ፍጹም ድፍረት የሀገር ፍቅር የትግል ፍላጎት ተመልክቼ ተመለስኩ! የማይደክሙ የነጻነት እግሮች ወደ ቦሌ ክ/ከ/ ፖሊስ መምሪያ ዛሬም አቀናሁ። ምክንያቱ ደግሞ እንደተለመደው በሕግ አልበኝነት የእስር ቤት በር የተዘጋባቸው ጓደኞቼ ጋዜጠኛ አናኒያ ሶሪ -ጋዜጠኛ ኤልያስ ገብሩ ጓድ ዳንኤል ሺበሺ ለመጠየቅ ነበር፡፡ ቦታው ላይ ከደረስኩ ከጥቂት መጠበቅ በኃላ ተገናኘን የሞቀ ፈገግታ በሰላምታ ተለዋውጠን ስናበቃ በወቅታዊ ጉዳይ ትንሽ ማውጋት ጀመርን። ምንም የማይደክሙ አንደበቶች ያወራሉ። በአንባገነኖች እስር ቤት ውስጥም ሆነው ዛሬም እጃቸውን ኣጣምረው ድጋፋቸውን በኣደባባይ ይገልጻሉ ፡፡ እነዚህ ልበ ሙሉዎች ስለውጫዊ ትግል መጠናከር ኣጥብቀው ይመክራሉ፡፡

በተቃዋሚዎችና በአገዛዙ መካከል ይደረጋል በተባለው ድርድር ዙሪያ ሪፖርተር ጋዜጣ ግሩም ርእስ አንቀጽ አውጥቷል። ይሄን ርእስ አቀንጽ እኔ ልጽፈው የምችለው ሙሉ ለሙሉ የምጋራው ርእስ አንቀጽ ነው።

“ውይይትም ሆነ ድርድር ለማድረግ በዝግጅት ላይ የሚገኙት ሁለቱ ወገኖች ያለፉትን ቂምና ቁርሾዎች ወደ ጎን በማድረግና ለአገርና ለሕዝብ ምንም ጥቅም እንደሌላቸው ከልብ በማመን፣ አዲሱን ጉዞ በሠለጠነ መንገድ ላይ ቢጀምሩ ጥቅሙ ለአገር ነው፡፡ የፖለቲካ ምኅዳሩ ሰፍቶ ሁሉም የአገሪቱ ፓርቲዎች በእኩልነትና በነፃነት እንዲፎካከሩ ማድረግ የወቅቱ ዓቢይ ጥያቄ ነው፡፡ ከፖለቲካ ፍጆታነት የማይዘሉ አጓጉል ድርጊቶችን በማስወገድ የዜጎችን አንገት ሲያስደፋ የኖረውን አስከፊ የፖለቲካ ባህል መለወጥ ጊዜው አሁን ነው፡፡ ድርድሩም ሆነ ውይይቱ በቀና መንፈስ እንዲጀመር ሲፈለግ በቅድመ ሁኔታዎች እያመካኙ ምክንያት መደርደር ሊቆም ይገባል፡፡ ድርድሩም ሆነ ውይይቱ ለሰጥቶ መቀበል መርህ ክፍት ከሆነ ቀዳሚው ጉዳይ የአገርና የሕዝብ ጥቅም ይሆናል፡፡ ለዚህ ደግሞ ቁጠርኛ መሆን ግዴታ ነው፡፡”

(ሙሉቀን ተስፋው)

ባንዳነት (ከጠላት ጋር ማበር) የተጀመረው በቀይ ባሕር አካባቢ በሚኖሩ ትግሬዎች ቢሆንም በጊዜና በመጠን እየተለያየ በሁሉም የሕብረተሰብ ክፍል ነበረ፤ አለ፤ ወደፊትም ይኖራል። የማኅበረሰብ ተፈጥሮ ጥሬ ብስል ተጎራሰም ነው፤ ለሕዝብ የሚያስብ፣ ራሱን የሚወድ፣ ለገንዘብ የተገዛ፣ በጥቅም የማይደለል… ዓይነት ሰዎች በየትኛውም ሕዝብ ውስጥ አሉ።

ለምሳሌ የራስ አበበ አረጋይን እና ቤተሰቡን ታሪክ ማየት ይቻላል፤ ራስ አበበ አረጋይ ታላቅ ስመ ጥር አርበኛ ነበር፤ የሚያሳዝነው ግን አባቱ እልም ያለ ባንዳ ሆኖ ከልጁ ጋር በተለያየ ግንባር መሰለፉ ነው። የአንድ ቤተሰብ አባላት ውስጥ ባንዳና አርበኛ መፈጠራቸው ለዚያውም አባት ባንዳ ልጅ አርበኛ ሲሆኑ መመለክት እጅግ ይገርማል። ይህን ጉዳይ ያለ ነገር አላነሳሁትም።

የዐማራ የጎበዝ አለቆች ጋር ስንነጋገር ያደረሱኝ መረጃ እጅግ አስገርሞኛል። ለማስተማሪያነት ይሆናል ይፋ አድርገው ስላሉኝም ነው ይህን መጻፌ።

ምትኩ ገላው የተባለ ወጣት የዐማራ አርበኞችን ከወንድሙ ጋር ከተቀላቀለ ቆይቷል። በጥር 26 ቀን 2009 ዓ.ም. ‹‹ቤተሰብ ጋር ደርሼ መመለስ አለብኝ›› የሚል ሐሳብ ያነሳል፤ ፈቃድ ተከለከለ፤ አደጋ ይደርስብሃል ተባለ። ተማጽእኖው ቀላል አልነበረም። ይሁን ተባለና ሔደ።

የዐማራ ታጋዮች በነጋታው ጥር 27 ቀን በደባርቅ ወረዳ ቆላው አካባቢ ይሔዱ እንደነበር ያውቃል። ሆኖም ምትኩ ገላው ወንድሙን ጨምሮ ብዙ ጓደኞቹ የዐማራ ሕዝብን ስቃይ እንቅልፍ ነስቷቸው ከወያኔ ጋር መቆራረጣቸውን እያወቀ ‹‹ባንድነት›› ባሕሪው ይሆናል ብለው አላሳቡትም ነበር።

የጎበዝ አለቆች ሔዱ፤ አቶ ምትኩ በቀጣዩ ቀን 450 እስከ አፍንጫቸው የታጠቁ የወያኔ ወታደሮችን ይዞ ከተፍ አለ፤ ፍጥነቱ ከብርሃንም ይልቃል። የዐማራ ታጋዮች ከነፍሳቸው ይልቅ በልጁ ባንዳነት ሐዘን እጅግ ተጎዱ። ግን አርበኝነት የዘራቸው ነው፤ ነፍጥ አተኳኮስ፤ ከበባን መስበር ብላቴ ወይም ጦላይ የጦር ትምህርት ቤት አልተማሩም፤ እድሜ ለአርማጭሆ ጫካዎች። ሙሉ በሙሉ መንገዶች ሁሉ ተዘግተዋል። በጀርባቸው ያለው ላጥ ያለ ገደል ብቻ ነው። ገደሉን ለመውረድ እንደ ሰሜን ጭላዳዎች ልምምድ ያስፈልጋል።

ጀግኖቹ ግን አንድም ሰው ሳይጎዳ ከበባውን ሰብረው ሔዱ። ባንዳው አፈረ፤ አረመኔዎቹ የወያኔ ወታደሮች አንድ በእርሻ ቦታ ላይ የነበረ ምንም ስለጉዳዩ ዕውቀት እንኳን የሌለውን ዐማራ ገበሬ በቀትር ተኩሰው ገደሉት። በሚያርሰው መሬት ትልም ላይ የምስኪኑ ገበሬ ደም ፈሰሰበት። ገበሬው የመስዋት በግ ሆነ።

ሌላም ጊዜ እንዲህ ያለ ባንዳ ገጥሟቸዋል። አቶ አሳየኸኝ ተቀባ ይባላል። በታኅሳስ 12 ቀን 2009 ዓ.ም ከድቶ ገብቶ የወንድሞቻችን ሕይወት አስቀጥፏል። አቶ አሳየኸኝና አቶ ምትኩ አሁን ከወያኔዎች ጋር ናቸው፤ በባንዳነት የተገኘ ሀብትና ክብር የጠዋት ጤዛ እንደሆነ ደካማው አእምሯቸው ገና አልተገለጸለትም።

የዐማራ ሕዝብ ትግልማ ያለምንም ጥርጥር በቆራጥ ጀግኖቻችን ያሸንፋል!!

ጅዳ ውስጥ አንድ የኢራቅ አውሮፕላን ከእሳት ቃጠሎ አደጋ ተረፈ !
=========================================
* በውስጡ የነበሩይ 356 ተሳፋሪዎችን ይዞ ነበር
* አንድም ጉዳት የደረሰበት ሰው የለም

ከሥርጉተ – ሥላሴ  13.02.2017 (ዙሪክ – ሲዊዘርላንድ)

„ፍርድና ልቅሶ በሚደረግበት ቀን፥ እግዚአብሄር በሚመጣበት ቀንና ቊርጥ ፍርድ በሚፈረድበት ቀን ፥የእግዚአብሄርን ህግ የዘነጉ ሰዎች በሚቆሙበት ቦታ ይቆማሉ።“
(መጽሐፈ መቃብያን ካልዕ ምዕራፍ ፲፭ ቁጥር ፫ )

… ፊቱ ውሃ ሲሄድበት ዬከረመ ይመስላል። የዕንባው ወራጅ ቁልል ኮረብታን ገንብቷል። ብልዘቱ እንደ መልካም ነገር ከሩቅ ያሳጣል። ክርክም ባልተሠራለት የአንገቱ ወለል ላይ ውስጡን እያነቃና … እያደራጀ በሰቀ-ደረቱ ላይ ለሽ ያለው ዬእንባ ኖራ፥ ዬመከፋት ቀለም ቀቢነቱ በቡዙ ውስጡን በቅኔ ቅንነት ይተረጉማል። የወጣለት ሰአሊ ነው። የብራናው ሰሌዳም ገፁ፥ ሜሮኑም የዐይኑ ጨው ነው። ከቃጠሎውም ዬተነሳ የቁስለቱ በስጋት የተገነዘ ፍዳ ደረቱ ላይ ዬእሳተ ጎመራ ቀለጦ ሰርቶ፥ ጎጆውን በእልህና ወኔ ቀልሷል። ውስጡ በመከራና በአሳር ፍሞ አክስሎታል። ቀረብ ብሎ ከውስጥነት ካላዩት ተክለ ቁመናውን ሆነ የገጹን ላሂ በውስጥ ቃጠሎው ምሬት የተነሳ እሱ መሆኑን መለየት ፈጽሞ አይቻልም።

ከእማ ዬተጠጋ ቀን ሁልጊዜም እንዳለቀሰ ነው። ዕጣው ከእርሷ ጋር እንደ ጠነዘለ። ያልፍልኛል ብላ ባለመችበት ሰዓት፣ ወቅትና ዘመን ሁሉ ለቅሶ – ይደገስላታል። ለምሾዋ ማጫ – ይመታባታል። እሷ ማዲያት – በማድያት መሆኗ ውስጧን ሲሟጥጠው ዋይታ ይለፍ ተሰጥቶት ይታወጅባታል። ቀን ዬቀናቱን ታጣፊ አልጋነት ልተወው ቢል እንኳን፥ እረፍት ሰጪ ከቶ ዬላትም። ውጋቷ እንዲያጥድፋት ይታከል፥ ይታከል፥ እያለ … ተጠቋቋሚው ሁሉ ያለባት የፋሽስት አሳር ላይበቃ፤ ሌላውም ፋታ አልቦሽ በተደራቢነት ይወግራታል – ይሰልቃታል፤ ያልፍልኛል ስትል ይቀማታል፥ አረመኔ ሲያሯሩጣት መጠጊያ ስትሻ ዋሻ ያለችውም ዘንበል ቀና እያለ – ያለዛታል። ሸማዋ እንኳን ተቀናቃኝን ደጅ እንዲጠና ዱብ … ዱብ እዬተባለለት ነው … ህም!

