ኃላፊነቱ፡፡ ምክንያቱም በሕዝብ ጥቅሞችና ጉዳዮች ላይ የመጨረሻውን ውሳኔ የመወሰን ሥልጣንና ኃላፊነት ያለው ሕዝብ እንጅ መንግሥት ስላልሆነ፡፡ መንግሥት የሕዝብን ውክልና ይዞ የሕዝብን ጥያቄዎችና ፍላጎቶች ማስፈጸም ብቻ ስለሆነ ተግባሩ፡፡ ለሀገር ኢኮኖሚ (ምጣኔ ሀብት) እድገት ከመሬት ሽያጭ ከሚገኝ መጠነኛ ገቢ ይልቅ ዜጎች የመሬት ባለቤት ሆነው መሬቱ ላይ የሚፈጥሩት ሀብት ነው ሀገርን ሊለውጥ ሊያበለጽግ የሚችለው፡፡ ያደጉ ሀገራት ተሞክሮ የሚያሳየን ይሄንን ነው፡፡ ቁልፉ አስተሳሰብ ይሄ ከሆነ ሊሠራ የሚገባው ሥራ ዜጎችን በሰፊው የመሬት ባለቤት ማድረጉ ነው እንጅ የመሬት ባለቤትነትን መብት ማሳጣት አይደለም፡፡ ይህ ከተደረገ ግን ውሳኔው ሥልጣን የያዘን አካል ጥቅም የሚያስከብር ቡድናዊ ውሳኔ እንጅ የሀገርን ጥቅም የሚያስጠብቅ ሕዝባዊ ውሳኔ አይሆንም፡፡

ምን ያህሎቻችን ከላይ የጠቀስኩትን መሠረታዊ መብት እንደምናውቅና ይህን መብታችንንም ማስከበር፣ ማስጠበቅ እንዳለብን እንደምንገነዘብ አላውቅም፡፡ እንደማየው ሕዝቡ ይሄንን መሠረታዊ የዜጎችን መብት የሚያውቅ አይመስለኝም፡፡ መንግሥት ነኝ ከሚለው አካል ችሮታን ሲጠብቅ እንጅ የመንግሥት ግዴታው እንደሆነ አውቆ መብቱ እንዲጠበቅለት ሲጠይቅ ብሎም ሲያስገድድ አላይምና፡፡ መንግሥት ለባለሀብቶች በሽያጭ የቤት መሥሪያ መሬትና መሠረተ ልማት ማቅረብ ብቻ ሳይሆን ከ90 ከመቶ በላይ የሚሆነውን የኢትዮጵያን ሕዝብ ቁጥር ለምንይዘው ቤት የመሥራት አቅም ለሌለን ድሀ እና የድሀ ድሀ ዜጎች ጭምር መጠለያ የማቅረብ ግዴታም አለበት፡፡ ይሄንን እናውቃለን ወይ?

ወያኔ መንግሥት ነኝ እንደማለቱ ይሄንን ግዴታውን የመወጣት ግዴታ ነበረበት፡፡ ወያኔ እንኳንና የዜጎችን መብትና የእሱንም ግዴታ በማክበር ቤት የመገንባት አቅም ላላቸው ዜጎች መሬት በመስጠት፣ ቤት የመገንባት አቅም ለሌላቸው ዜጎች ደግሞ የሀገሪቱ አቅም በፈቀደ መጠን ከአነስተኛ እስከ ከፍ ያለ የኪራይ ዋጋ የሚጠይቁ የኪራይ ቤቶችን ገንብቶ በማቅረብ ዜጎች ቤት እንዲኖራቸው በማድረግ የዜጎችን መብትና ጥቅም ሊጠብቅ ሊያከብር ግዴታውንና ኃላፊነቱንም ሊወጣ ይቅርና ይህ በመንግሥት ስም ራሱን ያስቀመጠው የወንበዴ ቡድን ከከተማ እስከገጠር አስቀድሞ የመሬት ይዞታ የነበራቸውን ወገኖች ሳይቀር መሬታቸውን እየነጠቀ ለባዕዳንና ለባለሀብቶች በመቸብቸብ ዜጎች በዜግነታቸው ከሀገራቸው ሊያገኙት የሚገባቸውን ጥቅምና መብት አሳጥቷል፣ ነጥቋል፣ ገፏል፡፡ በዚህ ዝርፊያውም እራሱን በከፍተኛ ደረጃ በማድለብ ላይ ይገኛል፣ መሬትን የፖለቲካ (የእምነተ አሥተዳደር) ዋነኛ መጠቀሚያ መሣሪያው አድርጎ በመጠቀምም የግፍ አገዛዙን ለማራዘም ጥረት እያደረገበት ይገኛል፡፡

