‘’ያዢልኝ ቀጠሮ ቦታ ምረጪ እና ቦታ’’… ተረታ!
ተወዳጁ ድምጻዊ መስፍን አበበ ከዚህ አለም በሞት መለየቱን ዛሬ ሸገር ራዲዮ ዘግቧል። ሸገር ቤተሰቦቹ ነገሩኝ ብሎ እንደነገረን ፤ ሰረቅራቃማ ድምጹን በጊታሩ በማጀብ ሃያ ሁለት ካሴቶችን ያበረከተልን ድምጻዊ በድንገተኛ ህመም ወደ ጳውሎስ ሆስፒታል ከተወሰደ በኋላ ዛሬ ግንቦት ሃያ አምስት 2008 ዓ.ም ሊነጋጋ ሲል ህይወቱ አልፋለች።
ጋሽ መስፍን ባለትዳር እና የአንዲት ሴት ልጅ አባት እንደሆነ የነገረን ሸገር፤ የቀብር ስነስርዓቱ ነገ ግንቦት ሃያ ስድስት በጰጥሮስ ወ ጳውሎስ ቤተክርስቲያን ከቀኑ ስድስት ሰዓት ላይ ይፈጸማል ሲል ዘግቧል።
”አይሽ አይሽና ይመጣል እንባዬ…” ሲለን የነበረው ድምጻዊ ዳግም እንደማናየው ስናስብ ሃዘናችን ቢከፋም ነፍሱን ይማርልን ለቤተሰቦቹም መጽናናትን ይስጥልን ከማለት ውጪ ምርጫ የለንም!