እምም! ደግሞ ዬሚገርመው እሷው ለቻለችው፥ እሷው ለተሸከመችው፤ እሷው ለተጫነችው „አታልቅሺ ይሏታል“ „ያልተያዘ ግልግል ያውቃል“  እንደሚባለው። ስለምን አታነባ? አርማ – ኮትኩታ – ዬአዘራችው ቡቃያ ዬተባይ ቀለብ ሲሆን፥ እኮ! ስለምን እንባዋን አትለቀው? ዬማግስት መጋኛ ሲገን፤ ግን እኮ! ስለምን እሪ አትል? እሸቷ ሲነቃቀል፥ እኮ! ስለምን አታምርር? እንዲህ ጨለማ ሲውጣት፤ እኮ! ስለምን – ዋይተኛ አትሁን? ህሊናዋ ዬፍም ረድፈኛ ሲሆን፥ እኮ! ስለምን ኡኡ አትል? ተስፋዋ ዬምድጃ፤ የረመጥ ቤተኛ ሲሆን ሲያንስ …. ነዲዱ ጎጆዋን አመድ ዱቂት ሲያደርገው፤ በጢስ ታፍና ስታምጥ፤ ልጇቿ በታቀደ ቃጠሎ እንደ በግ፥ እንደ ሰንጋ ሥጋ የእሳት መፈተኛ ሲሆኑ ጨርቋን ጥላ አለማበዷም እሷ ሆና ነው። የፈረደባት፤ ጠላቶቿን ጡት አጥብታ አሳድጋ በነጋ በጠባ ሲኮንኗት፤ ሲያጣጥሏት ልጠው ሲጠብሷት ይውላሉ  – ያድራሉ፤ ይሄው ያምሷታል፥ ይቆሏታል ይፈጯታል። እየጠሏት – ይግጧታል፤ እየናቋት – ቁርጥም አድርገው ይበሏታል፤ አናውቅሽም ተብላ ይሞሸሩባታል። የወላድ መካን ዬሆነች – ባተሌ ። እያገላበጡ ሀገር በቀል ፋሽስቶች – አነደዷት። ሲዘነጥሏት ለአፋቸው ሞግድ አልሠራለትም። የህዳር ዝናቦች። እያዬ እዬሰማ እግዜሩም ዝም አለ።

„ዬደላው“ አሉ። ሲመሽም ሲነገም ለባቴሌዋ ያው ነው፤ ዜሮ ሲደመር ዜሮ ያው ዜሮ። ከዜሮ ላይም ዜሮ ሲቀነስ ያው ዜሮ። ዜሮ ሲባዛ በዜሮም ያው አምሳያው ነው። አሽሙሩ መረረኝ ስትል መስቃው፥ መስቃው ወቃኝ ስትል ውርዴቱ፤ ውርዴቱ ተከመረብኝ ስትል ግልምጫና ልግጫው ፈረደባት በእፋኝት የድንጋይ ሽበት፤ እሷ በመኖሯ ፈጥራ „ምጥ ለእናቷ“ ሆኖ ፈጠርንሽ ይሏታል። ጠላቷን መክታ ለወግ ለማዕረግ ስላበቃች፤ ጠላትሽን ቅስሙን ሰብረሽ ማባረርሽ እንግዳ ወዳጅ አለመሆንሽን ተፈላስመንበታል ይሏታል፤ እንቁላል ተሽጦ በተሸመነው የሐረግ ዝርግ። መንኰራኲራቸው ባነዳነት፤ ትዕቢተኝነታቸው ልሳነ ፍግ ነውና።

… ያልፋል ስትል እንደ መጫኛ ዬሚያለፋ፤ ይሆናል ስትል እንደ ህልም ብን … ትን … ትርትር ዬሚል፤ ደረስኩ ስትል እንደ ጉም ሽንት ዬኋልዮሽ – ዬሚያሰኘው፤ ስለቱ መረረኝ ስትል – ገጀሞው፤ ገጀሞውም ፋታ ነሳኝ ስትል – መዶሻው፤ መዶሻውን እህል ውሃውን ያሳጥርልኝ ብላ ስታጣውር እሳት ዬላሰ – ፋስ፤ ፋሱን ተገላገልኩ ስትል – ባሩድ፤ ባሩዱ አላተረፈኝም ብላ ልታመልጥ ጉሩቦ ከጉሩቦ ከፈርኦን ጋር ስትገጥም በመርዝ — ህም! እና እሷ ያላለቀሰች ማን ያልቅስ? እሷ ያላማጠች ማን ያምጥ? እሷ ማቅ ያለበሰች ማን ይልበስ? እሷ  ለፈጣሪዋ በእንባ ያላመለከተች ማን? እኮ ማን? ቀኗ እራሱ ስቅስቅ ብሎ አብሯት ከውስጧ መከፋት ጋር ይታደማል። በምህላ በበገና፤ በሱባኤ በክራር ይታደማል። ከስግድቱ ብዛት ጉልበቱ ሌላ ሸከር ያለ ተደራቢ ሞረድ ቆዳ አብቅሏል።

እሷማ ሁልጊዜም ዒላማ ናት! በቅላ እንዳትታይ ወፍበላ ዬሰፈረባት፤ ዬተስፋ ቀን ጠኔ ዬሚያጥመነምናት፤ ስለምጧ ቀን ተንበርክካ ዬምትማስን  – አሳረኛ። ሀገር በቀል ሪህ መቅኖዋን ምጥጥ አድርጎ ያለባት፥ በደረቁ ዬላጫት፤ በአለሎ – ዬሚደቁሳት፤ በመዳመጫ ያሻውን ያህል ዬሚድጣት ከቀኗ ጋር ያሻታል – በሽታሽቶ። ተወልጄ ነኝ ይላታል። ድንቄም¡ አሰር ውሃ፤

በ20 ዓመት ቀና ዬምትል ባተሌ ከኖረች ዬእሷማ ስፍር ቁጥር በሌለው መጋኛ – ትጣደፋለች። እንደ አንስት በባለደምነት ዬተፈረጀባት ሐገር እንደ ኢትዮዽያ እንደ ሌለ ሰማዕቱ ዬኢትዮዽያ ቀን እንባውን ተግ አድርጎ፤ ዘለግ ባለ ቃና ዬፍዳዋን መጫኛነት ይመሰክርላታል።

እሱ እቴ ዬዋዛ! ዬኢትዮዽያ ቀን ዕውነት እኮ ነው ትንፋሹ። አቅም ያላቸው ሴቶች እንደ ባለደም መታዬታቸው አልበቃ ብሉ ዬመከራ ሙከራ ቤት መሆናቸው ዕንባማው ዬኢትዮዽያ ቀን ከሁሉ በላይ – ያብሰለስለዋል። ሁሉ እያላቸው መተንፈሻቸው ታስሮ መረማመጃ መሆኑ ውስጡን – ይፈጀዋል።

እሱ ግን ዕንባማው የኢትዮጵያ ቀን እግዚአብሄር ዬተመሰገነ ይሁን እንጂ፤ ቅርባቸው ለመሆን – ቆርጧል። እነ አቤቶ አውሎውን ካላኩበት። ለነገሩ ዬእነሱ ነገር ምን ገና „አቡጊዳ ሳይደርሱ“  ይለቅማል በወጥመድ – አቤቶ ፈርኦናዊው ማኒፌስቶ፤ እቴ አምጡልኝማ ዬዛሬውን ዘመን ዬአርበኝነት ውሎ፤ ማነ ነው ዬሚሉት አያ? እ … መጣልኝ ሴት ብሎገሪስት፤ ሴት አክቲቢስት፥ አዎን እነሱንም ሳጥናኤል ልቅምቅም አድርጎ  – ከርቸሌ።

ህም፤ አንስት ያልተፈራ ማን ይፈራ? መቼስ አንስት ብቅ ስትል ዬሳጥናኤል ሰይፋ ጨንገር ተነስቶበት ልቡ ጥፍት እስኪል ድረስ ያስነካዋል። እንቱን -ን፤ ዛሩን ከሰጠሰጠ በኋላ፤ ያቺ በ20 ይሁን በ30 ዓመት ብቅ ዬምትል ዬምንቴ ትሁን ዬትዋቡ፤ ዬጣይቱ ትሁን ዬዘውዲቱ ብቻ ምንአለፋችሁ መረብ ዘርግቶ አደኑን ያጣድፈዋል። መቼስ ሴት ቀና ካለች ያክለፈልፈዋል – ስላችሁ። ይጐማጃል – ቅስሟን እንክትክት ለማደረግ። ስጋ ያዬ ጅብ ነው ዬሚሆነው። ጉምጅታም – አራዊት።

ወይ ፍዳ! ተሰጦዬን በብራና ላወራርድ ዬሚል ዬብዕር ጠብታን ብራና ላይ መሰስ ሲያደርገው – ቀለም ፈራሹ ዬፈርኦን ሰይፌ ጨንገር ክላሽን ያህል ፈርቶ ከርሸሌ ቀኑ ይሆናል፤ እስቲ ባለችኝ እንኮን ከእንባሽ ጎን ልቁም፤ አጋርሽም ልሁን፤ ባይሆን ዛሬ ዬዓንችው ዓይን ፍሰት ተግ ይበልልሽ፤ ተረኛ እኔ ልሁን ብሎ ሲሰለፍ „መሀይም ብሎ ፖለቲከኛ¡ መሀይም ብሎ ዬሐገር ተቆርቋሪ¡ ተብሎ ቀን ያሰለፈችው ትንታግ ከማህበረ ዬነፃነት አርበኝነት በፎርፌ፤ እሺ! እነኛ ያልተማሩ ከተባሉ፤ በቀለም በሰል ካሉት ሲባል ደግሞ ዬዓላማ ማህበራቸውን ዬቀራኒዎ ቀን። ዬኢትዮዽያ ቀን ውጋቱ ብዙ ነው። ለዚህ ነው ዬእማምዬ ዝናቧ እራሱ ዕንባ ዬሆነው። መሬቷም ልማቱ በዕንባ መስኖ። ልማታዊ – ቅብጥርሶ – ምንትሶ – ገለመሌ – ወለሜሌ የሚሉት እኮ ወስፋት ታስሮ ለ“ቁምራ“ አንጀት ለማትደርሰው የቆረባ ማስታገሻ ቁራሽ እኮ ነው። ለእሷም ሰዓት እላፊ ታውጆባታል አሉ። ምን መሽቶ ሲቲነጋ ዓዋጅ ነው ሲረቅ ውሎ የሚታድረው። አንቀጡ ቢዘረጋጋ አምላካችሁ አለ ምድሪቱን ባለበሳት።

አዎና የምድር ስጋጃ አንቀጥ በሰለጠነው የጫካ ተመክሮ። የአንቀጥ ገመድ፤ የአንቀጥ መረብ፤ የአንቀጥ ትሬኮላታ ኧረ ምኑ ተጨውቶ፤ የእነ እንቶፎቶ ስልቻ የቃሬዛ ስንብቻ፤  የአንቀጥ ካቴና። ትንፋሻቸው መስንበቻዋ እኮ የነጋሪት ጋዜጣ – በጋሬጣ።

ስደት እያገላበጠ እንደ ዶሮቄት ዬሚቆላው ዬኢትዮዽያ ቀን ተዚህም ዬት ሲቀርላት፤ ሥደቱ ቋያ፤ ዬፈርዖን ጀሌ ቋያ፤ ነገ ስለአንቺ ቀን ቆርጠናል፤ ታጥቀናል ዬሚለውም ባለችው መብት ለሌላው በገደብ፤ በደንበር፤ በወገን፤ በአድሎ፤ በአጋ፤ በደረጃ፤ በከፍና ዝቅ ተሰቅዞ ስደቱ ላይበቃው በግራ ቀኝ በውከባ ወበቅ ሲገረፍ … ዬኢትዮዽያ ቀን ዓይኑን ብቻ ሳይሆን አብራክንም ያዝና በላይም በታችም በምጥ ዬታጀበ ዕንባውን በጣምራ ሲለቀው ላዬ ምናኔ በስንት ጣሙ ያሰኛል። ለዚህ እኮነው የቅኔው ግሥ ብላቴ ሎሬት ጸጋዬ ገ/ መድህን የወንድ ልጅ ዕንባው ሆድነቱን የተቃኘው።

አልቃሻው ዬኢትዮዽያ ቀን መፍትሄ ዬሚባል መላዕክን ይመኛል፥ ይናፍቃል፥ ሽው ይለዋል፥ ይርበዋል ግን ይቻለው ይሆን? ህልም ፈቺ ከተገኘ? ውሸታም ያልሆነ ወይንም ያልሆነች። አደባባይን ውስጡ ያደረገ ወይንም ያደረገች ፥ ዬጓሮ ጉዞን ዬተጸዬፈ ወይንም የተጠዬፈች። ዕውን ተናፋቂው ዴሞክራሲ ጋር መምከር ዬቻለ ወይንም የቻለች።

ጨለማን ገፎ በጠኃይ የሚያንቆጠቁጥ፤ ብሩክ፤ ወይንም ደግሞ ወዘተረፈውን ካቴና እንኩትኩቱን ያወጣች ብርክት ምህረትን ከሸበላው ብሩህ ተስፋ ጋር ታኮመኩሙን ይሆን? … እስቲ ይርዳቸው አንድዬ እንደ – ዬመንገዳቸው ጠላታቸውን ሰብሮ የልብ – ለልብ የሚያደርስ ቀን ያምጣ። ከእቱ ከእናቱ የተጠጋውም ዓጤው ቀኖ ከዕንባው ጋር ፍቺ የሚመጣለት ንዑድ መላዕክ ይዘዝለት። አሜን!