እነኝህ ወገኖቻችን ለኑሮ የማይስማማ፣ ለጤና አደገኛ በሆነው ቆሻሻ ስፍራ ላይ ሔደው ለመሥፈር የተገደዱት ማንም ሊገስሰው፣ ሊሽረው የማይችል በዜግነታቸው በሀገራቸው መጠለያ አግኝተው ጤናቸውና ደኅንነታቸው ተጠብቆ የመኖር መብት እንዳላቸው ተረድተው በራሳቸው ወጪ አንድ ጥግ ላይ ጎጆ ቢጤ ቀልሰው ለመኖር ሲሞክሩ “የጨረቃ ቤት ነው፣ ሕገወጥ ሰፋሪዎች ናቹህ!” እያለ በሌለ አቅማቸው የቀለሷቸውን ጎጆዎች እያፈራረሰ መድረሻ ቢያሳጣቸው ነው “ይህ ስፍራ ቆሻሻ ነውና አይፈለግም ይሆናል!” ብለው እዚያ ቆሻሻ ላይ ደሳሳ ጆጎ እየቀለሱ፣ የላስቲክ (የተለጥ) ቤት እየወጠሩ ለመስፈር የተገደዱት፡፡

የደርግ መንግሥት ይሄንን የዜጎችን መሠረታዊ መብትና የመንግሥትነትን ግዴታ በመገንዘብ ይመስላል የመሬት ላራሹንና ትርፍ የከተማ ቤትን የመውረስ አዋጆችን በማወጅ መሬት ላልነበረው ዜጋ የመሬት ባለቤት አድርጓል፣ ቤት የመሥራት አቅም ላላቸው የከተማ ነዋሪዎች ለካርታ (ንድፈ ምድር) እና ለተመሳሳይ ጉዳዮች አነስተኛ ወጪ በማስከፈል በነጻ ቤት የመገንቢያ መሬት ለዜጎች ሲያቀርብ ነበር፣ ቤት የመገንባት አቅም ለሌላቸው ወገኖች ደግሞ እንደየአቅሙ ከሃምሳ ሳንቲም ጀምሮ በጣም አነስተኛ ኪራይ የሚከፈልባቸውን የኪራይ ቤቶችን ገንብቶ እንዲሁም በአዋጅ የተወረሱ ቤቶችን በማቅረብ የዜጎችን መብትና የመንግሥትነቱን ግዴታ ለማክበር፣ ለመጠበቅና ለመወጣት ጥረት ያደርግ ነበር፡፡ ወያኔ መንግሥት ነኝ ካለ ይሄንን የደርግን ፈለግ መከተል ሲኖርበት ያልተከተለው “የሚከተለው ርዕዮተዓለም ከደርግ የተለየ ስለሆነ ነው!” እንዳንል የሚከተለው ርዕዮተዓለም ከደርግ የሚለይ አይደለም አንድ ነው፡፡ ወያኔ የሚከተለው የኢኮኖሚ (የምጣኔ ሀብት) ሥርዓት ነጻ (ሊበራል) ቢሆን ኖሮ ከገጠር እስከ ከተማ መሬትን ከዜጎች እየነጠቀ ለባለሃብቶች መስጠቱ ባልገረመን ነበር፡፡

ሙቱ የወያኔው መሪ አቶ መለስ ዜናዊ ይሄንና ተጓዳኝ ነገሮችን በተመለከተ በአንድ ወቅት ላይ ተጠይቀው ሲመልሱ ያለአንዳች ሐፍረትና የተጠያቂነት ስሜት ነበረ በብዙኃን መገናኛ “ከተማ ለቆ መውጣት ነው!” ብለው በመናገር አገዛዛቸው የአፓርታይድ (የመድሎ) ወይም ለባለሀብቶች ብቻ የቆመ አገዛዝ መሆኑን ያረጋገጡት፡፡