መከራን የሚረታ፥ ፍቅራዊነትን የሚያንሰራፋ፥ በቀልን በምህረት አቅም ድል የሚያደርግ፥ የዕውነተኛ የተስፋ ቀን ፈጣሪ ይስጠን። አሜን!

ለአላዛሯ ኢትዮዽያ አዲስ ቀን ፈጣሪ አምላካችን መርቆ ይስጥልን። አሜን!

መሸቢያ ጊዜ፥ እግዚአብሄር ይስጥልኝ።

ወ/ሮ ሸዋረገድ ገድሌ

ወ/ሮ ሸዋረገድ ገድሌ በስማቸው እና በፆታቸው ሴት ናቸው ። በቆራጥነታቸው እና በጀግንነታቸው ግን የወንድነት ስም የተሰጣቸው ዝነኛ አርበኛ ነበሩ ። በሴትነታቸውም ቢሆን በዘመናቸው ከነበሩት ወይዛዝርት የበለጡ እንጂ ያነሰ ውይዝርና አልነበራቸውም ። በአርበኝነት ደግሞ እንኳን ለሴቶች ለወንዶች አርአያ የሚሆኑ ሙያ በማሳየታቸው በታሪክ ዓምድ የሚልቋቸው ወንዶች ጥቂቶች ናቸው ። ከፈጸሟቸው የጀብዱ ሙያዎች አንደንዶቹን ብናስታውሳቸው ለትውልድ ደስታ እና ኩራትን ያጎናጽፋሉ ።

ዘርይሁን ሹመቴ

ባሳለፍነው ቅዳሜና እሁድ የአርበኞች ግንቦት ሰባት ሊቀመንበር በቀጥታ በኔት ወርክ በ46 የአለማችን ከተሞች ለሚኖሩ ኢትዮጵያውያን ንግግር ማድረጋቸውና ለቀረበላቸው ጥያቄዎችም ምላሽ መስጥታቸው ታወቀ።

ከሊቀመንበሩ በተጨማሪም በበርሃ ለነጻነት የሚታገሉ አርበኞችም የትግሉን መንፈስ ፣ ትግሉን ፍሬያማ ለማድረግ የሚያስፈልገውን ቁርጠኝነትና ርብርቦሽ ከበረሃ በቪዲዮ የተቀረጸ መልክታቸውን ለተሰብሳቢዎች ማስተላለፋቸውንም መገንዘብ ተችሏል ።

ይህ በአይነቱ አዲስና ለየት ያለ ቁጥራቸው የበዛ በተለያዩ የአለም ክፍል የሚገኙ ከተሞችን በኔት ወርክ በቀጥታ በማገናኘት የተደረገው ህዝባዊ ስብሰባ በተሳካ መልኩ እንደተጠናቀቀ አዘጋጆቹ ገልጸዋል።

የንቅናቄው ሊቀ መንበር ፕሮፌሰር ብርሃኑ ነጋ በተለያዩ ከተሞች ይህንን ህዝባዊ ስብሰባ ከተካፈሉት ኢትዮጵያውያን የቀረበላቸውን ወቅታዊ ጥያቄዎች ረዘም ያለ ሰአት በመውሰድ  ምላሽና ማብራሪያ ሰጥተዋል።

በስብሰባው የተካፈሉት ኢትዮጵያውያን ከዚህ በፊት እንደዚህ ያለ በቁጥር በዛ ያሉ ከተሞችን በተመሳሳይ ሰአት ያካተተ ስኬታማ ስብሰባ አድርገው እንደማያውቁ አስተያየታቸውን ሲሰጡ ተሰምተዋል።

ወደ ትጥቅ ትግሉ የገባሁት እንደ ኢትዮጵያዊነቴና ለመላው ኢትዮጵያዊ እንጂ እንደ ህውሃት የጠበበ የዘር ፓለቲካ አንግቤ አይደለም በማለት ፕሮፌሰር ብርሃኑ ነጋ ታዳሚዎችን በአድናቆት የማረከ ንግግር ሲያደርጉ ተደምጠዋል።

ፕሮፌሰር ብርሃኑ ነጋ በተጨማሪም አገር የምትገነባው በሆደ ሰፊነት እንጂ በጠባብና በትእቢት አካሄድ እንዳልሆነ በቀጥታ ለሚከታተሉዎቸው ታዳሚዎች አስረድተዋል።

እሳቸው የሚመሩት ድርጅት የዘር ኩታን መሰረት በማድረግ የተዋቀረ እንዳልሆነ የተናገሩት ፕሮፌሰሩ ድርጅቱን ለመቀላቀል ዋንኛውና ድርድር የሌለው መስፈርት የሆነው ኢትዮጵያዊ መሆንና ኢትዮጵያ የሁላችን እንደሆነች መስማማት እንደሆነም አረጋግጠዋል።

የድርጅቱ በተለያዩ የስራ ሃላፊነት የሚገኙ አመራሮችም ከታዳሚዎች ጋር በመሆን የሊቀመንበር ፕሮፌሰር ብርሃኑ ነጋን ቀጥታ የጥያቄና መልስ ዝግጅት በተጋባዥነት እንደተከታተሉና ተጨማሪ ማብራሪያዎች እንደሰጡም ሪፓርቶች አመልክተዋል።

በተለያየ አገራትና ከተሞች የታደሙት ተሰብሳቢዎች የወያኔን አገዛዝ ለማስወገድ የተጀመረውን የነጻነት አርበኞች ቁርጠኛና እልህ አስጨራሽ ትግል ለመደገፍ የገቢ ማሰባሰቢያ ፕሮግራሞች ማድረጋቸውም ተጠቅሷል።

ሁሉም ከተሞች በእያንዳንዱ ከተማ እየተደረገ ያለውን የጨረታና የገቢ ማሰባሰቢያዎች በቀጥታ የኔት ወርክ ዘዴ በስክሪን እንዲከታተሉ የተደረገው ጥረት ስኬታማ እንደነበረም ተገልጻል ።

የገቢ ማሰባሰቢያ ጨረታው በአንድ መሰብሰቢያ አዳራሽ በተገኙ ታዳሚዎች መካከል ከመሆን አልፎ በበተለያዩ የአለም ከተሞች በሚገኙ ኢትዮጵያውያን መካከል በሚያስደንቅ የፉክክር መንፈስ በስኬት መደረጉ በርግጥም የአርበኞች ግንቦት ሰባት ድርጅታዊ መዋቅሩ እጅግ ጠንካራ እንደሆነ ያሳየ ነበር።

የድርጅቱ በድስፕሊን መብሰል ፣ በትጋት ለአንድ አላማ በጸናት መቆምና ወጥ የሆነ ድርጅታዊ አሰራር ሂደት ይህንን ከዚህ በፊት ተተግብሮ የማይታወቀውን በተለያዩ የአለም አገራት ከተሞች የሚኖሩ ኢትዮጵያውያንን በተመሳሳይ ሰአት ያሳተፈ ስኬታማ ህዝባዊ ስብሰባ እንዲደረግ እንዳስቻለው የዝግጅቱ ግብረ ሃይል ገልጸዋል።

26ኛው ዙር ወጥቷል!    ሀብታም ጋቢ ተከናንቧል!   ገንዘብ በአገሩ ጠፍቷል!

ጤና ይስጥልኝ ጌታዬ!

ገረመው እባላለሁ፡፡ እሳት የላስኩ የፊንፊኔ ደላላ ነኝ፡፡  ምስጉን ‹‹ጉዳይ ገዳይ›› ስለመሆኔ እግዜርም ሰይጣንም ያውቃሉ፡፡ ኪራይ ሰብሳቢ መሆኔን ድሪባም ኩማም ያውቃሉ፡፡

ዉሎና አዳሬ ‹‹ብሔራዊ››፣ ጠባዬ የባሕታዊ፣ ‹‹ላየን ባር›› ቤቴ፣ ‹‹ቴሌ ባር›› ግዛቴ…፡፡

ጥሎብኝ አልረጋም፡፡ ካዛንቺስ ነው ሲሉኝ ሳሪስ፣ ቀበና ነው ሲሉኝ ባምቢስ…ሄሄሄ የዛሬ ደላላ ምን ቀልብ አለው ብለው ነው!!

እርስዎ ግን እንዴት ነዎት?

ቢዝነስ ጥሩ እንዳይደለ አይንገሩኝ ጌታዬ! አውቀዋለሁ፡፡ ሥራ ጠፋ አይበሉኝ፣ እረዳለሁ፡፡ እርስዎ ጋ ብቻ አይደለም! ሁሉም ጋ ነው፡፡ እውነት ለመናገር አስደንጋጭ የኢኮኖሚ መቀዛቀዝ ነው ፊንፊኔን የገጠማት፡፡ ዜና ስለማይከታተሉ ነው እንጂ ይህ ነገር በተቀረው ዓለም አዲስ አይደለም፡፡ እንኳን ፊንፊኔን ግሪክም ይሄ ነገር ገጥሟት ያውቃል፡፡ እርስዎ ጋዜጣ ስለማያነቡ ይሆናል ያላወቁት፡፡ ይቅርታ ያርጉልኝና እርስዎ ገንዘብ እንጂ ዜና መቼ ይከታተሉና፤ ለዚያ ይሆናል ያልሰሙት፡፡

በብዙ አገር ኢኮኖሚ ላሽቆ ያውቃል፡፡ አዲስ ነገር አይደለም፡፡ በፊንፊኔም የኾነው ይኸው ነው፣ ሌላ አይደለም፡፡

ልንገርዎታ!

ለምሳሌ የካልዲሷ ወይዘሮ ፀደይ አስራት የአራት ኪሎ ቅርንጫፏን ዘግታለች፡፡ አብዛኛው ካልዲስ አፉን ከፍቶ ነው የሚዉለው፡፡ ሥራ የለማ! ሸዋ ዳቦዎች የኢሊያና ሆቴሉን ቢሎስ ኬክ ቤት ድርግም አርገው ዘግተዋል፡፡ ገበያ የለማ! አሁን ኬኩን ትተው ዳቦውን በጥሞና እየሸጡት ይገኛሉ፡፡ እውነቴን ነው!

ደሞ ልንገርዎ!

ይሄ ጌቱ ገለቴ ዱባይ ከኢሚሮች ጋ በዉስኪ ቢራጭ አይግረምዎ! የጌቱ ኮሜርሻል ተከራዮች በገበያ እጦት በአሁን ሰዓት በእንባ እየተራጩ ነው የሚገኙት፡፡ የመገናኛው ዘፍመሽ ላይ ዝር የሚል ወፍ ጠፍቷል፡፡ ደንበል እንዲሁ ጧት ይከፈታል፣ ማታ ይዘጋል፡፡ የመርካቶ ነጋዴዎች አይሱዙ ላይ እቃ የሚያስጭን ነጋዴ ቢጠፋባቸው ስልካቸው ላይ ጌም እያስጫኑ ነው፡፡ ሥራ የለማ! እያዛጉ እስክስታ ሆኗል እኮ ነገሩ፡፡

ከሁሉም ከሁሉም ባንኮች አንጀት ይበላሉ፡፡ ደንበኞቻቸው ጋር እየደወሉ ገንዘብ አስቀምጡ ይላሉ፡፡ በሌለ ገንዘብ፡፡ ጉም በኾነ ገንዘብ፡፡

ጌታዬ! ዛሬ እንኳን ያበደሩት ይቅርና ካርድ ያጎረሱት ኤቲኤም ማሽን ብር መስጠት አቁሞ የለም እንዴ!! በፊት በፊት No network ነበር የሚለው፡፡ አሁን አሁን No Money ማለት ጀምሯል፡፡

ፊንፊኔ እኮ ተቀዛቅዛ ተቀዛቅዛ የጎርደን በረዶ ኾናለች፡፡ ብር የገባበት አልታወቀም፡፡

የሚገርም ጊዜ ነው!! ሀብታሙ ከድሀው እኩል የሚያለቅስበት ጊዜ ላይ ደረሰናል፡፡

ለምሳሌ የኔ ደንበኞች በሙሉ ንብረት አላቸው፡፡ ብር ግን የላቸውም፡፡ ሁሉም ንብረታቸውን ወደ ብርእንድቀይርላቸው ይማጸኑኛል፡፡ ያልተረዱኝ ግን በአሁኑ ሰዓት በፊንፊኔ ሁሉም ገዢ ወደ ሻጭነት መቀየሩን ነው፡፡አሃ! ሰው ሁሉ ሻጭ ከሆነ ገዢው ማን ሊሆን ይችላል?

ለምሳሌ ባልደራስ ሦስት መኝታ ኮንዶሚንየም አንድ ነጥብ አምስት ሚሊዮን ከሸጥኩ ሦሰት ወር አልሞላኝም፡፡ አሁን በስምንት መቶ ሺ ጥንቡን ጥሏል፡፡ ለምሳሌ ሲኤምሲ አንድ ቅልብጭ ቪላ 6 ሚሊዮን ያወጣ ነበር፡፡ አሁን አምስት የሚቆጥር ጠፋ፡፡

አትላስ መደዳ አስፋልት የሚያዩ ባዶ ቦታዎች በሙሉ በ25 ሚሊዮን የቸበቸብኳቸው እኔ ገረመው ነኝ፡፡ ዛሬ በ20 ሚሊዮንም ዞር ብሎ የሚያያቸው ጠፍቷል፡፡ የአቶ የማነ ካፒታል ሆቴል ይሸጣል! የፊንፊኔ አብዛኛው ጅምር ፎቅ ይሸጣል፡፡ ማን ይግዛው!!

አያት ሪልስቴት ቤት ገዢ አጥቶ ልመና ገብቷል፡፡ እንዳውም በአሁኑ ሰዓት ያልተገነባ ሪልስቴት በነጻም ዉድ ነው እየተባለ ነው፡፡ የሚገርም ነገር እኮ ነው የኾነው!

በገጠር አምስት ሚሊዮን ወገን ድርቅ መታው ይባላል፡፡ የከተማውን ማን አየ!! ለሐብታም ረሐብ ማለት የሚላስ ዳቦ ማጣት እንዳይመስልዎ! የገበያ ድርቅ ከመታው ማንኛውም ሐብታም ይቆረፍዳል፤ ይቆራመዳል፣ ይጃጃል፣ ይፋጃል፡፡ 

በዚህ መሐል ነው እንግዲህ ኦቦ ድሪባ ኩባ ጨረታ ያወጡት፡፡ አልሰሙም ይሆናል ጌታዬ! 26ኛው ሊዝ የመሬት ጨረታ ወጥቷል እኮ! እና ምን ይጠበስ ነው ያሉኝ??

የደወልኩላቸው ደንበኞቼ ሁሉ እንዲያ ነው ያሉኝ፡፡ የሊዝ ጨረታ መዉጣቱን ስነግራቸው ጆሮዬ ላይ ስልክ የዘጉብኝ አሉ፡፡ አሃ ልክ ነዋ! አይፈረድባቸውም፡፡ አልተቀየምኳቸውም፡፡ በዚህ ሰዓት ገዢ መሆን የሚፈልግ ማን አለ!! እንኳን ቤት መሬቱ የባህር ትራንዚቱ ለገበያ ቀርቦ የለም እንዴ!!!!

ጌታዬ!!

በሳምንት ሦስት ጊዜ መታተም የጀመረው አዲስ ልሣን ጋዜጣ ማክሰኞ ለታ 176 ኪስ ቦታዎች ለገበያ መቅረባቸውን በፊት ገጹ ያበስራል፡፡ ለኔ ግን መርዶ ነው፡፡ ለደንበኞቼም እንዲሁ፡፡ በዚህ ሰዓት ማን ነው ገንዘቡን በትኖ መሬት የሚቀራመት፡፡

እኔ ግን 26ኛ ዙር ጨረታ ወጣ ቢሉኝ ጥያቄ አለኝ እልኩኝ፡፡ ለኦቦ ድሪባ!! የ25ኛው ዙር መቼ ተሸጠና፣ ለ24ኛ ዙር ማን ከፈለና፡፡ አዳሜ ይሄን ገንዘብ በጨረታ ፎርም ሞጅራ ሞጅራ ክፈል ስትባል አይደለም እንዴ ፈሷን ጥላ የጠፋችው!! ፎርም ላይ ብዙ ዜሮ መጻፍ ቀላል ነው፡፡ ቼክ ላይ ነው ከባድ፡፡

እርስዎ ግን እንዴት ነዎት ጌታዬ!!

ትዝ ይልዎ እንደሁ ባለፈው ጊዜ በአሜሪካን ግቢ ጉድ ተሰምቶ ነበር፡፡ ጣሊያን ወርቅ ቀብሮ የተሰወረ እስኪመስለን ድረስ ለቁራሽ መሬት ሚሊዮን ሲከሰከስ ነበር፡፡ ያ ለካሬ 355ሺ 500 ብር ሰጥቶ አገር ጉድ ሲያሰኝ የነበረው ጋርደን ሪልስቴት አሁን የገባበት አልታወቀም፡፡ እውነቴን ነው!! ለጨረታ ማስከበርያ ያስያዘው አራት መቶ ሺህ ብርም ቀልጧል፡፡ ቦታውም ለድጋሚ ጨረታ ቀርቧል፡፡

ጋርድን ሪልስቴት ብቻ መሰልዎ እንዴ እምጥ ይሁን ስምጥ የገባበት ያልታወቀ?? ኸረ ብዙ ናቸው፡፡ ለምሳሌ ከርሱ ጎረቤት እንጅሎፕ ኃላፊነቱ የተወሰነ የግል ማኅበር ለ964 ካሬ ቦታ ለአንዲት ካሬ 311ሺህ 500 ብር አቅርቦ አሸንፎም ነበር፡፡ ዉሰድ ሲባል ግን ጠፋ፡፡ ለጨረታ ማስከበርያ ያስያዘው 3መቶ ሺህ ብር ቀልጧል፡፡ ቦታው ለድጋሚ ጨረታ ቀርቧል፡፡ 

እዛው ሰፈር አቶ ሙዘሚል መሐመድ አሕመድ ለ343 ካሬ ቁራሽ መሬት ያቀረቡት ዋጋ አነጋጋሪ ኾኖ ነበር፡፡ ቦታው አሜሪካ ግቢ የሚገኝ ቢኾንም አሜሪካን አገር የሚገኙት የአቶ ሙዘሚል ዘመዶች ሳይቀሩ ሰውየውን “አብደዋል ወይ!፣ እዚህ እኛ አገር እንኳ ለመሬት እንዲህ ውድ ብር አይቀርብም” ብለው ስለኮነኗቸው ያስያዙትን መቶ ሺ ብር ቀልጧል፡፡ ቦታውም ለድጋሚ ጨረታ ቀርቧል፡፡

ጌታዬ! ያ የእብደት ዘመን ያበቃ ይመስላል፡፡ አሁን ሌላ ታሪክ የምንሰማበት ወቅት ነው የሚኾነው፡፡

ከትናንት በስቲያ ከአስሩ ክፍለ ከተሞች ሰባቱ መሬት አቅርበዋል፣ በርከት ያለ መሬት ነው ታዲያ! በድምሩ 176 ቦታዎች ገበያ አልወጡም ብለው ነው?!

በንፋስ ስልክ ላፍቶ 18 ቦታዎች፣ በቦሌ ወረዳ 9 እና 10 አያትና ጎሩ እንዲሁም ቦሌ ለሚ አካባቢ የሚገኙ 94 ቦታዎች፣ በኮልፌ ወረዳ 7 እና ወረዳ 3  የሚገኙ 23 ቦታዎች፣ በየካ ወረዳ 1 እና ወረዳ 3 የሚገኙ ስፋታቸው 150 ካሬ የሆኑ  ዘጠኝ ቦታዎች፣ በአዲስ ከተማ ክፍለ ከተማ ወረዳ አንድና ወረዳ 10 የሚገኙ 13 ቦታዎች፣ በቂርቆስ አፍሪካ ኅብረትን የሚጎራበቱና ስፋታቸው 1300 ካሬ የሚኾኑ ሁለት ቦታዎች፣ በልደታ ወረዳ 10 የሚገኙ ስፋታቸው አንድ ሺ ካሬ የሚሆኑ 2 ቦታዎች፣ በአቃቂ ቃሊቲ ወረዳ 4 እና ወረዳ 9 ገላን ኮንዶሚንየም አካባቢ የሚገኙ 13 ቦታዎች ለገበያ ቀርበዋል፡፡

መሬት እንዲህ እንዳሁኑ በርከት ብሎ እንደ ቲማቲም ለገበያ ሲቀርብ ይረክሳል ብለን እንጠብቃለን፡፡ ቸር ወሬ ያሰማን!

ደጋግሜ እንደነገርክዎ እኔ ገረመው በፊንፊኔ መሬት ጥርሴን ነቅያለሁ፡፡ አሁን ግን ሥራ አጥቻለሁ፡፡ ሥራ ያጣ ቄስ ቆቡን ቀዶ ይሰፋል፡፡ ሥራ ያጣ ደላላ ምን ያደርጋል?

ጌታዬ! በኔ በኩል ስንቅ መቋጠር ቢያቅተኝ ስንኝ እቋጥራለሁ፡፡ ለዚህ ክፉ ዘመን ብቀኝ ማን ምን ይለኛል!!

ንብረት ጥንቡል ጣለ፡፡

ሻጭም ጨርቁን ጣለ፡፡

ገንዘብ የት ነህ ቢሉት ጉም ኾኛለሁ አለ!

ገረመው ገረመው ለምን ትለኛለህ!

ገንዘብ ያልገረመው የት አይተህ ታውቃለህ፡፡

ደላላው ደላላው ለምን ትለኛለህ

ገንዘብ ያልደለለው ማን አይተህ ታውቃለህ!

ጌታዬ! እንደኔ የሚደለል ጠፍቶ የሰው ፊት ከማየት ይሰውርዎ!!!