ሰሞኑን ይሄ አሁን የደረሰብንን አደጋ በተመለከተ በማኅበራዊ የብዙኃን መገናኛዎች አንድ የታዘብኩትና በጣም ያናደደኝም እንቅስቃሴ ነበር “በአደጋው ላለፉ ወገኖች ክብር ሲባል ብሔራዊ የሐዘን ቀን ይታወጅልን!” ብሎ አገዛዙን የሚጠይቅ እንቅስቃሴ፡፡ በጥያቄያቸው መሠረትም ብሔራዊ የሐዘን ቀኑ ሲታወጅ ፈንጠዝያ አይሉት ምን ተመልክቻለሁ፡፡ በእውነት በጣም ነው ያዘንኩት፡፡ በቃ ይህችን ታክል ነው የምናስበው? ይህ አደጋና መንስኤው እኮ በሌሎች ሀገራት ቢሆን ኖሮ ሀገር የሚንጥ መንግሥት የሚገለባብጥ ዐመፅ ያስነሣ ነበረ እኮ ጃል! ይሄን አጋጣሚ ተጠቅመን ሌላው ቢቀር ዜጎችን ለዚህ አደጋ የዳረገው ኢፍትሐዊ የመሬት አሥተዳደር ሥርዓቱ እንዲቀየር መንቀሳቀስ አልነበረብንም ወይ? ቆይ እንጅ የሐዘን ቀኑ ስለታወጀ ወያኔ ማረፊያ መድረሻ አሳጥቷቸው ቆሻሻ ላይ ሔደው ለመስፈር የተገደዱትንና ለዚህ አደጋ የተዳረጉትን ወገኖች አከበረ ወይም ክብር ሰጣቸው ማለት ነው? ይሄንን ያህል ወገን በራሱ በግፍ አስተዳደሩ ምክንያት ለሕልፈት ተዳርጎ እያለ ጉዳዩን ከመጤፍ ሳይቆጥር ብሔራዊ የሐዘን ቀን ሳያውጅ የማለፉን አሳዛኝና አስገራሚ ሁኔታ ለቀጣይ ትውልድ ይታወቅ ዘንድ ለታሪክ ትቶ ማለፍ ሲገባ ያለ ሐሳቡ ያለፍላጎቱ አሳስቦና ጎትጉቶ የሐዘን ቀን ማሳወጁ ግፉ ለደረሰባቸው ወገኖችና ላለው ቀሪ ዜጋ የሚጠቅመው ምንድን ነው? ይህ አደጋ በዚህ ስፍራ ላይ ሲከሰት ይሄኛው ለስድስተኛ ጊዜ የተከሰተ መሆኑን የአካባቢው ነዋሪዎች ተናግረዋል፡፡ ወያኔ ግን ኃላፊነት ተሰምቶት “ዜጎችን ከአደጋ የመጠበቅ ግዴታ አለብኝ!” ብሎ አንዳች ያደረገው ነገር ባለመኖሩ ይሄው የከፋው አደጋ ሊከሰትና በርካታ ወገኖቻችንን ልናጣ ቻልን፡፡ እና ታዲያ ይሄ ሁሉ እየሆነ እየታየ ልንንቀሳቀስ ይገባን የነበረው የሐዘን ቀን መጠየቅ ነው ወይ?

ወያኔ የወገኖችን የዜጎችን መሠረታዊ የዜግነትና ሰብአዊ መብታቸውን ገፎ መድረሻ ማሳጣቱን እስከቀጠለ ጊዜ ድረስ ነገም ተቸግረው እዚህ የቆሻሻ ቦታ የሚሠፍሩና ለተመሳሳይ አደጋ የሚዳረጉ ወገኖች መኖራቸው ይቀራል ወይ? ካለስ የአደጋው መንስኤ ሁላችንም ላይ ያነጣጠረ እንደመሆኑና እንደዜጋም አፋጣኝ መፍትሔ መፈለግ የለብንም ወይ? ወገን ሆይ! ሀገርህን እኮ ተነጥቀህ በገዛ ሀገርህ ባይተዋር፣ ስደተኛ፣ ተጉላላይ፣ ተንጓላይ፣ ተቅበዝባዥ ሆነህ እኮነው ያለኸው! የአንድ ሀገር ሕዝብ ሀገሩን ነጥቆ ቀምቶ በገዛ ሀገሩ የመኖር ዋስትናውን፣ የዜግነት መብቱንና ጥቅሙን አሳጥቶ ዕለት ዕለት እያሳደደ፣ እያፈናቀለ ሀገሩን ለባዕዳንና ለባለሃብቶች እየቸበቸበለት ያለውን አንባገነን አገዛዝ በዝምታ መመልከት አለበት ወይ?