ገረመው ግዛው ነኝ (ከላየን ባር)

Home Home ፕሮፌሰር አንድርያስ እሸቴ በፅኑ ህመም ሆስፒታል ናቸው
ፕሮፌሰር አንድርያስ እሸቴ

ዋዜማ ራዲዮ- ከኢትዮጵያ አንጋፋ ምሁራን አንዱ የሆኑትና በተለያየ ሀላፊነት መንግስትን ያገለገሉት ፕሮፌሰር አንድርያስ እሸቴ በፅኑ ታመው በሆስፒታል አልጋ ላይ እንደሚገኙ የዋዜማ ምንጮች ተናግረዋል።
ፕሮፌስር አንድርያስ ስሞኑን ያረፉት የወዳጃቸው የዶር ገብሩ መርሻ ሞት አልተነገራቸውም።
በተማሪ ንቅናቄ ንቁ ተሳታፊ የነበሩትና በብሄር መብት ጉዳይ ተሟጋችነታቸው የሚታወቁት ፕሮፌሰር አንድርያስ የአንድ ልጅ አባት ናቸው። ከሽግግር ዘመን ጀምሮ ለገዥው ፓርቲ ህገ መንግስት በማርቀቅና በማማከር ከፍተኛ ተሳትፎ ያደረጉት ፕሮፌሰር አንድርያስ የአዲስ አበባ ዩንቨርሲቲ መምህርና ፕሬዝዳንትም ሆነው አገልግለዋል። በቅርብ አመታትም የሟቹ ጠቅላይ ሚንስትር መለስ ዜናዊ አማካሪ ሆነው ሲሰሩ ነበር።
በፖለቲካ አቋማቸው ቀላል የማይባል ውግዘት የሚቀርብባቸው ፕሮፌሰር አንድርያስ ላመኑበት አላማ በመቆም ፅናታቸው ምስጋናም አላጡም። በምሁራዊ ብቃታቸውም አንቱታን አግኝተዋል። ፕሮፌሰር አንድርያስ ከዚህ ቀደም ከገጠማቸው ብርቱ ህመም ውጪ ሀገር ሄደው በመታከም ማገገማቸው ይታወሳል። አብዝተው ሲጋራ በማጨስ የሚታወቁት አንድርያስ ያለፉትን ወራት በተደጋጋሚ ሲታመሙ እንደነበርና ያሁኑ ግን ጠንከር ያለ መሆኑን የቅርብ ወዳጆቻቸው ይናገራሉ።

ሙሉቀን ተስፋው

በከተማ አስተደደሩ ፖሊስ ጽ/ቤት ውስጥ ሾልኮ የወጣው መረጃ እንደሚያመለክተው ባለፉት ስድስት ወራት ጊዜ ውስጥ ብቻ ማንነታቸው ያልታወቁ 112 ሰዎች በጥይትና በድብደባ ተገድለው ተገኝተዋል፡፡ ከዐማራ ልዩ ኃይል ፖሊስ ደብረ ታቦር ምድብ እና የከተማ አስተዳደሩ ፖሊስ ጽ/ቤት ካሉ ሠራተኞች ማረጋገጥ እንደተቻለው በርካታ ሰዎች በተለያዩ የከተማዋ አካባቢዎች ተገድለው ተገኝተዋል፡፡ መረጃውን የሰጡን የፖሊስ አባላት ‹‹ከዚህም ቀደም አፍልፎ አልፎ ሰዎች ሞተው የሚገኙ ቢሆንም ሕዝባዊ ተጋድሎው ከተጀመረበት ከነሐሴ ወር ወዲህ ግን የሚገደሉ ሰዎች ቁጥር አሳሳቢ በሆነ መልኩ ጨምሯል›› ብለዋል፡፡

በዶ/ር ፍቅሬ ቶሎሳ የተጻፈዉ   “የኦሮሞ እና የአማራ እውነተኛው የዘር ምንጭ”   መጽሃፍ  ሰውን ለሁለት ከፍሎ እያወያየ ና እያከራከረ ነው። ሂደቱም  ቀጣይነቱ የማይቀር

ነው።እኔም ባለፈው በፃፍኩት ጽሁፍ (ሃላፊንት የጎደለው ና ሞያዊ ያልሆነ ስራ በመረራስ አማን በላይ ና በዶ/ር ፍቅሬ ቶሎሳ, http://www.zehabesha.com/amharic/archives/71138)፤ ዶ/ር ፍቅሬ ቶሎሳ መጽሃፉን ለመጻፍ የተጠቀመበት ና በመረራስ አማን በላይ ተገኘ የተባለው ‘’ጥንታዊ’’ ብራና በእዉነት ካለ መመርመር አለበት ብየ  ከመሰረታዊ የጥናት ና ከምርምር ጽንሰ ሃሳብ በመነሳት ሃሳቤን ገልጫለሁ። ይህ ሃሳቤ  እንዳለ ሆኖ መጽሃፉን ሳነብ ይጠቅማሉ ያልኳቸዉን አቀርባለዉ። የጽሃፊዉ ሃሳብ ተቆርጦ እንዳይቀር ስል ሙሉ አንቀጾችን ከመጽሃፉ በቀጥታ እወስዳለዉ።

1-ኦሮሞኛን በላቲን ፊደላት ስለመጻፍ

 “…ለዘለቄታውም መታሰብ አለበት፡፡ የኦሮምኛ ተናጋሪ ሕዝብ ቁጥር በጣም በርካታ ስለሆነ ካናዳ ውስጥ እንግሊዝኛንና ፈረንሳይኛን የሥራ ቋንቋዎች አድርገው እንደሚሠሩባቸው በኢትዮጵያ ውስጥም ከአማርኛ ጎን ለጎን ኦሮምኛ ሁለተኛው የፌዴራሉ መንግሥት የሥራ ቋንቋእንዲሆን ሊታሰብበት እና ጥቅምና ጉዳቱ በተጨባጭ እየተመዘነ፣ አዋጭነቱ በሳይንሳዊ መንገድ እየተጠና፤ አማርኛን እንደ ሁለተኛቋንቋቸው በተቀበሉ እንደ ደቡብ ክልል ባሉ ሕዝቦች ላይ ጭነት አለመሆኑም በደንብ አየተረጋገጠ በጥንቃቄ ሊመከርበት ይገባል፡፡ ይህ ጉዳይ ባንድ ቀን ጀንበር የሚፈጸም ሣይሆን አዲስ ቋንቋን ለመማር በቂ ጊዜ ስለሚያስፈልግ ዓመታት ሊወስድ ይችላል፡፡ ከዚህ ጋር ተያይዞ አሁን እጂግ አስፈላጊና አንገብጋቢ የሆነው የፊደሉ ጉዳይ ነው፡አሮሞ ያልሆኑ የቋንቋው ተናጋሪዎች በኦሮምኛ ለመጻፍ በላቲን ፊደል እንዲጠቀሙ ሊገደዱ ነው? ‘’ጊዜና ገንዘብ ከሚያባክነው ከላቲኑ ፊደል ይልቅ ቆጣቢ፣ ቀልጣፋና ምቹ በሆነውና በምናውቀው ባገራችን ፊደል እንጽፋለ’’ቢሉ  ምን ሊደረጉ ነውን ? በባእዳን ፊደል የሚጽፉ በቅኝ ገዢዎች ሲገዙ የነበሩና አማራጭ ያልነበራቸጡ ሕዝቦች ናቸው። እኛ በጀግኖች አባቶቻችን ደም እና አጥንት ነዓነታችን ተከብሮልን የኖርንና አኩሪ ቅርስ የሆነ የራሳችን ፊደል ያለን ሕዝቦች እንደነሱ ልንሆን አይገባምዘ ብለው ቢቃወሙ ምን ሊባሉ ነውን ¿ይህ መሠረታዊ ጥያቄ ባግባቡ መልስ ሊያገኝ እንጂ እንደ ዎዛ ሊታለፍ አይገባም፡፡……”

ይሄ  እጅግ ጠቃሚ መልእክት ነው።አማርኛ ከሌሎች ቋንቋወች የሚለየው በፊደላት ድምጽ ላይ መመስረቱ ነዉ።ይሄ ደግሞ በላቲን ፊደላት  ሲጻፉ  ብዙ ፊደላትን የሚፈልጉ ረጅም ቃላት በአጭሩ ለመጻፍ ያስችላል ።ኦሮሞኛም በላትን ፊደላት ሲጻፍ ደግሞ  ብዙ  የሚደጋገሙ ፊደላት ይበዛሉ። ይሄን ለይቶ ማወቅ ደግሞ ትልቅ ራስ ምታት፣ ሌላ ተጨማሪ የቤት ስራ ነው።በተለይ  ረጃጅም  የሳይንስ ና ቴክኖሎጅ ቃላትን እንጻፍ ከተባለ ደግሞ ሲጽፉ ዉሎ ማደር  የማይቀር ነው። በተዘዋዋሪ ባገራችን ፊደል መጠቀም የህትመት ወጭ ይቀንሳሉ።በእጅ ለመጻፍም ድካም ይቀንሳል።ጽሃፊዉ ይሄን በገጽ 104-109 ላይ በምሳሌ በደንብ  አስረድተዋል። ጽሃፊዉ በቃላት አላስቀመጡትም አንጅ  (ጽንሰ ሃሳቡን ገልጸዋል) ፤ የአማርኛ ፊደላትን ያወቀ ሁሉ የአማርኛ  ቃላትን ያልስተት  መጻፍ (ያለ spelling ስህተት) ና ማንበብ ይችላል ማለት ነው።ትልቅ ግልግል ነው።ስለዚህም ከቋንቋ አንጻር አማርኛ ማንበብ ና መጻፍ ለሚችሉ ኢትዮጵያዉያን ኦሮሞኛ በላቲን ከመማር ትግርኛ መማር አጅግ ይቀላል።ምክኒያቱም ያለምንም ጊዜ ማጥፋት ና ያለምንም ፈተና ቃላትን መጻፍ ና ማንበብ ይችላሉና።ቋንቋ እንደ ሸቀጥ ነዉ፣ገዥ ካልወደደዉ፣ከልተመቸዉ ግዛ ተብሎ አይገደድም።

2- ስለ ጡት መቁረጥ

“….የአዔ ምኒልክ ወታደሮች አብዛኞቹ ክርስትያኖች ነበሩ።ጡት መቁረጥ በሻሪያ የሚተዳደሩ የአረቦች ባህል እንጂ የኢትዮጵያውያን አይደለም፡፡ ስለዚህ ክርስትያኖች  የአዔ ምኒልክወታደሮች የገዛ የሀገራቸውን የተከበሩ ሴቶች ጡት ቆረጡ ማለት ፍጹም የፈጠራ ወሬ እና ለስሚው ግራ ነው። እኔ በአደረኩት ምርምር ይህን የሚያረጋግጥ አንድም ሰነድ አላገኘሁም፡፡ ርካሽ ጥላቻን ለመንዛት ይህን ለህዝብ ምንም ጥቅም የሌለውን ሃውልት የአቆሙት ፓለቲከኞች  ይልቅ ለሀዝባቸው የሚፈይዱ ፋብሪካዎች ቢያቆሙላቸው ከድህነት ይላቀቃሉ ይህን የጥላቻ ሃውልት ነቅለው ፋይዳ ያላቸው ፋብሪካዎች ለሀዝባቸው አንዲተክሉላቸው በዚህ አጋጣሚ አመክ ራቸዎለሁ፡፡ ሌላው ስለ አዔ ምኒሊክም የተነዛ ሃሰት 5 ሚልየን ኦሮሞዎችን ፊጁ የሚል ነው፡፡ ይሀም ከእውነት የራቀ ነው፡፡ በዛ ጌዜ የነበረው ጠቅላላው የኢትዮጵያ ህዝብ ግፋ 10 ማሊዎን የሚደርስ ነበር፡፡10 ማሊዎን ከተገደለ ምን ሰዉ ተረፈ? ደግሞስ ጀግናው የኦሮሞ ህዝብ ዝም ብሎ አንገቱን ለእርድ የሚጋብዝ ነበር እንዴ ቢያንስ በአልሞትፀባይ ተጋዳይነት አይዋጋም ነበር እንዴ?  የአሮም ህዝብ የማይበገር ጦረኛ እና ጀግና ስለነበር ተዋግቶ ለራሱ ይመክታል እንዲሁም ይገላል እንጂ በዝምታ እንደ በግ አይታረድም ነበር። ስለእዚህ የአፄ ምኒልክ ሰራዊት 5ሚሊዎን ኦሮሞዎች ፈጅተዎል የሚለው ወሬም ለርካሽ ፕሮፓጋንዳ የተተረተ ነው፡፡ ልክ እንደ የወላይታ ንጐሥሀ ጦና እና የከፋው ንጉስ ጋኪ ሼሮቾ ሰራዊቶች የሚኒልክን መስፋፋት በመቃወም የተቃወሙት ኦሮሞዎች ላይ ግድያ መፌፀሙ  እሙን ቢሆንም 5ሚሊዎኖች ተገደለ ማለት ወሰን የሌለው አጋኖ ነዉ፡፡…”

ጭንቅላት ያለዉ ስዉ መቸም ይሄን የዉሸት ዉንጀላ ይቀበላል ብሎ ማሰብ ይከብዳል። 5 ሚልየን ሰው ለመግደል ፤  ሚኒልክ ስንት ሚሊየን ወታደር ነበረው? ምን አይነት ዘመናዊ መሳሪያ  ነበረው?። ጦርነቱስ ለስንት አስርት ወይም መቶ  አመታት በካሄድ ነዉ? ብሎ መጠየቅ ያስፈሊጋል።ሰው ደግሞ ከባህሉ ዉጭ ድርጊት አይፈጽምም።በጭንቅላቱ ዉስጥ የሌለን ነገር ከየት ያመጣዋ።። ለምሳሌ አይሁድ ሰውን በመስቀል ላይ የመስቀ ባህል ነበራቸዉ። እየሱስንም በዛው ባህላቸው ሰቅሉት። በኢትዮጵያ ባህን ጡት መቁረጥ በየትኛዉን ባህል የሌሌና የልተመዘገበ ነዉ።ታዲያ ሚኒልክ ከየት ያመጣዋል? ክርስቲያኑ ሚኒልክ  ቁጭ ብለው  አስበዉ ና አውርደዉ ይሄን ፈጠሩቱ ማለት እብደት ነው።

3-ስለ አማራ

“….በአዲሱ የኦሮምያ ፖለቲካ ካርታ መሰረት ጎጃምና ጎንደር ብቻ ናቸው ለአማራ የተወሰኑት፡፡ አማሮች በመላ አገሪቱ ስለሚኖሩ ሰፋ ያለ ምርጫ ቤ ተሰጣቸዉ  በነዚህ በሁለቱ አካባቢዎች ብቻ ራሳቸውን የሚገድቡ አይመስለኝም፡፡ መላዋ ኢትዮጵያ የኛ ናት ብለው ነው አማሮቸ የሚያስቡት፡፡ ምክንያቱም ባለፉት 3ዐዐዐ ዓመታት  ውስጥ በውትድርና ሙያቸው መንግሥታትን ሲጠብቁ አና የአገሪቱን ዳር ድንበርና የግዛት አንድነት ሲያስከብሩ ጠንካራ የኢትዮጵያዊነት ና ብሔራዊ ስሜት ገንብተዋል። ለኢትዮጵያ ሀገርነት መኖር ሌሎቹ ኢትዮጵያውያን የፊዐሙት ታላቅ ጀብድ አንደ ተጠበቀ ሆኖ፥ ስለእውነት ብለን እውነት ብንናገር በኢትዮጵያ ነጻነት ሳይ አማሮች የመሪነት ሚና ባይጫወቱ ኖሮ ቅኝ ገዢዋ ጣልያን ኢትዮጵያን በቀላሉ ድል አድርጋ ለመያዝ በቻለች ነበር፡፡ የዚህም ምስክሩ ጣልያን ናት፡፡ የአማራን ወሳኝ ሚና በመረዳትዋ ጣልያን ከሁሉም በፊት አማራንና ተዋሕዶ ሃይማኖታቸውን ነበር ለማጥፋት የተነሳችዉ፡፡ አማሮች ከተበታተኑ ኢትዮጵያም እንደምትበታተን ጣልያኖች በሚገባ ያውቁ ነበር፡፡ ኢትዮጵያን አዳክመዉ ለመቆጣጠር የሚሹ ከባህር ማዶ የመጡም ሆኑ የውስጥ ኃይሎች ሁሉ ይህንኑ አድርገዋል። የአማራ ጠላት የበዛውም ለዚሁ ነው፡፡ ይህ ማለት ግን የኦሮሞ አርበኞች እና ሌሎችም ነፃነት ወዳድ ኢትዮጵያውያን አገራቸውን ለመጠበቅ ያደረጉትን የጀግንነት ተጋድሎ ማሳነስ አይደለም፡፡…..”

ጠላቶቻችን እንኳን የጥንካሬ መሰረታችን ወይም ምሰሶ የትላይ አንዳለ አውቀው በተዘዋዋሪ እየነገሩን ነዉ፡፡ይሄን  በቁጥር የሚያረጋግጥ በፕ/ር መስፍን ወልደ ማሪያም “መክሸፍ እንደ ኢትዮጵያ ታሪክ” መጽሃፍ  ገጽ 129  ላይ ሰፍሮ ይገኛል።ፕ/ር መስፍን  መረጃዉን የወሰዱት ከጣሊያናዊዉ የታሪክ ጸሃፊ አልበርቶ  ሳባኪ (Ethiopia under Mussolini የሚለዉን መጽሃፍ   የጻፈ) ነው ።የጣሊያኖች የአርበኞች ቁጥር ስርጭት ግምት ከታች ባለው ሰንጠረዥ ሰፍሯል።  ከሰንጠረዡ አንደምናየዉ ከሆነ ጣሊያኖች በጎጃም ና በበጌምድር  ላይ  የጠበቁት የአርበኞች ቁጥር (95,500) ከቀሪው (23,850) በ4 እጥፍ ይበልጣል፡፡  ይሄ ያስመሰግናል እንጅ  እንዴት ያስወቅሳል? በጋራ የሰራዉን ቤት ምሰሶ አፍርሶ ቤት ይኖረኛል ብሎ የሚያስብ አላዋቂ ብቻ ነው።  ይደክማል ደግሞ አንጅ ምሰሶዉም አይፈርስም።ሩቅ ሳንሄድ ወያኔ 25 አመት ለፍቶ አልቻለም።ቢሆን ኖሮ  ድሮ ድሮ ይፈርስ ነበር።

4- ስለ ቋንቋ እና የባህል  ተዕኖን

“…የቋንቋ እና የባህል ተዕኖን በተመለከተ እውነቱን ለመናገር አማራው ኃይልን ወይም ሕግን ተጠቅሞ ቋንቋውን እና ባሕሉን አማራ ባልሆኑ ላይ ፈጽሞ በግድ አልጫነም፡፡ ቢፈልግ እንኳ እንዲህ ዓይነት  ተፅእኖ ለማሳደር የሚያስችል የመንግሥት ሥልጣንም እማራው ይዞ አያውቅም። ከሁሉም በላይ ደግሞ እንዲህ ዓይነት ተፅዕኖ ማሳደር ተፈጥሮአዊ ባሕሪው አይደለም፡፡ ቋንቋውንና ባሕሉን ሌሎች የተጠቀሙበት በፈቃዳቸው ነው እንጂ በግድ አይደለም።…..””

እዚህ ላይ  አንድ ነግር ላንሳ። አንድ አንዶች ኢትዮጲያዊነት ሳንፈልግ ተጭኖብን ኖረናል ብለዉ ያላዝናሉ። አንግዲህ የኢትዮጲያዊነት በህላችን መገለጫ አንዱ ሁላችን የሚያግባባን አማርኛ ቋንቋ ነዉ። ክርስትና ና እስልምናም  መሰረታቸዉ ኢትዮጵያ ነዉ (ክርስትና አምነትን በሃገር ደረጃ የተቀበለች የመጀመሪያ ሃገር  ናት።ታላቁን ነብይ ሙሴ የተማረዉ ና ሚስቱን ያገኘዉ  ኢትዮጵያ ነዉ ። የነብዮ ሙሃመድ ተክታዮችን ተቀብላ እርዳታ በማረግ  እሰለምና እንደስፋፋ ያረገቸ  ሃገር ኢትዮጲያ ናት )።የሚገርመው አነዚህ ሰወች ኢትዮጲያዊነት ሳንፈልግ ተጭኖብን  ብለዉ የሚጽፉት፣ በራዲዮ ና ቴሌቪዥን ቀርበዉ የሚያማርሩት በዛው በአማርኛ ቋንቋ ነዉ። አብዛኖቹም የሚኖሩት በዉጭ ነዉ ፤  በእዉነት  ተጭኖባቸዉ ከሆነ አማርኛን አሁን አርግፍ አርገዉ ለምን አይጥሉትም ? ክርስትና ና እስልምናም ትተዉ ቡዲዝም፣ ሂንዱዝም ና ሌላዉን እምነት ለምን አይዙም?

ነገር ነገር ያነሳዋል ነዉ ና አንድ ነገር  ልጨምር። ነፍሱን ይማርና ታላቁ ደራሲ ስብሃት ገብረ እግዚአብሄር አንዲት የመጽሃፉ አንባቢ የሆነች ሴት ’’ያንተን መጽሃፎች ደግሜ ደጋግሜ ባነባቸዉም አልገባኝ አሉ።ምን ይሻለኛል?’’ ብላ ጠየቀችዉ።አሱም ሲመልስ ‘’ቆንጅት የማን ነሸ አራዳ፣ደግመሽ ደጋግመሽ መጽሃፎቸን የምታነቢያቸው ቢገባሽ፣ቢጥምሽ ነው።አንዲያ ባይሆን ኖሮ አንዴ አንበሽ ካልገባሽ ትጥያቸው ነበር’’ አላት። አሁንም ኢትዮጲያዊነት ሳንፈልግ ተጭኖብና ብለዉ፣ አማርኛ አስከ አሁን የሚጠቀሙት ተጭኖባቸዉ ሳይሆን ቢመቻቸዉ፣ ቢጥማቸዉ፣ቢጠቅማቸዉ ነዉ። መሰረታቸዉ ኢትዮጲያ የሆኑትን  ክርስትና ና እስልምናም የሚከትሉት ለገነት ያበቁናል ብለው ሰለሚያምኑ አንጅ በእዉነት ተጭኖባቸው አይደለም።

5-ስለ ስም መቀየር

“…በአዲስ አበባና በትልልቅ ከተሞች፣ በትምህርት ቤቶችና በሥራው ዐለም ተቀባይነት ለማግኘት ብለው ወላጆቻቸው ያወጡላቸውን ስሞች ወደ “በቆንጆ”  የአማርኛ ስሞች የለወጡ ሰዎች አሉ፡፡ አነዚሀ ደግሞ ኦሮሞዎችና የደቡብ ሀዝቦች ብቻ ሳይሆኑ ራሳቸው አማሮችም ጭምር ናቸው። እላይ በተባሉት ምክንቶች አማሮች ሳይቀሩ ስሞቻቸውን ይለውጡ እንደነበር ዐይነተኛ ምሳሌ የሚሆኑት አሁን በባህር ማዶ የሚኖሩመንኒ አቶ ለይኩን ቤተሰቦች ናቸው። ተሪካቸጡም ዕውነተኛ ነው፡፡ በ1933ፋሺስት ኢጣልያ ኢትዮጵያን ከለቀቀች በኋላ የአርበኛው የአቶ ወልደጻድቅ ክብረት ቤተሰቦች ከመራቤቴ ወደ አዲስ አበባ አመሩ። ስሞቻቸውም <<ዳባሽ>> <<ባፈና>> እና <<ሺናባቸው>> ነበሩ፡፡ እነዚህን ስሞች የሰሙ የአዲስ አበባ ሰዎችም በጣም እየሳቁባቸው ስለቀለዱባቸው ስሞቻቸውን ለመለወጥ  ተገደዱ። ስለዚህም <<የውብዳር>>፣ <<ኮከብ>> እና <<ወርቁ>> ተባሉ። የአቶ ለይኩን ሌላ ዘመድ በመንዝ ይኖሩ ነበር፡፡ ስማቸው <<ነቅንቄ ጎንጤ>> ነበር። ይህ ስም በአዲስ አበባ መሳቂያ ስለሆነ የራሳቸውንም፣ ይባስ ብለው የአባታቸውንም ስም ለወጡት በስዋሰው ክብረትዘ ሲሉ፡፡ የጎጃምና የጎንደር አማሮችም ወደ አዲስ አበባ ሲመጡ እንዲሁ ስማቸውን ይለውጡ ነበር፡፡ የእኚሁ የአቶ ለይኩን የጎጃምና ጎንደር ቤተዘመዶችም በአዲስ አበባ ከተማ ስማቸውን ለመቀየር ጫና ደርሶባቸው ነበር፡፡ ለምሳሌ የጎጄሜዎቹ ወይዘሮ <<ሰውበኒት>> እና <<ውጭ አደሩ>> ስሞቻቸው በአዲስ አበባ አሳፍረዋቸው በ<<ሰውነት>> እና <<ባንቺሀ>> ተብለዋል። ይሀም የሚጠቁመን ለቦታና ለሥራ እንዲያመች አቅዶ ስሞችን መለወጥ በኦሮሞዎች ብቻ የተጀመረ አይደለም፡፡በአማሮችም እንጂ፡፡ ስለዚህ ኦሮሞዎች ይህን በእነሱ ላይ ብቻ የደረሰ ትልቅ በደል ማድረግ የለባቸውም፡፡ ነገሩን አስፍተው መመልከት እንጂ፡፡…”