ዜጎች በዜግነታቸው መሠረታዊ መብታቸውና ጥቅማቸው ተከብሮላቸው በገዛ ሀገራቸው ተረጋግተው መኖር ካልቻሉ ዜጎች መሆናቸውን የሚያረጋግጥ ጥቅም፣ ሀገሬ ብሎ ለማለት የሚያስችላቸው መብት ሌላ ምን አለና? ነገ ጠዋት በዚህች ሀገር ላይ ጥቃት ቢቃጣ “ሀገሬ!” ብሎ ተነሥቶ ደሙን አፍስሶ አጥንቱን ከስክሶ ሉዓላዊነቷን የሚያስከብረው ማን ነው? መሬታችን ተነጥቆ የተሰጣቸው ባዕዳን ባለሀብቶች ናቸው እንዴ? ወይስ ጥቂት የናጠጡ ባለሀብት ዜጎቻችን? ይሄ ወያኔ መድረሻ ያሳጣው ድሀ ሕዝብ እና መሬቱ እየተነጠቀ ለባዕዳን እየተሰጠበት ያለው ገበሬ አይደለም ወይ? እንዲህ የደም ዋጋ ከፍሎ ያቆያትን እና ነገ አንድ ነገር ቢፈጠርም “ሆ!” ብሎ ተነሥቶ መራር መሥዋዕትነትን የሚከፍልላትን ዜጋ በምን ሒሳብ፣ በየትኛው መሥፈርት ነው ከገዛ ሀገሩ ሊያገኘው የሚገባው ጥቅምና መብት ተነፍጎት ባይተዋር፣ ተሳዳጅና የበይ ተመልካች ሊደረግ የሚገባው? እኮ በየትኛው ፍትሐዊ አሠራር? በወያኔ ዓይነቱ ኢፍትሐዊ የአፓርታይድ (የመድሎ) አገዛዝ ካልሆነ በስተቀር!

እናም የዋሁ ወገኔ ሆይ! የችግሩ መፍትሔ ብሔራዊ የሐዘን ቀን ማሳወጁ ሳይሆን ስንት ዋጋ ከፍለህ ያቆየሀትንና ወደፊትም የምትከፍልላትን ሀገርህን ነጥቆ የባዕዳንና የባለሃብቶች ብቻ ያደረገብህን፣ በገዛ ሀገርህ ተሳዳጅ፣ ተፈናቃይ፣ የበይ ተመልካች ያደረገህን አንባገነን የወንበዴ አገዛዝ ማስወገድ ነውና በየጊዜው በአገዛዙ የግፍ አስተዳደር መንስኤነት አንድ ነገር በተፈጠረ ቁጥር ማላዘኑን ትተህ የችግሮችህ ሁሉ ምንጭ የሆነውን ወያኔን ለመገርሰስ ቆርጠህ ተነሥ! ሳትውል ሳታድር ክንድህን በግፈኛው በጠንቀኛው አገዛዝ በወያኔ ላይ አንሣ! ይህን ማድረግ ካልቻልክ ግን ነገም ያንተ እጣ ከእነኚህ አደጋው ከደረሰባቸው ወገኖች የተለየ እንደማይሆን እወቀው!!!

ድል ለኢትዮጵያ ሕዝብ!!! ኢትዮጵያ ለዘለዓለም ትኑር!!!
ሠዓሊ አምሳሉ ገ/ኪዳን አርጋው
amsalugkidan@gmail.com

The post በቆሸ አደጋ የወያኔ መንስኤነት እና የችግሩ ዘለቄታዊ መፍትሔ! – ሠዓሊ አምሳሉ ገ/ኪዳን አርጋው appeared first on ሳተናው: Ethiopian Amharic News 24/7- Your right to know!.