ምን አልባት ጽሃፊዉ የጠቀሷቸዉን ሰወች ከጊዜዉ መርዘም አኳያ ላናቃቸዉን  እነችላለን፡፡ አንድ ሁላችን የምናቀዉ ሰዉ ላንሳ። ጎንደሬዉን ሙዚቀኛዉ ኤሊያስ ተባባል የመጀመሪያ ስሙ  <<ልዋጥህ ተባባል>> ነው። ከገጠር መጥቶ አዲስ አበባ ስኬት ካገኘ በሁዋላ የመጀመሪያ የሙዚቃ ካሴቱን ሲያወጣ ስሙ ቸግር ፈጥሮበት ነበር። የሙዚቃዉን  የሰራለት ሙዚቃ ቤትም የስሙ አሳስቦት ነበር።በመጨረሻ በስምምነት ስሙ ከ<ልዋጥህ>> ወደ <<ኤሊያስ>>ተለወጠ።ይሄን ራሱ ከታማኝ ጋር ባረገዉ ቃለ ምልልስ  ገልጿል። አሁን በወያኔ ጊዜ እንኳን  ወርቃማ  የሃገራችን ስሞች  በነ ኪኪ፣ሊሊ፣ቢቢ፣ሚኪ፣ሱዚ፣ጃኪ እየተቀየሩ ነው። ድሮ ሳዉቅ እነዚህ ስሞች የሚሰጡት ለዉሻ ና ለድመት ነበር።እንዴት አድገዉ የሰው ስም ለመሆን እንደቻሉ ይገርማል። ምን ይሄ ብቻ :: የ12ኛ ክፍል መልቀቂያ ፈተና ከጎበዝ ተማሪ ጋር ለመቀመጥ ስንቱ ነዉ ሰሙን የቀየረ? ስንቱ ነዉ የለለ ፊደል ከስሙ ፊት የጨመረ? ይሄ በመሆኑም ወያኔ አይወቀስም።ምርጫዉና ሃላፊነቱ የግለሰቡ ነዉ።

ነግሩን አጥበን አይተነው ነዉ እንጅ  በኛ ሃገር ብቻ ያለ አይደለም።ለምሳሌ  በእንግሊዝ ሃገር <<Fox>>፣<<Stone>> ና <<Drinkwater>>  የሚባሉ ታዋቂ ሰዎች አሉ። እነዚህ ሰዎች ኢትዮጵያ  መጥተዉ መኖር ቢጀምሩ  ስሞቻቸዉ ምን አይነት ግርምትን እደሚፈጥር ግልጽ ነዉ። ለየት ያለ ነገር በአንደ ማህበረሰብ ሲመጣ ግርምት ቢፈጥር  ምኑም አይደንቅም።ባጭሩ ገለሰቡ የተሰማዉን ሰሜት መስረት አርጎ ስም ቀየረ እንጅ አዋጀ ወይም ግዴት አልነበረበትም።

6- ዘረኛ ትንኮሳ ላረገባቸው ግለሰብ  የመለሱት

“….የዘር ጥላቻ የሚያሰራጭ፣ የኢትዮጵያ ጠላት የሆነ፣ ከሰው ተራ የወረደ፣ ያልስለጠነ፣ ኋላቀር ክፉ አውሬ ነው፡፡ እሱን መልሶ መስደብ ዓየር የመሳብ ያህል ቀላል ነበር፡፡ ሆኖም እንደዚያ ማድረግ እንደሱ ዝቅ ማለት በመሆኑ ትቼዋለሁ። ከሱ ጋር መመላለስ ክብር እንዲሰማው ማድረግ መስሎ ተሰማኝ፡፡ ስለዚህ በዚች ዓለም ላይ ያልተፈጠረ ያህል ንቄ ተዉኩት፡፡ እሱ ግን እንድናደድና የሱን ዘር በሙሉ በግምት እንድጠላ ተንኩሶኝ ነበር፡፡ ያ ደግሞ ኢ–ምከንያታዊነት ነው ለኔ፡፡ በሱ የተነሳ ከኢትዮጵያ ሰንደቅዐላማ፣ ከባሕሏም ጋር ምንም ጉዳይ የለኝም ብዬ ኢትዮጵያዊነቴን አልክድም፡፡ በፍጹም ይህን አላደርገውም፡፡ ….“

ብዙወቻችን ዘረኞን ንቀን ብንተዉ መልካም ነዉ። ዉሃ ሲወስድ አየሳሳቀ ነው ነገሩ። ሳናስበው ወደ አንሱ ጭዋት እንዳንገባ። የወያኔ ጥንካሬዉ ወታደሩ፣ደህንነቱ፣የዘረፈዉ ሃብቱ  ሳይሆን ተከፋፍለን አልደማመጥ ያልን ወገኖች ነን። ሊቁ ‘’The world is a dangerous place to live; not because of the people who are evil, but because of the people who don’t do anything about it.’’ ይላል።  ሃገራችንም እየጠፋች ያለችው  በዘር ተከፋፍልን ምንም ማረግ ባለመቻላችን ነዉ።

ምስጋና  ለጸሃፊው !

የጣናዉ    ከምድረ አዉሮፓ

yetanawlij2000@gmail.com

…ወያኔ የዘር ማጥፋት ወንጀል በሕዝቡ ላይ እየፈጸመ ነው ። የገበሬውን ቤት እያቃጠለ ህብረተሰቡን ለማዳከም እየሰራ ቢሆንም የከፋኝ እንቅስቃሴ ሰሞኑን በበለሳ ከነበረው ጠንካራ ውጊያ በላይ እየሰፋ ነው…በአሁኑ ወቅት እነሱ ታላቂቱን ትግራይ ለመመስረት ለሱዳን በአደራ ጭምር እየሰጡ ያለውን ድንበር ላይ ሕዝቡ ትኩረት አልሰጠም።ይሄ ትኩረት ማግኘት አለበት ። ከሱዳን የተረፈውን መሬት በባለሃብት ስም የሕወሓት ካድሬዎች እየተቀራመቱት ነው።ይሄ ሲሆን መከላከያ ሰራዊቱ ድንበር አቅራቢያ ቆሞ እያየ ነው። በተቃራኒው ግን እኛ ትኩረት የሰጠናቸው የሚያለያዩ ጉዳዮች ላይ ነው ።ይህ ሁኔታ ግን…> አክቲቪስት ሙሉነህ ዮሐንስ በአሁኑ ወቅት በአገር ቤት በሰሜን ጎንደር ያለውን ህዝባዊ ተጋድሎ በተመለከተ ከህብር ተጠይቆው ከሰጠው ማብራሪያ የተወሰደ( ቀሪውን   ያድምጡት)

…ማህበራዊ ሚዲያውን እርስ በእርስ ለመማማር ብንጠቀምበት ለለውጡ አጋዥ አድርገን መጠቀም መልካም ነው። በዛሬው የአርበኞች ግንቦት ሰባት የዲሲ ሜትሮ አካባቢ ስብሰባ የተሳካ ነበር። ኢትዮጵያውያን ለወሬ ትኩረት እንደማይሰጡ አሳይተዋል። በሕዝቡ ኮርቻለሁ ፕ/ር ብርሃኑም ማህበራዊ ሚዲያውን ለለውጥ እንድንጠቀምበት መክረዋል።ስብሰባው የተሳካ ነበር …> አክቲቪስት መኮንን ጌታቸው ከዲሲ የኢትዮጵያውያን የጋራ ግብረ ሀይል በሜሪላንድ የተካሄደውን አርበኞች ግንቦት ሰባት የጠራውን ስብሰባ በተመለከተ ለህብር ሬዲዮ ከሰጠው ማብራሪያ የተወሰደ (ቀሪውን ያዳምጡት)

የዘንድሮ የታክስን በተመለከተ ውይይት ከአትላንታ የቲኬ ሾው አዘጋጅ አቶ ተካ ከለለ ጋር የተደረገ ቆይታ (ልዩ ቃለ ምልልስ)

የአቶ አንዳርጋቸው ጽጌ ቤተስቦች እና ደጋፊዎች የአንዳርጋቸው የልደት በዓልን በተቃውሞ ጥሪ አከበሩ

“የአንዳርጋቸው መታሰር አንድን ሰው ወደ አንበሳ ጎሬ የመወርወር ያህል ይሰማኛል…የዛሬ ዓመት የአንዳርጋቸው የልደት በዓልን ከአንዳርጋቸው ጋር በጋራ እንደምናክብር ተስፋ አለኝ” የአቶ አንዳርጋቸው ባለቤት ወ/ሮ የምስራች ለዜና ሰዎች ከተናገሩት የተቆነጠረ(ልዩ የልደት በዓል እና የቅስቀሳ ዘመቻ ጥንቅር)

በደህነት ስጋት በአየር ማረፊያ በተደረገ ምርጫ ወደ ስልጣን የዋጡት አዲሱ የሶማሊያ ፕ/ት መሀመድ አብዱላሂ/ፎርማጆ አገራዊ እና ዓለማቀፋዊ ተስፋዎች እና የተደቀኑባቸው ችግሮች ሲፈተሹ(ልዩ እና ወቅታዊ ምልከታዎች )

ከፕ/ር አለማየሁ ገ/ማርያም ጋር ፕ/ት ዶናልድ ትራምፕ ስለሰጡት ውሳኔ የሕጋዊነት ጥያቄ እና ተያያዥ ጉዳዮች ጋር ያደረግነው ውይይት ቀታይ ክፍል

ሌሎችም አሉን

ዜናዎቻችን

ሕወሃት በቅማንት ስም የእርስ በእርስ ግጭት በማስነሳት የታላቁዋን ትግራይ ሕልም ከማሳካት እንደማይመለስ የብሄሩን ተወላጆች ሰብስቦ አስፈራራ

ፕ/ር ብርሃኑ የነጻነት እየተባለ የሚጠቀሰው የትግል እንቅስቃሴ የድርጅታቸው ትግል መሆኑን ገለጹ፣ ለወሬ ቦታ የለም ብለዋል

በኦሮሚያ ውስጥ ነዋሪዎች የአስቸኳይ ጊዜ አዋጁ  ሲጠናቀቅ ለአዲስ ተቃውሞ እንደሚወጡ ተናገሩ

“ኢህአዲግ፣ተቃዋሚዎች እና አክቲቭስቶች ዘላቂ እርቀ ስላም የሚያመጡ እይመስለኝም“ጦማሪ ዘለአለም ክብረት ለእንግሊዙ ጋርዲያንጋዜጣ ከስጠው አስተያየት የተወስደ

የሶማሊላንድ መንግስት ዛሬ የበርበራ ወድብን ለአረብ ኤሜሬት ወታደራዊ ሰፈርነት መፍቀዱ ከኢህአዲግ አገዛዝ በኩል ተቃውሞ ገጠመው

በአገር ቤት በይስሙላ ድርድር የሚሳተፉ ተለጣፊ ተቃዋሚዎች አገዛዙ ከሕዝብ ጥቃት እንዲጠብቃቸው ጠየቁ ሌሎችም

ትውልደ ኢትዩጵያዊው እውቅ ድምጻዊ አቤል በለገሰው በካናዳ ዩኒቨርስቲ የግዕዝ ቋንቋ ማስተማር ተጀመረ

ሳውዲ አረቢያ ውስጥ በጠራራ ጸሐይ ዝርፊያ አድርገዋል የተባሉ ሁለት ኢትዪጵያዊያን ወጣቶች ከፓሊስ እጅወደቁ፣በኢትዬጵያ አየርመንገድ አማካኝነት አደገኛ እጽ በሆድ እቃው የሽሽገ ናይጄርያዊ ህንድ ውስጥ እጹን እንዲተፋ ተደረገ

ለዓመታት ደም የትቃቡት የኢትዬ–ኬኒያ አርብቶ አደሮች ስለዘላቂ ሰላም ምክክር አደረጉ፣አብረውም ገበታ በጋራ ተቋደሱ

ሌሎችም

Hiber radio Las Vegas ይህ ህብር ሬድዮ _የወቅታዊ መረጃ ምንጭ ነው። ህብር ሬድዮ በአቤኔዘር ኮሙኒኬሽን ሴንተር እየተዘጋጀ  ከላስ ቬጋስ ከተማ፣ ዘወትር ዕሁድ በአካባቢው ሰዓት አቆጣጠር ከምሽቱ 6፤30 ሰዓት እስከ 8 ሰዓት በህብር ሬዲዮ ድህረ ገጽ ወይምበቀጥታ በስልክ ለማዳመጥ 5639993994 ወይም 563999-3988 ወይም 712-432-8451 በመረጡት ቁጥር መደወል ብቻ በቂ ነውበእንግሊዝ ለምትኖሩ በ01405770140 በስልክ ማዳመጥ ይቻላል። ዘወትር በድህረ ገጻችን፣ ከ googel app store Hiber Radio ወደስልክዎ በመጫን ካልሆነም በዘሐበሻ እንዲሁም በተጠቀሱት ስልኮች ማዳመጥ ይቻላል።

ሰሞኑን “እረኛ” በምትል ቃል የተነሳ ጫጫታ በዝቶ ነበር።ጫጫታ ያልኩት ነገሩ ምንም ጭብጥ የሌለዉ አፍ መክፈት ስለሆነ ነው።መነሻዉም አላዋቂነት፣በራስ ያለመተማመን፣ጥራዝ ነጠቅንት ነዉ።አፍ ሲከፈት ጭንቅላት ይታያል ነዉ። ባዶነታቸዉን በአደባባይ  በራሳቸዉ ፍቃድ አሳይተውናል ።ለዚህ ሊመሰገኑ ይገባል። በዛላይ ለ3 ስአት ያን የመሰለ ቁም ነገር ሲወራ አንድ ቃል ብቻ መያዝ በጣም ያሳዝናል።ፕ/ር ሀይሌ ላሬቦ በድጋሚ “እረኛ” የምትለዉን ቃል ትርጉም ከተለያየ አቅጣጫ አስረድተዋል። እኔም በዚህ ጽሁፍ ከሊቁ ፕ/ር ሀይሌ የበለጠ ለማብራራት ሳይሆን ፤ እንደው ቀለለ ባለ አቀራረብ ቢገባቸዉ  ከሚል ነዉ።

እኔ ያደግኩበት ሰፈር ዮናስ የሚባል የ5 አመት ህጻን ነበር።ዮናስ ከእድሜ ጏደኞቹ የተለየ ልጅ ነበር።ጥሎበት አልቃሻ ልጅ ነበር።ስምህ ማን ነዉ ቢሉት ማልቀስ የሚቃጣዉ አይነት ልጅ ነበር።ጏደኞቹ ሲመቱት፣ሲሰድቡት እያለቀሰ ወደ አባቱ ነበር የሚሄደዉ። አባቱ ድግሞ በዚህ በጣም ይናደዳል። ወንድ ልጅ ነህ ፤  ሲመቱህ ተማታ፣ ሲሰድቡህ ተሳደብ ሁሌ እያለቀስክ አትምጣ ይለዋል። ዮናስ ግን ታጥቦ ጭቃ።አገሌ መታኝ፣አገሌ ሰደበኝ እያለ ሁሌም ወደ አባቱ። አንድ ቀን ቤት ቁጭ እያለቀሰ መጣ።አባቱም ተናዶ ደሞ ዛሬ ማን መታህ? አለዉ። እሱም ሰድበዉኝ ነው አለ እንባዉን እየጠረገ። አባቱም ምን ብለው ሰደቡህ? አለዉ። ዮናስም “የሃብታም ልጅ” ብለው አለ።ሁላችን  የልጅ ነገር ብለን ሳቅን። እንግዲህ ስድብ እናርገዉ ከተባለ ሁሉም ቃል ስድብ ይሆናል። አንተ ሃኪም፣አንተ መሃንዲስ፣አንተ አስተማሪ …ወዘተ።ዮናስ አሁን የ 20 ልጅ ነዉ ። ይሄን ገጠመኝ ልጅ ስለነብር አያስታዉስም። ግን ካደገ በሁዋላ አባቱ እያስታወሰ የልጅነት ጸባዩን ይነግረዋል። አሁን አሜሪካ እየሰራ ይማራል። ኑሮ ሲከብደዉ የሃብታም ልጅ እየተባልኩ አባቴ ጋር ብኖር ይሻለኛል እያለ ይቀልዳል። “እረኛ” የምትል ቃል ያንጫጫቸዉ ሁሉ ከ5 አመቱ ዮናስ በአስተሳሰብ ምንም አይለዩም።ሳይብሱም አይቀሩም እንዳያያዛቸዉ።

ለመሆኑ “እረኛ” ምን ማለት ነው?ስድብስ ነው ወይ?አሮሞወችስ እረኛ ከልነበሩ ምን ነበሩ?

1- የመዝገበ ቃላት ትርጉም

“እረኛ” ማለት ከብትን አሠምርቶ ወደ ክፉ ቦታ እንዳይሔድ የሚጠብቅ ማለት ነዉ።በእንግሊዝኛዉም ተመሳሳይ ነው።ምንም ማብራራት አይጠይቅም ።ስራ ሁሉ ደግሞ ክቡር ነዉ።አለምን አለም ያረጋት ሁሉም ስዉ በተለላይ ሞያ መሰማራቱ ነው። ዛሬ አለም የሚጠጣዉን ቡና ያበረከተዉ  ካልዲ የሚባል የፍየል እረኛ አይደለምን?

2-“እረኛ” በመጽሃፍ ቅዱስ ዉስጥ

በመጽሃፍ ቅዱስ ዉስጥ እረኛ” የሚል ቃል ቢያንስ 6 ቦታ ተጠቅሶ ይገኛል። እነሱም:

– ትንቢተ ኢሳይያስ 40:11

መንጋውን እንደ እረኛ ያሰማራል፥ ጠቦቶቹን በክንዱ ሰብስቦ በብብቱ ይሸከማል፥ የሚያጠቡትንም በቀስታ ይመራል።

-ትንቢተ ሕዝቅኤል 34:23

በላያቸውም አንድ እረኛ አቆማለሁ እርሱም ያሰማራቸዋል፥ እርሱም ባሪያዬ ዳዊት ነው፤ ያሰማራቸዋል እረኛም ይሆናቸዋል።

ትንቢተ ሕዝቅኤል 37:24

ባሪያዬም ዳዊት ንጉሥ ይሆናቸዋል፤ ለሁሉም አንድ እረኛ ይሆንላቸዋል፤ በፍርዴም ይሄዳሉ ትእዛዜንም ይጠብቃሉ ያደርጓትማል

1ኛ የጴጥሮስ መልእክት 5:4

የእረኞችም አለቃ በሚገለጥበት ጊዜ የማያልፈውን የክብርን አክሊል ትቀበላላችሁ።

የዮሐንስ 10:11

“መልካም እረኛ እኔ ነኝ፤ መልካም እረኛ ሕይወቱን ስለ በጎቹ አሳልፎ ይሰጣል

ወደ ዕብራውያን 13:20

በዘላለም ኪዳን ደም ለበጎች ትልቅ እረኛ የሆነውን ጌታችንን ኢየሱስን ከሙታን ያወጣው የሰላም አምላክ፥

ከላይ እዳየነው “እረኛ” የምትል ቃል ለጥሩ ነገር እንጂ መጽሃፉም በስድብ አይጠቀምበትም። ትርጉሙም መጋቢ፣ ጠባቂ፣ ተንከባካቢ ማለት ነው።

3-አሮሞወችስ እረኛ ከልነበሩ ምን ነበሩ?

አሮሞወቹ እረኛ ነበሩ ማለት አኮ: ወተቱን ይጠጡ ፣እርጎዉን፣ስጋዉን፣አይቡን አንደ ልብ ይበሉ ነበር ማለት ነዉ።ይሄ ምኑ ክፉ ነው?ነዉሩ ምን ላይ ነው? አሁንስ ቢሆን አኦሮሞወች ላም አላቸዉ አይደል አንዴ?አለም በሙሉ ከብት ያረባ የል አንዴ? የት ሃገር ነው ከብት ማርባት ስድብ ና ዉርደት የሆነዉ? አሮሞወችስ ለከብት ሲያረቡ ላሞቸ ከአውሬ የሚጠብቅላቸዉ ማን ነበር? መላእክት ከሰማይ ወርደው ወይስ አሮሞወች እረኛ ከቻይና ና ህንድ እያስመጡ ወይስ በሮቦት በመታገዝ? ላሞች ለምለም ሳር ና ጥላ ስር የሚሰማሩት በርቀት መቆጣጠሪያ ወይስ በእረኛ? ከቤት ለሳር ግጦሽ የወጣ ከብት ቤቱ የሚመለሰዉ በጂፒኤስ መታገዝ ነበር ወይስ በእረኛ?

ቸር አንሰንብት።

የጣናዉ    ከምድረ አዉሮፓ

yetanawlij2000@gmail.com

ከሙሉቀን ተስፋው

በሰሜን ጎንደር በወገራ ወረዳ የእንቃሽ ገበሬዎችን ለማፈን በሌሊት የተንቀሳቀሰው የወያኔ ሙሉ መካናይዝድ ጦር ዛሬ የካቲት 7 ቀን 2009 ዓ.ም ከጠዋቱ 12.00 ጀምሮ ከበባ አድርጎ ነበር፡፡ ከቦታው መረጃውን የሰጡን የአካባቢው ገበሬዎች እንደሚሉት ጠዋት ከመኝታቸው ከመነሳታቸው በፊት ነበር የወያኔ ጦር ከገበሬዎቹ ላይ ጦርነት የከፈተው፡፡

ገበሬዎቹ በጎበዝ አለቆቻቸው አማካይነት እስከ እኩለ ቀን ድረስ ሲዋጉ ከዋሉ በኋላ የወያኔ ጦርን ከበባ ሰብረው ለመውጣት ችለዋል፡፡ አሁን ላይ በጫካ ተበትነው እንዳሉ የሚናገሩት የጎበዝ አለቆች ‹‹በሰላም ወጥተን መግባትም ሆነ ሰላማዊ ሕይወታችን መቀጠል አልቻልንም፤ አሁንም በጫካ ተበትነን ነው ያለነው›› ሲሉ ተናግረዋል፡፡

ባገኘነው መረጃ መሰረት እስካሁን በሰውና በንብረት ላይ የደረሰ ጉዳት ባይኖርም የወያኔ ጦር ኃይሉን አጠናክሮ በአካባቢው እንደሚገኝ ተገልጧል፡፡ ‹‹ማዶ ለማዶ እየተያየን አለን›› ሲሉ ከቦታው ያገኘናቸው አባት ተናግረዋል፡፡

ከእነዚህም ምንም አይነት ክስ ሰይመሰርትባቸው አማራ በመሆናቸው ብቻ ግፍና መከራ እያዩ ናቸው።
አብዛናዎቹ የታሰሩት በአማራ ተጋድሎ የተጀረመረበት ወቅትና ከዚያ በኋላም የቤተሰብ አስተዳዳሪና ረዳት የሌላቸው መሆናቸው ታውቋል።
እነዚህን እና ሌሎች ያለምንም ወንጀል አማራ በመሆናቸው ታፍነው የሚኙኘት በአስቸኳይ የማይለቀቁ ከሆነ ማንኝፕውንም እርምጃ በማንኛውም ሰዓት ለመውሰድ እንገደዳለን ብለዋል የአካቢበው ነዋሪዎች።
#አያሌው_መንበር

ግርማ ብሩ

ኢሳት (የካቲት 6 ፥ 2009)የኢትዮጵያ መንግስት በተያዘው የፈረንጆች አመት ከአሜሪካ ጋር ያለውን ግንኙነት ለማጠናከር የማግባባት (ሎቢንግ) ስራ ከሚያካሄድ አንድ ድርጅት ጋር የ1.8 ሚሊዮን ዶላር ስምምነት መፈራረሙ ታወቀ።

የካቲት ፯ ( ሰባት )ቀን ፳፻፱ ዓ/ም ኢሳት ዜና :- አቶ መላኩ ፋንታ ከእስር ቤት ተጠርተው ተጠይቀዋል፤ የባንኩ ከፍተኛ ባለስልጣናት የነበሩ መጥሪያ ደርሷቸዋል፤ የህወሃት መካላከያ አባላት ሰነድ አጥፍተዋል፤ ከአገር የወጡም አሉ።